تجمع بنات مصر فى ركن العناية بالشعر (2)

[quote=sally2007;7428218]هو انا مجربتش بتاع ايفون بس بستخدم نوع تانى اسمه زيرو فريز وعموما السيرم بيتحط على الشعر قبل السشوار او المكواه وممكن كمان تحطيه بعد ماتغسلى شعرك بدل الكريم
المكواه بنات كتير شكروا فى بيبى ليس[/quote ميرسي ياجميل علي ردك بس اانا كنت عايزه اعرف رقم الموديل انا كدا كدا كنت هجيب بيبي ليس بس بقا الموديلات تختلف بس انا عاجبني الحمر اجدد حاجه لوحد عارف بتتبع فين وبكام يقلي ضروري الحمرا حلوه لانها بتعمل بببخار والشعر مبلول

بنات انا الحمد لله شعري ليس بس خفيف شويه

انا بقي كنت عايزه اعرف لو استخدمت الموس هيديني فوليم ويبقي بردوا الشعر ليس ولا الموس ده للشعر لكيرلي بس

ياريت حد يفدنا في حوار الموس ده

يا بنات لو فى حد عايز يجيب مكواه بروان فى المنصوره يجيبها من عند توكيل بروان اللى بعد راندبلو اللى على البحر بحوالى 275 كان فى وحده فى المنتدى وصفتها لى قبل كدا
وعامه انا كنت عايزه اسال البنات اللى جربوا المكوه السيراميك البيبى ليس احسن من مكواه chi ولا ايه ؟عايزه اعرف ردكم ضرورىىىىىىىى
على فكره انا جربت امبولات ايفا بالصبار حلوه ااوى وبتتحط على الشعر المبلول مش بتنشف عاديه بس تاثيرها حلو ااوى وسعرها 11 جنيه

يا جماعه قشره الشعر مجننانى جربت معاها كل حاجه مفيش فايده ياريت يا جماعه تفدونى فرحى قرب وعايزه حل سريع للمشكله دى

roro8484;7433738:
يا جماعه قشره الشعر مجننانى جربت معاها كل حاجه مفيش فايده ياريت يا جماعه تفدونى فرحى قرب وعايزه حل سريع للمشكله دى

بصى يارورو ، أنا كان فى شعرى قشرة بطريقة بشعة بس قريت مرة نصيحة يعنى إن اللى عندها قشرة فى شعرها متهرش فى شعرها خالص و فعلا مبقتش أجى جنب شعرى و كمان كنت أغسله أكتر من تلات مرات فى الأسبوع و جربت شامبو بانتين و سن سيلك حلويين أوى
و فجأة لقيتها راحت :D بس أعتقد إن السبب الرئيسى هو غسل الشعر كويس أوى كل مرة تغسليه.

---------------
يا بنات لو حبيت أشترى زيت جدايل من السعودية ؟؟ هيبقى بكام ؟؟

roro8484;7433738:
يا جماعه قشره الشعر مجننانى جربت معاها كل حاجه مفيش فايده ياريت يا جماعه تفدونى فرحى قرب وعايزه حل سريع للمشكله دى

اشطفى شعرك اخر شطفه بعد غسيله بخل تفاح متخفف بمايه وان شاء الله تروح القشرة

وربنا يتمملك بخير ان شاء الله

lolloveme;6547214:
عايزة اعرف احسن نوع بلسم للشعر وحمام كريم عشان اهتم بشعرى شوية عشان داخلة على جواز وهعملة فرد ان شاء اللة

ازيك يا جميلة .. بصي يا جميلة في حمام كريم اسمه اسبشيال بالجرجير و اللوز و الزيتون انا جبته من كارفور و بجد كان تحفة خله شعري طري جدا جدا.. انا جبته من كارفور المعادي و سعرة مش غالي خالص 8 جنية بس

شيماء سعيد;6548973:
انا باستخدم زيت الحية من حراز بقالي اكتر من 6اسابيع وماعملش حاجة غير انه طرى شعري شوية.بس التقصف زي ماهو والتجعيد كمان.واستخدمت فيتامين اسمه للشعر والاظافر وماعملش حاجه واستخدمت فيتا زنك وماعملش حاجه.

انا كمان استعملت زيت الحية و برده محستش باي تغير .. بس اقولك علي سر :D و تتحكيش علية انا بعمل حاجة بجد بتخلي شعري حلو اوي
بحت مجمعة زيوت ( زيت الجرجير - اللوز- الزيتون-الخروع-و زيت حبة البركة - زيت السمسم ) كل دة و بضيف علية حبة جاز صغننين اوي .. هو رحته صعبة اوي بس انا عيزة اقولك انه بينعم الشعر و بحس انه نضيف و فيه لمعه حلوة و بحس انه بيفرده ........... بس لازم تخسلي شعرك كويس علشان الناس ماتهربش من جمبك

ملكة متوجة;6556091:
ممكن يا بنات تفيدوني انا شعري جاف وناشف جدا عايزة نوع حمام كريم حلو قوي لشعري عشان يطريه وكمان نوع كريم او سيرم ادهن بيه شعري قبل المكواه او السيشوار

ممكن تستفيدي من اللي كتبته فوق .. اي خدمة:wink:

فراشة الإيمان;7417394:
ازيكوا يابنات ايه اخباركم

انا نزلت من يومين عند ظاظا للعطور اللى فى الموسكى

وجبت من عنده زيت ج.كازانوفا ب13


هو حمام زيت رااااااااااااااائع انا جربته مرتين

اصل مكتوب على العليه احطه اول اسبوعين كل يوم واسيبه من ساعه لساعتين
وبعدين اغسل شعرى وثانى اسبوعين احطه مرتين فى الاسبوع فانا عملته يومين ورا بعض

بس بصراحه من اول مرة التساقط قل وشعرى اللى كان بيملى الحمام وجسمى وانا بستحمى

بقى كام شعرايه معدوده علشان مابقاش كدابه

مع العلم شعرى كان بيبقى مغرق جسمى وانا بستحمى

بس مضايقنى قوى موضوع كل يوم ده هو مش غلط اغسل شعرى كل يوم ولا ايه

على فكرة هو فى منه 3 انواع بالثوم والجرجير وجوز الهند سألته ايه الفرق وانهى احسن قاللى خدى الثوم

اوحش حاجه فى الزيت ريحته حلوة قوى تحسى انك حتطه توفى او ملبس فى شعرك:o بيفكرنى بالتوفى اللى كنت باكله وانا صغيره:D

ودى صورته مانسيتكوش







وجبت كمان كريم ج.كازانوفا
بس مش من عند ظاظا جبته من محل من اللى تحت اللى هما بيبيعوا مكياج وكده يعنى

خدته من 14 جنيه كان برضوا فى منه كذا نوع

انا خدت الهير فووود

بجد جميل قوى بيطرى الشعر

وبيديله لمعه جمييييييييييييله وريحته حلوة كمااااااان(y)(y)

وطبعا صورته




ايه رأيكوا فيا بقى شاطرة

ما شاء الله

كانك مصورة حاجتى

بستعمل الزيت دا ساعه الحمام مع الشامو

وعندى منه الجرجير وجوز الهند واللوز الحمد لله اصله ما شاء الله جميل والى بالتوم ريحته حلو اوى ما شاء الله

بس بجيبه ب 20

roshymemo;6638145:
طب تعملوا ايه مع شهر هياش ومتقصف وجاف لكن فتلته ناعمة وخطيبي مش عايزني اقصه خالص هو حر هبقى زي امنا الغوولة

بصي هو شعرك كدة نقصة رطوبة فا انت ممكن تهتمي اكتر بالزيوت و حمام الكريم
انا استعملت حمام كريم اسمة اسبشيال بزيت الجرجير و الزيتون و اللوز تحفة بيطري الشعر جدا

صوت العيون;7433971:
اشطفى شعرك اخر شطفه بعد غسيله بخل تفاح متخفف بمايه وان شاء الله تروح القشرة

وربنا يتمملك بخير ان شاء الله

الف شكر ليكى ياورده وان شاء الله اجرب طريقتك صوت العيون بالنسبه لخل التفاح مينشفش الشعر ولا ايه؟؟؟

N0rma;6700823:
بنات انا جبت صابونة الغار من العطار ب3 جنيه غسلت بيها شعرى طريتو عن الاول ودا من غسله وحدا هواظب عليه باذن الله انا قلت اقولكم علشان تجربو

3 جنية :eek: .. انا عيزة اقولك ان انا سالت عيلة في حراز و البنت قالتلي ب 100 جنية و صبونة صغيرة

انت جبتيها منين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

moslematon;6735757:
السلام عليكم

بنات حد سمع عن الكوافيرة اللي في المعادي بتعمل فرد للشعر بالاعشاب اليابانية تقريبا اليوكو ، الكوافير اسمه اوشين واللي بتعمل الفرد يابانية اسمها يوريكو ؟هو بيدأ من 450، يار يت اللي سمع هعنها او يعرف حد جربها يقول ضروري ، او اللي سمع برده عن كوافير 4m اللي في ارض الجولف بتعمل فرد بكريم ايطالي ياريت تقول برده تقريبا بتعمله ب150

ورجااااء كمان احسن نوع سيشوار يناسب المبتدئات مش المحترفات بس يكون حلو قوي سعره كمان

اما من المعادي بس مسمعتش عن اوشين .. يا ريت لو حد عنده اي معلومات عن الموضوع دة يفيدنا يا ريت

صابونه الغار كانت ب 3 بقت دلوقتى ب 4 من العطار الحمد لله

kitty_cat85;6815996:
معلش يا جماعه انا اسفه انى اتأخرت عليكم كنت مسافره......
بالنسبه للكرياتين... بيتكلف حوالى الف جنيه للشعر الطويلو طبعا التكلفه بتختلف على حسب نوع الشعر و طوله و كده.... انا عنلته فى شهر 6 و لحد دلوقتى بجد النتيجه رائعه و مفيش اى ضرر على شعرى... و الله يا بنات امبارح غسلت شعرى و اول مرة مش ادهنه و لا بكريم و لا زيت عشان كنت مستعجله فوجئت ان شعرى احلى من لما بدهنه لاقيته ناعم جدا و مفرود من غير ما الفه و مش هايش.... بجد الكرياتين ده روعه... انا اصلا شعرى قبل الكرياتين كان كيرلى و بيهيش بش فتلته ناعمه ... عشان كده الكوافير عملى الدرجه المتوسطه... فى درجه اقوى للشعر الخشن...
اهم حاجه فى الموضوع انك تعمليه عند كوافير شاااااااااااااااااااااااااااااطر
فى معلومه كده عايزة اقولكم عليها.... كريم بتنوفات مش للشعر... ده كورتيزون
لو عايزين كريم حلو يدهن على فروة الرأس من قدام عشان يتقله... فى كريم حلو اوى اسمه renzi

ممكن اعرف اسم الكوافيرا و عنوانها فين علشان انا شعري زي شعرك تقريبا و عيزة اعمل للكرياتين قبل زواجي.. اكون شاكرة ليكي

ممكن معلومات اكتر عن الفرد بالكراتين

nemonamanemo;7430456:
بنات انا الحمد لله شعري ليس بس خفيف شويه

انا بقي كنت عايزه اعرف لو استخدمت الموس هيديني فوليم ويبقي بردوا الشعر ليس ولا الموس ده للشعر لكيرلي بس

ياريت حد يفدنا في حوار الموس ده

بصراحة الموس ده انا حاسة انا بينشف الشعر و يهيشه على الفاضي و لا بيعمل كيرلي و اي حاجة تانية غير كده

ايه افضل قصه للشعر الطويل ان شاء الله

asprin;7435643:
3 جنية :eek: .. انا عيزة اقولك ان انا سالت عيلة في حراز و البنت قالتلي ب 100 جنية و صبونة صغيرة

انت جبتيها منين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

100 جنيه ايه انا شارية من السوريين نفسهم مكانش بالسعر ده جبت واحدة ب 5 وواحدة ب 7 و كانت اكتر حاجة تقريبا ب 15

قصيه دجراديه يا مورو هيديه شكل تاني خالص

لا دا هى كانت ب 3 وبقت ب 4 بس حتى لون الكرتونه بتعتها اخضر ومن جوا هى بنى