ياناس مليت من الغربة

امي غريبه
عاشت الامرين
بس في فرق ابوي يخليها تسافر لاهلها وتكلمهم ومتقي الله فيها الله يحفظهم لي
وتخيلي مات ابوها وامها وبعض من اخوانها وهي هنا ولم تحضر عزائهم وتحملت
حبيبتي تحملي علشان بيتك وزوجك بكره بتأسسين لك عائله كبيره وبتنجبين بنين وبنات
ويشغولن كل وقتك ويكبرون وتأسسين لك دوله جديده في الدوله الي انتي عايشه فيها
زمان كنت اتذكر امي تبكي وتعافر الحياه علشان تقدر تتحمل بعاد الاهل والغربه
بس اليوم من بعد ما كبروا كل اخواني وتزوجوا صارت ما تلحق على احد ودوم مشغوله
معهم وابدااا ماعاد تحس بالغربه وحنا ولله الحمد عوضناها عن كل العذاب الي شافته وهي غريبه يعني الي زرعته حصدتها في الاخير وعايشه مرتاحه
امي اجتماعيه والكل يحترمها ويحبها واثبتت وجودها في بلد زوجها.. بصبرها.. وتحملها
فأنتي حاولي تجدين لك اصدقاء ترتاحين لهم وتثقين فيهم وانسي انك في غربه
الانسان طبيب نفسه اذا انتي حطيتي في بالك انك غريبه واحتبستي في هذه الفكره
عمرك ماراح ترتاحي ابداااااااااا وبتتعبين.
تأقلمي مع الوضع واعلمي ان هنا حياتك وبيتك وزوجك وولدك فلازم تجاهدي شوي علشان تستمري
وتجدين السعاده لنفسك .
واذا بقيتي بفكره الغربه بتدمرين حياتك وبتضيعين احلى سنين عمرك بأوهام
خلاص بلد زوجك بلدك وانتي قبلتي فتحملي واسعدي نفسك بنفسك
احمدي ربك ماحدن مزعجك من اهله ومحدن مأذيك حالك افضل من حال كثيرات
تتزوج وتعيش مع اهل زوجها الي ما يرحمون ويعذبونها ويحسسونها فعلا بنيران الغربه والعنصريه
الله يسعدك ويوفقك
تحياتي

دلوعة حناني كلامك رائع(y)

اختي...

انت غيري حياتك ساجنه نفسك سنتين متململه....

جددي نشاطك اطلعي برا البيت....

اختلطي بالناس...

ادخلي نادي.....دورات كمبيوتر....دورات لغه او اي شي تفضلينه.....

خلي بحياتك هدف.....

طموح......

صدقيني زوجك لما يشوفك تطورين نفسك راح يعجبه هالشي

وان عارض في البدايه فأي مرأه تعرف من وين وبأي طريقه تقنع زوجها....

لاتخلي الفراغ يسيطر عليك....

خلي لك مجتمعك الخاص لاتخلين احساس الغربه يسيطر عليك..

وانت ترددين الكلمه بلا تصرف....

شوفي دورات التحفيظ فيها جميع الجنسيات مو عرب بس...

وشوفيهم كيف مبسوطين..... ماوقف هالشي بطريقهم ومللهم حياتهم...

ادري ان فراق اهلك صعب وماتنلامين عزيزتي....

زوجك اذا شافك مشغله وقتك راح يشتاق لك وراح تقل حتى طلعاته برا....

وكل شي مع الوقت راح يتغير ويخف يمكن مانعك تشوفين اهلك اليوم بس بعدين ان شالله

يوديك لهم وتبردين قلبك لان شخصيتك ونفسيتك راح تتغير مع اي شي تسوينه وراح تكونين اكثر قدره على اقناع زوجك وتعرفين طريقة التعامل معاه.....

بس اهم شي حبيبتي لاتيأسين ولاتخلين حياتك واقفه تحركي وتعلمي وطوري نفسك..

وان شالله اكون افدتك ماضريتك....

وانا وربي شاهد علي ماقلت هالكلام الا لاني جربت الغربه فتره بس عرفت لها..

وتقلبي مروري(f)

حبيبتي انا مسافره مع زوجي والاولادي لان شغله برع الدوله لمشروع من الدوله ومادري متى بيخلص اول سنه كنت ابكي كل مانرجع من البلاد اقعد ابكي الشهرين الي نقعدهم اهنيه ودايمن عصبيه ومتضايقه وبصراحه زوجي ماقصر وكان يحس بمعناتي ويوم رجعت دبي عشان اولد بنتي البكر هو قعد علشان شغله بس قريب الولاده كان موجود المهم تعرف على ناس اداخل معاهم ويوم سافرت عرفني عليهم وصارو مثل اهلي عرفوني على ناس الحين اعرف وايد ناس والي يشوفني بين مجموعه كبيره من الناس يتحراني من هالدوله بس يستغربون على سرعة تأقلمي والحين عجبتني القعده وماحب ارجع لاني مليت وقت فراغي بس في دبي ماعندي صداقات وايد اطفر لين ننرجع نسافر بس الغربه صعبه ومفارقة الاهل صعبه والله يعينا ويحفظنا امين يارب ..........

ليش منعج من اهلج .............؟؟

مشكورين خواتي
دلوعة حناني
اغتراب و هند يوسف

ان شاء الله اسوي الا قلتولي عليه

ام الا سالتني
ليش منعج من اهلج .............؟؟

لان اهلي ماكان موافقين بني اتزوج وتغرب عنهم على طول فا زوجي ماخد موقف منهم

أهلا وسهلا ومرحبا ... حبيبتي أكيد البنات لم يقصرن واقترحوا كثير
بكلمك أهم شيء في موضوع مقاطعة زوجك لأهلك أنت من جانبك تحنني قلبه وتقربي بين زوجك ولأهلك ... خذيه بالسياسة واللطف وبهدووووووووء ولا تستعجلي النتيجة

قولي له: لو ما كلمت أهلي بيحسوا أنك غير جدير بابنتهم .. وقولي له لما تكلميهم سأل عنك أبوي وأخوي وأمي وبيهدوك السلام ... (حتى لو لم يكن) ولما تكلميهم قولي لهم فلان بيسلم عليكم ونفسه يكلمكم لكن خايف لتصدوه مرتين ثلاثة إن شاء الله بتبدأ الأمور تتحسن ... ولما تكلميهم تقولي لهم الحمد لله أنا مبسووووووووووووطة كثييييييييييييييييير -حتى لو دمعتك على خدك - وما ناقصني غير شوفتكم ...


ابدأي بأخذ دورات لغة وكمبيوتر ولو حتى خياطة شوفي في دورات كثييييييييييييرة في المنتدى عندنا تعلمي فيها والبنات لن يتخلوا عنك وبيفيدوك ترى اللي بتشتكي منه والله نعمة ... لحقي على نفسك الحين بعدين أبنك بيكبر وبيجي له أخوان وأخوات وما بتلحقي تشوفي نفسك في المراية ههههههههه وتتمني دقيقة من هذه التي كنت فيها متضايقة
حبيبتي الوقت هذا نعمة .. لن تتعوض الحين الأنترنت يسر لنا الكثير الحين لما باشوف كثير على النت بأقول ليتني حصلت عليه من أول زواجي ... اقرأي وتثقفي واحفظي القرآن تعلمي طبخات جديدة واسعدي زوجك بها ولو خربت منك قولي له (أكلة صينية ) هههههههههههههههههه ياالله نبي نشوف لك موضوع سعيد ينزل موضوعك هذا لتحت ويتغلب عليه :)

والله اختي زوجج ماله حق يمنعج من ان اتكلميين اهلج....على الاقل عندج الكمبيوتر تقدرين اتكلمينهم وتحطين كااامره...
يعني احنااا صاار لنا 12 سنه متغربين وصعب ان نروووح نشووف اهلناا لان السفره مو رخيصه...فعندنااا الكمبويتر والتلفوون يهووون عليناااا....

انا اقوول كلمي زوجج على الاقل يخليج تكلميين اهلج...مو شرط هو يكلهم

الله يكون في عونج اختي .... اتجهي الى الله بالدعاء

وبعدين افكار البنات حلوة اللي قدموها لج

وبعدين يالغاليه .... الحين النت مايخلي احد متملل

شاركي بالمنتديات والله بتستمتعين ....

ولا تهدمين بيتج بالملل كلنا متغربين وسيطرنا عالوضع يالغاليه

ربنا يساعد ويعينك ويجمعك بأهلك وأحبابك

ما له حق يمنعك عن اهلك هم لهم كل الحق انه يكون لهم راي في زواج بنتهم وبدون زعل الضاهر احساس اهلك فيه كان في محله وانت كيف توافقيه انه يمنعك عن اهلك هذا الشئ حرام انا اقولك انه ما في شئ رح يهون عليكي بدون ما تحكي مع اهلك,لازم تحاولي تقنعيه انه يسمحلك بذلك.بعدها رح تحسي بارتياح كبير انا اكلم اهلي كل يوم ومع هيك بشتاق لهم فما بالك عامين!!!!!!!!!!!!!!!!!!!!!!!!!!!!!!

الله يعينك ويوفقك
من جد ماله حق
حاولي تواجهينه وتبينين له كل شي
بالتوفيق

خليييه يطلعك معاه

وقوولي له ابغى اكلم اهلي

الله يصبرك حبيبتي كلنا بالغربة وشوي شوي عم نتأقلم الحياة ما سهلة والحمد لله على كل شي

حبيبتي والله...الله يعينج ويصبرج ان شاء الله

بصراااحة عجبتني اقتراحاات اختي العزيزة **اسمااااااء**

واتمنى اطبقين الي قالتلج عليه .......يمكن ينفعج ويخفف عليج الملل والتعب والوحدانيه

تقبلي تحيااااااااتي الحارة

الله يصبرك ويسهلك امورك يارب

انا داخله ادعيلش ربي يسااعدش ويفرحش بشووفت اهلك
ورود ناعمه

الله المستعان

ليش زوجك يمنعك ؟؟

وهل يمنعك كمان من الخروج ؟؟

ويمنعك من الدراسة ؟؟


انا مو مع كلمة (( اصبري )) ابدا

عرفينا بالاسباب عشان نقدر نفهم ونساعدك

الله يكون بعونك

خذي ايميلاتنا ونسيليكي بغربتك

الله معاكي

الله يكون في عونك ويهون عليك الغربة ويشرح صدرك للفرح لا للاحزان...:flower::flower: