اخوي ومرته وين يروحون وليش اسوون جذي والله كفايه لي متى ؟

كل شخص غير الثاني وانا رائيي الواحدة تدخل بنية سليمه و قلب صافي الى ان تشوف شي من حماتها

ساعتها تتصرف و تخلي العلاقة رسمييييية

انا لو اقول لكم عن همومي معاهم بتعب وبتنكسر يدي من الكتابه واصلا ما بخلص ..

بس خلوها على الله وادعوا لي من كل قلبكم اني احصل بيت مستقل واطلع عنهم يا رب ..

كلامك صحيح والمشكله اذا جو خواته بعيالهم عندك ويالله على القرف والازعاج يقعدون بالاسبوعين والثلاثه ويتدخلون بكل شي ليش هذا وليش ذاك ادعلي يفكني الله شرهم

عروسه ناعمه
فديتج والله
الله يوفقج وتطلعين بيت مستقل تلاقين فيه السعاده والراحه يا رب

اختي الي يربط ويحل في الموضوع الرجل .. فانا انصح الجميع لتفادي المشاكل الحموات ... لازم من البداية الاستقلالية في بيت بروحها للافضل

الزوج يرتاح والزوجة بعد وهم الحماة ترتاح
لانهم دام الكل في بيت واحد لازم تصير هاي السوالف والمشاكل

مشكوره اخت مغروره عالموضوع وبالنسبه الي انا الحمد لله اعيش في بيت مستقل مع ان خالتي متوفيه وزوجي له اخت واحده الله يخليه له لكن لا نرمي اساس المشكله كله على ام الزوج وخواته لان في بعض البيوت تكون زوجه الابن هي المشكله وليس العكس

تصدقون في بعض المشاكل اللي تصير بين الكنة وحماتها تافهة لو اخذناها بالعقل

احيانا على لبس على طبخ على مدري شنو ؟ صدق تفاهة لو فكرنا بعقولنا وافتكرنا الاجر ماكان صارت هالبلاوي

الرجال ماتصير بينهم هالمشاكل هذي بس الصراحة واسمحوا لي بس الحقيقة احنا ناقصات عقـــل

ولو الوحدة فينا عرضت مشكلتها على اي رجل من العائلة كان اعطاها حل بسيط وسهل ولو فكرت فيه

راح تحس انها تافهة بمعنى الكلمة ..

ناقصات عقل ... ناقصات عقل هذا فقط اللي اقدر اقوله سواء الكنة او ام الزوج عقل ماكوووو ..

ياربي كملنا بعقولنا ودينا ولاتحرمنا من العاطفة اللي هي احلى شي فينا ( ويارب نستخدم هالعواطف صح )..

سامحوني على هالكلام بس هذي الحقيقة المرة والواقع المؤلم ..

دورا لكم حل لعقولكن لان هذي مشكلتنا احنا النساااااااااااااااء بشكل عام

عقولنا ناقصة والحل ان احنا نبحث عن من يكملها .. ولو احس ماكوو حل بس يارب الفرج .

فعلا" بعض النساء مثل السم مو شرط لانها ام الزوج يعني تلقينها راعيه مشاكل بالاساس
بس كلمه حق اقولها الحمدلله امي زوجي ما تعاملني الا مثل بنتها وحتى خواته مثل خواتي
بس المشكله انه زوجي دوم خايف اني ما احبهم
يعني لو ازعل معا اخته على شي بسيط ونتصالح هو على طول يفكر اني ما احب اهله وما اطيقهم واحسه يسجل علي كل تصرف
الله يهديه مادري متى بيفهم انه لانهم مثل اهلي طبيعي تختلف وجهات نظرنا مومعناته اني ما احبهم

اختي الاسلميه
مرورج طيب

اغلاهم ويسواهم
مشكوره ع المرور والله يوفقج

نور القمر
كلامج عين العقل

بكيفي احبه
مشكوره ع المرور ويا رب يوفقج ويا ريلج

والله اختي موضووعك رائع ,,, وانا رايي في الموضوع هو ,,, الاشتراط بسكن مستقل من البداايه المشوار عشاان ماتحدث المشاااكل ,,,

موفقه عزيزتي

الاسلمية;6474101:
دورا لكم حل لعقولكن لان هذي مشكلتنا احنا النساااااااااااااااء بشكل عام

عقولنا ناقصة والحل ان احنا نبحث عن من يكملها .. ولو احس ماكوو حل بس يارب الفرج .

خخخخخخخخ والله ضكحتيني
بس صاجه
انا عن نفسي مادري اذا اقدر اتكلم ولا لا لأن ماعندي أخوان والحمدلله خواتي سكنوا مع اهل ازواجهم وماصارت مشاكل
بس اللي لازم كل وحده تعرفه انها رايحه لناس غير عنها تماما، يعني في التصرفات والاطباع وكل شي
فلازم تحاسب وتحاول تكيف عمرها، ولو شنو الناس اللي كنتي معاهم لازم بيكون في صدامات او مواقف تصير
دامها تصير بين الاخوان وبشكل شبه يومي شلون بين الاغراب

وبعدين اسباب المشاكل اللي تصير هو قلة الوعي من الطرفين وكل واحد صاير كأنه داش حرب...يعني البنت من اول ماتنخطب خلاص تعلن الحرب على اهل زوجها واي شي يصير تاخذه على انه امر شخصي وتبرمج نفسها على هالشي
اي شي يقولونه قصدهم فيه انا واي شي يسوونه يبون يستهزئون فيني او ينتقدوني
والسبب الناس والمجتمع وحتى اعلامنا صاير كله ضد الحماوات
وبعدين في ناس يتربون على ثقافات وعادات مادري من وين يابينها
مثال اذا الولد تزوج على طول يقولون له لا تخلي مرتك هي اللي تتحكم بك ولاتسوي لها كذا ولا تشتري لها كذا او لا تلبي طلباتها الا بعد ماتطلع روحها

انا امي كانت عايشه مع اهل ابوي جذي مع ان ام ابوي هي خالتها اخت امها، ويدتي الله يرحمها ربت بناتها كلهم على ان ازواجهم يكونون تحت طوعهم واي شي يبونه حاااضر

والحين عماتي يربون بناتهم على نفس الحركه، بس ماعلمونا السر للحين خخخخخ

وربت الاولاد بعد على نفس الطريقة ان الحرمه مالها كلمة
طيب ليش؟؟؟ هذا سبب راجع لنفسيتها هي وتجربتها في الحياه، يمكن هي عانت مع زوجها وماتبي بناتها يمرون بنفس الشي
وهي الله يرحمها كانت ذكيه ونبهه ولا شي يطوف عليها وعلى قولتهم توديج البحر وترجعج عطشانه خخخخخخ فعشان جذي ربت الاولاد على هالطريقه عشان حريمهم مايلعبون عليهم
ومثل مايقول المثل ((كلن يشوف الناس بعين طبعه))
وهذي المثل ممكن نعتبره السبب الاساسي للمشاكل

المهم، انا مابي اطول عليكم بسوالفي اللي مالها معنى
بس كل واحد لازم يكون عنده حسن ظن بالثاني وبعدين الوحده الذكيه مابتلاقون ان عندها اي مشاكل مع اهل زوجها لانها تعرف شلون تتعامل معاهم
ولا تقولون في ناس مايصير يعتدلون او يتغيرون، هم ممكن يتغيرون بس انتوا مب عارفين لهم ولا كل واحد مننا له مفتاح لو عرفتي كيف تدخلين له خلاص تملكين الشخص
وهني يجي دور السياسه، انتي عرفي متى تشدين ومتى ترخين

وفي الختام خخخخخ اكرر اللي قالته الاسلميه
يابنات كبروا عقولكم ولا تفكرون بهالسطحيه، يعني وش فيها اذا اشتغلتي في بيت زوجج واذا كنستي ونظفتي
سمحوا لي بس اللي تشوف ان هذا فيه عيب ولا نقص في الشخصيه فهي شخصيتها اللي فيها خلل

صح كلامك مغروره

هلا فيكم خواتي ..

اكيد كل وحده فينا اتحب انهاا اتكون في بيت مستقل ،، واتعيش ويا زوجهاا وترتاح من المشاكل وتاخذ راحتهاا من كل النواحي ..

بس في بعض العوائل ماتحب ان البنت يوم يرحون يخطبونهاا تشترط عليهم ان يكون لهاا بيت مستقل ،،

و اكيد بعض الحموات يحبون انهم يجمعون عيالهم في بيت واحد ،، بس يوم البنت تشترط عليهم بهذا الشرط ،، ياخذون عنهاا فكره سيئه ..

وفي بعض الكنه ماتحب انهاا تتنازل عن بعض الامور ،، مثلاً لو كانت تبي تطلع و الحماه طلبت من ولدهاا ان يوديها المكان الي تبيه وبعدين يروحون هم ويا بعض ،، تزعل وتسوي من الحبه قبه ..

والحماه تاخذ بخاطرهاا ،، وتصير بينهم مشاكل ،،

يعني الواحد لابد انه يتنازل في بعض الامور ،، مثلاً الواحد يشد والثاني يرخي ..

///////////

انا عن نفسي اشوف في بعض الحموات يطلعون ميت الف عله على حريم عيالهم بس بالنهايه تطلع هي اساس البلى ..او العكس الصحيح ..

يعني الواحد لابد انه يتحمل ،، علشان تمشي الحياة ..

ادري اني اتفلسفت عليكم وايد بس يالله .. <<<<<< خخخخخ

ربي يحفظج ويسعدكم بحياتكم ويحقق لكم كل امنياتكم ..

والي مب متزوجه ربي يرزقهاا بالزوج الصالح ..

والي متزوجه ربي يسعدهاا هي و زوجهاا ..

والي ماعندهاا عيال ربي يرزقهاا بالذريه الصالحه عاجلا غير اجل ..

فعلا مو بس مواضيع المنتدى تتحدث عن الحماة وبناتها فالمنتدى ماهو الا سوى عينة بسيطة من الحياة الواسعه
وبالفعل انا جربت تعامل الحماة وبنتها اللي كانت صديقتي ولما تزوجت وصرت زوجة اخوها تغيرت واصبحت وحدة ثانية وكأني سرقت شي او خطفت ولدهم وانا لسا عروس

موضوعك روعه

ما اقول الا الله يعين كل عروس على ام زوجها
اذا كانت مختله عقليا وزوجها لاعب فيها لعب وتشوف ولدها يدلع في زوجته
تصير عجوز متشببه وترفع الضغط ودفنها حيه كرامه لها
خخخخخخخخخخخخخ

مشكورين ع مروركم الاكثر من رائع
اختي دلوعه حناني اشدعوه عاد واهي حيه ما يصيرررررررررر مب لهالدرجه بالعكس ام الزوج تعتبر امج الثانيه واحترامها من احترام الزوج فديتج

موضوع حساس
وتشكري عليه

يعطيتج العااااااااااااااااااااااافيه حبوبه

حمواتي مثل العقرب ولا تعليق

بسم الله الرحمن الرحيم

مشكوره اختي على الموضوع

بس انا اتفق مع الاخوات اللي رايهم ان الكنه {زوجة الولد } مو دائما بريئه

تراها احيانا كثيره تكون اهي المشكله واهي الظالمه

بالنسبه لي الحمد لله ما في مشاكل ا م زوجي الله يرحمها متوفيه وما اظن لو هي موجوده بتسبب لي مشاكل الله يرحمها كانت طيبه وتحبني {هي خالتي اخت امي }

وخوات زوجي كلهم طيبين والله ويحبوني مو لاني اقرب لهم بس هم طيبين حتى مع حريم اخوانهم الباقيين
وانا الحمد لله عقلي كبير واحبهم

وامي شقول لكم عنها ...........والله مو لان اهي امي بمدحها طييييييييييييييييييييييييييييييبه وعاااااااااااااااااااقله
والكل يشهد حتى اهل زوجات اخواني بطيبتها

وخواتي الله يحفظه اربع كلهم ماعندهم مشاكل مع امهات ازوجهم او خواته
صحيح احيانا ممكن تصدر من اهل الزوج تصرفات ما تعجب او حركه تضايق بس مو معناتها انهم شيون

يعني الوحده لنا تكبر عقلها وتحب اهل زوجها وتعاملهم بمثل ما تتمنى ان زوجة ولدها في المستقبل تعاملها
وتتقاضى وتحملهم على حسن الظن
ساعتها صدقوني لابتصير معاهم مشاكل ولا شي

بس ما ننكر بعد ان الزوج له دور كبير ترى احيانا اهو المشكله بعينها .