100 كيلو في اسبوع؟؟

مشكورين على تعقيبكم وتعاطفكم

الحمد لله ’’ أنا ما أجرب ريجيمات

أعتمد على الرياضة والشاي الأخضر وتدليك البطن بالنسكافيه

الله يشفى جميع المصابين باى مرض من الامراض

اصلاً احب انبه بنقطه ان اي وحده تبي تصلح رجيم تروح لمركز صحي مختص وياخدون عليها فحوصات شامله ويعطونها رجيم يناسب حالتها وهم التمارين اللي تناسب لها

جزاج الله يا اختي

قلة الاكل الصحي وقلت شرب السوائل خطر على صحة الانسان
ممكن يتعرض للأمراض
انصح كل وحده انها ماتوسي رجيم قاسي
اقولكم قصة قصيرة
وحده كانت متينة كلش وقالت الا اضعف الا اضعف وتمشي على الرجيم الكيميائي
كل يوم خسه وحده بس !! وبعد مرور الايام ومرة وحده غمه عليها وتوفت الله يرحمها بسبب هالرجيم القاسي

والله اني اقولكم ليش هالهم والعذاب الي شايلينه
اتبعو رجيم صحي وراح تجوفين التناسق والرشاقة

ومن ردوكم وبمشكلتكم عورت قلبي والله

السلام عليكم
اختي الله يمن عليك بالصحه والعافيه يااارب
الله يشفيك ياارب ويعطيك صحتك يااارب
انا نزولي بطيء
مايزيد عن كيلو بالاسبوع
يمكن نزولي كيلو بالاسبوع لاني تو خالصه من فترة حمل يعني راح ينزل وزني اللي زدته اثناء الحمل بسرعه
الله يكون في العون
انا احاول ارتب وجباتي واخذ مكملات غذائيه لكن اهمل كثييير فيها
والرجيم مايخلي لي نفس آكل ابداً
الله يكون بالعون
الله لايبلانا يارب ويمنحني الصحه والعافيه

السلام عليكم
صح اختي انا انقصت تقريبن 23 كيلو من اربع لست شهور ,,, وبعده كنت احس بتعب شديد ودوخه وزغلله بالعيون وتساقط شعر فضيع مع مع الالم غريبه تبدأ في اذني ثم تنزل على حلقي رقبتي وتستقر في منتصف الصدر ....
مع فقر دم شديد والحين طاااف على هالموضوع تقريبن اربع سنوات بس للحنين تعبانه اكثر بعد الزواج والحمل والولاده كملت على الناقص ....
اتمنى كل بنت تأخذ هالكلام بعين الاعتبار ,, اعتدلي في اكلك واكثري من الرياضه والفواكه واالله يحقق مرادكم ويعطيكم العافيه .........

إييييييييه ذكرتوني لما كنت مراهقة يعني لما كنت 14 15 سنة كنت دبدوبة وزني كان 90 وطولي 153 عاد مرة يت دكتورة الله لا يسامحها - إستغفر الله الله يسامحها وين ما راحت ويسعدها - هي اللي قلبت حياتي فوق تحت زكرتني في مكتبها وقالت نشمية إنتي دبة وااايد ولازم تنقصين و كان لها إسبوع كل يوم تزكرني بس ما كنت أسير والله تتكلم وتجرح جدام ربيعاتي وعاد كنت مراهقة وها أصعب شيء عند المراهق
المهم بعد ماسارت من مدرستنا كرهت الأكل ما بتصدقون لو قلتلكم كنت عايشة على الماي وكوب مال قهوة عصير بس طول اليوم وتميت لمدة شهرين فترة الصيف ونقصت من 89 ل 48 بس شو أمشي وأدوخ ودوم في المستشفى الم في القلب تخيلوا عاد ياهل وعاد شعري راح والله يفشل
المهم بعد ماسرت المدرسة وشافوني ربيعاتي يتلي وحدة وتمت تأكلني شوي شوي والحمدلله رجعت صحتي ووزني وشعري بعد :) ووقفت عند 70 60
وعلى فكرة من زود الرجيمات أثر على جسمي و قمت ما أتحمل الحمل وحتى اليهال يتعبون في بطني ويبتهم كلهم تعبانين وسيزيريان سيكشن مب طبيعي

ها كيفكم اللي تبى تضعف بسرعة هاي تجربتي وتجربة كاتبة الموضوع والخوات المشاركات و هي تختار

والله قصص تعور القلب اصلا الريجيم الغلط هو السبب في كل الامراض وقله الاكل هو اهم سبب خاصه اننا نعتدم على اكل معين وننسى الباقي انا بعد عندنا من اقاربنا من يدوخون من الريجيم ومالهم قدرة على المشي حتى
ضحوا بصحتهم عشان مظهرهم ...........

على العموم نصيحتي للي تسوي ريجيم انها تمشي على قد ما تاكل وتستمتع بحياتها

الرجيم الصحي يكون مكون من مجموعات الطعام حسب الهرم الغذائي

يعني اكثر كمية ممكنه من الخضروات .. كمية معتدلة من منتجات الحليب ( خصوصا ان النساء بحاجة للكالسيوم اكثر من الرجال علشان الهرمونات ) .. وكمية قليلة من البروتين .. وكمية اقل من النشويات


وممكن تعويض جميع المواد الغذائية بأكل التمر .. يعني عندك في وصفة الرجيم حبة فاكهة بدليها بثلاث تمرات فقط لانه شامل على جميع العناصر الغذائية ماعدا الكالسيوم

نسيتو ان الصحابة في الحرب كانو يتغذون على حبة تمره في اليوم !!

وطبعا الرجيم عادتا 2 كيلو في الاسبوع يعني ماهو مثل ما تقولون كل شهر

واشكر صاحبة الموضوع على حرصها على صحتنا والله يجعله في ميزان حسناتك

جزاج الله خير اختي الله يشيفيج و يشفي بنات المسلمين موضوع يستاهل مليون نجمة الصراحة
الحمدالله انا اتبع تخفيف والله يوم كمت ابي اسوي رجيم قاسي رااسي حده عورني قلت خلاص ابطل ما يصلح

الله يعطيك الصحة والعافية
جزاك الله خير على سرد تجربتك

جزاك الله خير على نقل تجربتك

انا صج متينه وجسمي مو عاجبني مررره وزوجي يبيني انحف بس انا باديه اعمل رياضه والله كريم