هقلكم على طريقتي لعمل الفراخ المكسيكان
في الاول جمعت المكونات والمقادير
نص كيلو صدور فراخ مخليه
3 حبات بصل ع حبه فلفل رومي ( برضو مكنش عندي غير اخضر)
3 فصوص توم
ملح وفلفل
سماق
بهارات
كاري
ملحوظه : ممكن تحطى البهارات والتوابل اللي تحبيها
الطريقة
نحط صينيه او قلايه عالنار وفيها معلقتين زيت ونحط الفراخ تتشوح عالنار لحد ما لونها يبتدي يتغير نقوم حاطين البهارات والتوابل ونسيبها تتشوح معاها لحد ما تستوى نص سوا كده
وبعدين نشيلها
في نفس الطاسه لو الزيت قل ممكن نضيف معلقه كمان ونحط البصل يتشوح حاجه بسيطو ونحط التوم وبعده الفلفل الرومى بس منخلهمش يدبلو خالص علشان تفضل المكونات محتفظه بطعمها
وبعد كده نضيف الفراخ عليها ونسيبها هنلاقيها نزلت ميتها مع البصل يدوب تغلي ونوطي عليها 10 دقايق للسوا
وبالهنا والشفا
هنا جمعت المكونات
وهنا اول ماحطيت الفراخ عالنار علشان تتشوح
وهنا لما حطيت البهارات
هنا الفراخ قربت تاخد اللون الذهبي
خدت اللون الذهبي وشلتها من الطاسه
في نفس القلايه حطيت البصل
والتوم والفلفل الرومى
بعد ما اتشوحو شويه حطيت الفراخ ( لاحظو لون الفلفل)
هنا المكوانت نزلت ميتها
اللي هوا الصوص بعد كده
معلش ملحقتش اصورها بعد الغرف لانها اتاكلت همممممممممممممممممم
يارب تعجبكم
