اعترف اني ام سيئة وفاشلة

هلا اختي

صلي على النبي لا انتي ام سيئة ولا فاشلة

انا بعد ولدي بيكمل 10 الشهر الياي

بس تعالي شوفيه نتفه ووزنه بس 7 كيلو وان شاء الله هالشهر زاد للحين ما وزنته
ودمه بعد ناقص عطانا الدكتور حديد وفيتامينات
بعد شنسوي الا نقدر عليه نسويه وهو بطبعه ما يحب ياكل وايد يفضل الحليب على كل شي

ما عليه شر ولدش والله يخليه لش

اذكري الله يا اختي ..

انا بعد بنتي اللحين في الشهر التاسع وكل من شافها قال لي وايد ضعيفة ومثل الشي ما اتحب الأكل ..
كل ياهل ياكل قد اللي يشبعه .. مو ضروري ان الياهل اللي ياكل وجسمه متين يعني هو اللي يكون بالصحة والضعيف لاا ..

انتي اهمشي اتكوني لو اشوي من كل وجبة تعطينه واهمشي الحليب اختي .. والله يعطيه الصحة والعافية يارب :)

بنتي بعد ما تااكل كللللللش
وانا ذابحه رووحي وياها وكل ساعه اجرب ااكلها ااقول يمكن تااكل وعلى هالتعب بنتي عمرها سنه او وزنها 7 بسسس والقهر دمها نااقص واكثر شي ترررضع ما تااكل

وليش يعني تقوللين انج ام فااشله هذا مو فشل

والله يعطييه الصحه وبيكبر وبياكل انشاء الله

بعد عمري لا تقولين جذيه

اني اول ما ولدت بنتي وكنت ما اعرف اتصرف معاها كنت اقول اني ما استاهل بنتي لاني ما اعرف لها ههههههههههههه

وعن اكل ولدش لا تخافين في اهنينه موضوع عن أكلات لليهال تسمن بعد ،، واني اختي مشكلتي نفس مشكلج لانه بنتي بس تبي تلعب والأكل ما تاكله وله ادري وش اسوي وياها ،، شكلها بعد بتضعف وخايفه وايد

ياختي شوفي مشكلتي اكبر من مشكلتكم بنتي عمرها ثلاث سنوات ووزنها 10 كيلو بس

ولا تحب الاكل ولو تشرب قليل عصير خلاص ما تاكل شيء ابدا

آآآآه نحنا والبزارين ربي يحفظهم حتى انا ولدي وبنتي يدوقو الشي من براا من قبل مايطعمونو عدل وان شافو ناشف اوقوي وهو عادي يكون كيك او بسكوت يبطلون بدون مايعضوون آآه الله يعننا عليهم

بس طريقه حلوه لو هوا مايبغى يآكل

شغليلو كرتون يعجبو وهو يتفرج ينسى نفسو وبيآكل لمن تآكلينآ وماشاء الله راح تشوفينو راح ياكل هالطريقه مجربتها انا

هلا ملاك لا تقولي هيك والله الام تعمل كل شي وماتضر ابنها بس سبحان الله كل طفل وطبيعة جسمه
في اطفال ماتاكل كثير وتلاقيها صحتها بتجنن والعكس وفي اطفال ذابحينا بعدم اكلهم

اهم شي انتي حاوللي تعوضيه يعني مثلا ما اكل وجبته عوضيه بحليب مع القليل من العسل الاسود
بشرب العصائر الفريش ولا تيئسي ولو اكل كم ملعقة من كل وجبة كويس وكثري عدد الوجبات

واهم شي يكون صحته طبيعية وعصبه قوي الوزن الكتير ماهو ضروري وترى كلنا نعاني من هالقصص فلا تحطي ببالك والله المستعان

ملاك حبيبتي لا تتضايقي كل أم تمر بهالمشكلة...

شوفي الطب تقدم وصار يقولنا لا تأكلوا أولادكم الا بعد الشهر السادس
أنا ما سمعت كلامهم كنت أعطي ولدي أكل من نهاية الشهر الرابع ..
والحمد لله ما صارله أي شيييي...

زوجة حميي كانت تخاف تعطي بنتها أكل والحين تعالي شوفيها والله
ما تاكل لا ريوق ... لا غدا.. لا عشا... عاييشة على البسكوت والحليب الصناعي لا وبعد عندها حساسية من بعض الأكل...

ابدي غيريله الأكل ... وخليه وحده ياكل.. لا تغصبيه.. قدميله فواكه مقطعه قطع صغيرة وخليه ياكل بروحه ... ولما تأكليه .. اعطيه ألعاب خليه يتسلى فيهم .. بتشوفيه راح ياكل بس لا تيأسيييي... لانج لو عودتيه ما تعطيه أكل بيتعود...

والله يخليلك عزان ياااارب...

هلا حبيبتي

ولدج بعمر الحركة عادي تشوفينه ضعيف

انه علاي ولدي علطول يقولون عنه ضغيف ويقولون لي ليش جذي ضعيف ماتاكلينه؟
فاتوقع اسلوب جسمه جدي

فما قمت اعور راسي ان يكون متين

ومتى مارغب ياكل بياكل

عطيه اكل وانتي تلاعبينه ولا تراوينه شي عشان يسرح بالشي الي تراوينه وانتي تاكلينه

وبالنسبة للاكلات الحين ولدج عادي ياكل اكل البيت بس هرسيه له شوي بس بالملعقة واكليه
يمكن يبي ياكل اكل البيت

خلي ابوه ياكل يمكن يرغب ان ابوه ياكله ولا تاكلينه يم احد يلاعبه والا وهو يلعب وانتي تاكلينه

عزيزتي هذي مشكله عاديه كثيرررر من االاطفال يجيهم وقت ماياكلوووون شي ابداً بس يشربووون حليب وفي سن ابنك عادي لو ماياكل كثير اهم شي في سنه هذا الحليب وعطيه بعض الفواكه مثل الموز اهرسيه له وذوقيه منه مو شرط ياكله كله يعني شويه زبادي مفيد ومغذي له عطيه في البدايه الزبادي قليل الدسم بعض العصيرات المناسبه لسنه فيه شي جاهز من جاربر وغيرها بس افضل لوتعصري له طبيعي وفي البدايه تخففيه بالماء عشان مايكون ثقيل عليه خاصه البرتقال وبرضه عطيه بسكوتات الاطفال الخفيفه ورز مصري مسلوق مع جزر اهرسيه له وعطيه لو ملعقتين ثلاث بالكثير في البدايه خليه يتذوق من كل شي شوي وشوفي هووو وش يرغب وياكل عطيه منه بطاطا مسلوقه مع جزر مرررررررره الاطفال يحبوها وضيفي لها كوسه برضه

انا لما كان ولدي صغير كنت انوع له وماكان ياكل ذاك الزوود وكانت صحته الحمدلله زينه بس كان دايم يتعب خاصه امراض الزكام والبرد مايتحملها على طوووول تلقيه مزكوووم ويكح والحمدلله كل ما كبر كل ما تحسنت صحته والفضل لله سبحانه وتعالى لان الطفل وهو صغير مناعته للفيروسات والاشياء هذي قليله وتزيد كل ما كبر سنه وشوفيه الحين بسم الله عليه 4 سنوات وكم شهر وزنه عادي 15 ونص والدكتوور يقول المفروض وزنه 17 لكن يعتبر طبيعي وهذا برضه يرجع وراثياً لان الاهل نحاااااااف راح يكووون الولد يميل للنحافه حتى مستقبلاً وانا الاحظ ولدي اكله سبحان الله احسن من غيره بس مايسمن ويصير ملزلز زي بعض الاطفال وهذا كله وراثي وعلى حسب الطفل مو شرط اللي ياكل يكووون سمين

ملاك حبيبتي اليأس غلط و الاحساس هذا ما بيخليكي تعرفي تتصرفي صح

اول شي انتي عارفه انه ولدك كان محموم و مريض و ممكن عنده حساسه و هذا عادي عند الأطفال و الأطفال لما يمرضوا يعافوا الاكل و ما يرضوا ياكلوا ابدا و هالشي عادي


و ممكن ينزل وزنهم بعدين تمر على الطفل اوقات يحس الأكل مضيعه للوقت بس يريدوا يلعوبوا و بعدين ملاك الوراثه تلعب دور انتي كيف وزنك و انتي صغيره و الأب نفس الشي ممكن يكون كان ضعيف و الولد طالع على ابوة ...

انصحك لما يكون ولدك مريض عليكي بالعصاير الطازجه الطبيعيه لأنه فيها فايده و فيتامينات و سهله الهضم و تحتوي على سكر طبيعي للفاكهه ممكن يزيد الوزن

ممكن عصير برتقال او تفاح او بطيخ كلها مفيده بس لا تضيفي انتي سكر صناعي

شوفي الأكل اللي حبه ولدك و عطيه منه مثلا إذا يحب البطاطا الحلوة شويله شوربه خضار اغلبها بطاطا حلوة و زيدي معها الدجاج او اللحم او صفار بيض او خضار مثل كوسا او قرع او اي شي بتلاقيه اكل لأنه الطعمه اللي يحبها هي الغالبه

طمنيني عن عزون

و على فكره كل اولادنا ضعاف لأنهم بالهشن بدو يتحركوا و يحاولوا المشي و الحبو بالإضافه إلى التسنين فطبيعي هالشي

طالما وزنه ضمن الحدود الطبيعه خلاص ما في خوف

صح ملاك اتنفق مع امونه

جربي عطيه من اكل البيت عادي بس بدون ملح زياده او بهار كثير بتلاقيه بدا يحبه

اعطيه اصابع بطاطس مسلوقه ياكلها بيده بتلاقيه تشجع و على فكره ملاك مالها علاقه بمتى بديتي الأكل الأطفال امزجه يعني كل واحد له مزاجه و ممكن يكون عزون من النوع اللي ما له مزاج باأكل

اختي ملاك ترا مو بس انتي اللي تعانين من هالشي

معظم الأمهات يعانون من هالمشكلة بالذات ويا الأطفال اللي بهالعمر

يعني لو كل أم بتلوم نفسها وبتقول انها أم فاشلة وسيئة ما بقت أم عدلة بهالكون

اختي هالمرحلة من أصعب مراحل نمو الطفل وهي مرحلة نمو سريعة والتسنين يبدي بهالعمر

والتسنين من أهم الأسباب اللي تخلي الطفل ماياكل وتلقينه يوم نفسه مفتوحة للأكل

ويوم ما يتقبل ياكل أي شي وانا حتى دكتور ولدي قال لي هالشي ترا طبيعي

يعني قلة الوزن بهالعمر شي جدا وارد ومو غريب أبدا

انتي ظلي حاولي معاه وان شاء الله ويا الوقت بياكل وبيرجع كل شي طبيعي

واعطيه من اكل البيت ترا الأطفال دايما يفضلون أكل البيت على الأكل المخصص لهم

وعوديه ياكل بروحه من الحين بالبداية ما بيعرف بس ويا الوقت بيعتاد وبيحب ياكل

والله يخلي عزوني ويطمنك عليه وما عليه الا العافية يارب

أختي هذا شي طبيعي لأن الطفل في هالفتره يعتمد على حليب الأم اكثر... وحاولي تأكلينه ومعاه أطفاال علشان يتشجع

صلي على النبي حبيبتي هذا مو معناه انج ام سيئة عيال الحين كلهم جذيه شوفي بنتي كملت الاربع سنوات ولا احد يصدق وكله وزها ناقص تتعبني في الاكل ما ظلت طريقة ما اتبعتها معاها وابدا ما تعترف بالاكل ابدا تحب السوائل بس الاكل نادرا ما تنتبه له وبالغصب بعد. احنا اللي علينا نسويه ويش نقدر نسوي اكثر؟؟

انت مو ام فاشلة والدليل انج منتبهة للمشكلة

شوفي اتوقع ولدج يبي ياكل بنفسه بدون محد ياكله

انا بنتي جذي تبي هي بنفسها تمد يدها على الاكل وتاكل وتعالي شوفي اللعوازة

واذا منعتها تمتنع عن الاكل ولو اموت ما تكمل

خليه ياكل بروحه

بس جهزي نفسج للتنظيف بعدها

لسلام عليكم ورحمة الله وبركاته

كثير استانست والله بردودكم المفيدة جزاكم الله كل الخير يا رب

بحاول ان شاء الله اطبق نصائحكم ويا رب تفيد معاه

والله انكم افضل اخوات ربي ما يحرمني منكم يا رب

الله يعين الجميع

اختي هذا مو معناته انك ام فاشلة ولا شيء

كل الناس كذا يقولون انتي ماتأكلي طفلك وهم مايدروا كيف نتعب واحنا ندور وراهم ونلاحقهم باللقمة يالله ياكلوا ملعقة أو ثنتين بالكثير


وهذي ترى يا اختي مشكله الجميع بنتي للحين مايزيد وزنها من عمر سنة للحين

الله يعين الأمهات

الله يهداج ملوكة ورا هالكلام،، لا أم فاشلة ولا شي... عيل إذا جذي آنه بعد أم فاشلة.. شوفي عبودي كا بيكمل الأربع سنوات الشهر الياي ووزنه بس 12 كيلو.. جوفيه وعليه مصعوي على قولت خواتي شفيك ياي من مجاعة..

بس الحمدلله نموه طبيعي ومهاراته طبيعية وهذا الأهم، في أطفال جذي وبس بعدين يكبرون وماشاء الله ينتفخون..

أنت اللي عليج تزيدين أكله بس بطريقة حلوة.. يعني لاتغصبينه غصب.. شوي شوي أكليه ، حطي له لعبة يلهى بها وهو ياكل، شغلي له DVD أطفال.. صحن ملون وعليه رسوم...صدقيني بيحب ياكل دام هو لاهي بشي...