بشهر الثاني ولسه الطريق طويلة

اختي ليش متضايقة ؟ انتي ما تبين الحمل ؟

اذا كان جوابك ايه ، انا اعاتبك .. مهما كانت الظروف انتي حامل الحين و ملزمة تتقبلين فكرة الولد و تحبيه و اكيد لما تقتنعين راح تتغير نفسيتك !

استعينى بالصبر وابعدى الشيطان عنك

حبيبي انا كنت مثلك بداية حملي
على طول نفسيتي تعبانه ومعصبه وما اتحمل شي وطول اليوم نايمه
ومع اني كنت ابي احمل من فتره طويله وماصدقت اني اخيرا حملت لكن في هذي الفتره على طول افكر اني مابي الحمل واحيانا اترك المثبتات لاكثر من يوم وامي الله يجزيها خير كانت تجبرني اني اخذهم وتتابع وراي
وظليت اخذ مثبتات الحمل الى الشهر الرابع


لكن بمجرد ما تركت المثبتات استغربت كيف ان نفسيتي تحسنت كثير وفرق كبير بين حالتي في الاشهر الاولى وبعدين
ما ادري اذا كان المثبتات لها اي علاقه بهذا الشي او انها تسبب الاكتئاب او غيره
لكن سألت وحده من قرايبيني كانت تاخذ نفس نوع المثبت الي اخذه وقالت ان حالتها كانت نفس الشي

اهم شي انك تعرفين ان الي فيك طبيعي وانتي مو لحالك واهم شي ان زوجك واقف معاك
وانشالله بمجرد ماتدخلين الرابع اشياء كثيره راح تتغير وراح تبدأ علاقة حب بينك وبين طفلك بمجرد ما تحسين بالحركه

توكلي على ربك
وفرحي بحملك حتى تتحسن نفسيتك
وخلي زوجك يفرح معاكي
ليش تنكدي على نفسكم فرحت الحمل
وديري بالك على الحمل
حتى ما يحصله شي

مشكورات حبيباتي على الردود المشجعة وان شاء الله خير