خيوطي ماطاحت..دلوني شو اسوي وفي بلاوي ثانية بعد

الحمد لله ع سلامتك ومبووووك البيبي الجديد
أنا ما طاحت خيوطي إللا بعد اسبوعن وما طاحت كلها مع بعض يعني كل بعد كم يوم يطيح منه شويه
والدم طبيعي يمكن نزل نزله وحدة عليكي والحريم مو زي بعض في حريم ما ينزل عليهم دم كثير وفي العكس
أنا استخدمت مرهم اسمه ( ميبو )وهو معروف استخدميه مرتين في اليوم
وفي ملاحظة بعد ما تدخلين الحمام الله يعزك وتتشطفين أو شيء نشفي المنطقة بمنديل ناعم لا تتركيها مبللة هذا كلام الدكتور ليه
أنا مستغربة ليش ما كتبت لك شيء!!
وكما استمري على الموية الدافية مع ملح هذا أفضل معقم للخياطة..
وغذا في اي استفسار ثاني تكلمي أنا موجودة........
في حاجة محيرتني في كلامك ليش الدكتورة خيطتك من برة وجوه :rolleyes:
تحياتي،،،

هلا حبيبتي اهديله والله يبارك فيج ان شالله

الغاليه انا بروحي مادري ليش سوت لي هالخياطه قالت لي جرحي صغير وما احتاج بس بعدين قالت لي انها خيطت لي من داخل وبرا تجميلية يعني .. بس شكلها تجميلية مبسطه هههه لأن العمليات التجميلية الكبيرة اتوقع فيها قص و تخدير كامل ومادري شو ..

انزين انا عندي كريم ميبو .. بس كيف استخدمه احطه بيدي يعني او بشاش واحطه على الفوطه الصحية ؟

انزين وللجرح الي داخل كيف احطه ؟ ترا هو مب داخل وايد يعني يبين من برا انه في خيوط من داخل من البداية

والله اللي أعرفه ان الخياطة يامن برا اللي تكون مايلة زي اللي جربته او تجميلية
والكريم بعد ما تنظفين المنطقة بالماي وتنشفينها بالمناديل اغسلي يدك زين وأخذي من الكريم وحطيه على الخياااطة اللي برا لأني ما أقدر أفيدك في اللي جوا ما جربتها وزي ما قلتلك مرتين في اليوم أقل شيء
واستمري على المويه الدافية والملح مرتين.......
تحيااتي،،

سلامتج ام مصبح
ممكن الخيوط تسبب ريحة كريهه في الافرازات الدمويه
حطي كريم فيوسيدين او اي كريم مضاد حيوي طبي
ميبو مناسب للجروح اكثر
و ممكن تزورين الطبيبه تشيل الخيوط المتبقيه

هلا عيون

جوفي حبيبتي يوم ربيت بحمود بصراحه من خوفي عمري ما شفت المنطقه ولا حتى اتجرأت افكر اني اطالع خخخ...ولا اعرف متى طاحت الخيوط...واصلا مثلج الدكتوره قالتلي انها سوتلي خياطه تجميليه من داخل ..ولا وصفتلي شي وقالتلي ما تحتاجين اي شي..وسويت مثل ما قالت...و مثل ما قلتي استوالي..الدم الغامج و الريحه الكريهه..امي قالت يمكن الخيوط عفنت..بس ما استخدمت شي لين موعدي ويا الدكتوره عقب ال 40 ..وقالتلي الخيوط طاحت وكل شي تمام

الحمدلله على سلامتك

حبيبتي اختي لما ولدت كان عندها وحده بالمستشفي وقالت لها انصحك باستخدام (الحلتيت) نقعي الحلتيت في ماء بعدين ضعي على الفوطه مسحه بسيطه منها وقدامك العافيه يارب

دبدوبه حبيبتي ماعرف شو هو الحلتيت :( ولا عندي محل اعشاب قريب ..

فوانيس ..فديتج اليوم سرت الصيدلية وعطاني غسول بيتادين ومرهم مضاد توني مستعملتنهم .. بس تدرين شو سويت بعمري :( قلت خلني اتنظف و اشيل بموس هههههه وقمت شكلي قصيت بالموس طرف الخيط الي مبين من برا .. بس باقيه الخيوط الي داخل ..

واحس مكان الجرح صار نفس الثقب فيها اخاف الجرح يبتطل ويقولون لي خياطه مرة ثانية بموووووووت :( ويارترى لو رحت عند دكتورة تشيل الخيوط يعور؟

ام محمد حبيبتي .. يعني الريحه ممكن تكون من الخيوط والله توقعت هالشي .. قسم بالله احس اني امشي وفيني ريحه هههه من كثر ما قمت اشك في عمري ..

الحمدلله على سلامتج اختي

عليج يالغالية


بمرهم ميبو والله ماشي شراتة ...

وان شاء الله بروحها بطيح ...

ولاتليسين تتعبثين .. تراج بتسوين لعمرج مشاكل انتي في غنى عنها

خيتوووو مبروووووووووك والحمد لله على سلامتج ويتربى بعزكم بس بالنسبه حق الخياطه خيتووو انتي لازم تقعدين في ماء دافئ مخلوط (بملح فارسي)تحصلينه عند العطارين ترى انه في كل ولادتي استخدمه وااااايد مفيد وييذوب الخياطه بسرعه وتطيح وانتي ماتحسين فيها وحتى هذي الماء والملح مفيد حق الالتهابات خيتووو جربيه وان شاء الله بتدعين لي

زوري دكتورتك افضلك

مشكورات حبيباتي الحين انا منتظمه باستخدام غسول البيتادين ومرهم مضاد حيوي ..

قلت لو المرهم لين باجر ما سوا لي شي بستعمل ميبو ..

او يصير استخدم ميبو والمضاد؟ واللا ما يصير ..

ام نيلا حبيبتي ... والله شسوي انا قلت بتنظف ما انتبهت اني ييت على منطقه الخياطه :( الله يعيني على الجرح المفتوح

نصيحتي لك يا أم مصبح...تروحي للدكتورة...

كلها كشف 10 دقايق ما بياخذ وقت...

بس عارفة هذه المنطقة مهم الإعتناء فيها...و موضوع الدم و الرائحة هذا بيقلق...

إن شاء الله خير

خيتوووو روحي الدكتوره لاتخلين روحج وطمنينه عليج وان شاء الله ماعليج الا العافيه

امممممممممم

سالفة الريحة مو زينة اخاف صاير التهاب لا قدر الله
انصحج تشوفين الدكتورة لان انا لمن ولدت بعد اسبوعين كان موعدي مع الدكتورة و كانت الخيوط كلها طايحة و لا في ريحة كلشي كان عادي بس كنت 3 مرات باليوم ارش بخاخ بيتادين على الجرح حسب وصفة الدكتورة والحمدلله كانت اموري ممتازة

حمد لله على السلامة اختي الحبيبة انصحك بأستخدام المرة قومي بنقعها في الماء مدة كافية حتى تذوب ثم اتشطفي بها بعد تدفأة مآءها بزيادة ماء دافء عليها وذلك مرتين في اليوم
وقدامك العافية ان شاء الله

هلا اختي عيون

يمكن يبغالك تراجعي الدكتورة

لان غريب ماعطتك غسول ولا مرهم بعد كل دخول حمام (أعزك الله)

راجعيها يمكن صار لك التهاب لاسمح الله لان الرائحة لقوية تدل على التهاب لاسمح الله

وسلامتك الله يحفظك

أختي أم مصبح ماعليج شر..
أنه أذكر ماطاحت الخيوط الا عقب 3 أسابيع وكنت أتنقع في ماء وملح بالبانيو.. وأتغسل بالسافلون بس ماذكر حطيت مرهم.. بس غريبة سالفة الخياطة من برع وداخل... آنه من خوفي لما ألمس الخيوط ولا مرة فكرت آشوفهم..
شوفي إذا أستمر هالشي روحي للدكتورة أحسن يكون مايزيد عليج الإلتهاب...

هلا عيون ..

ياختي انا زيك بالضبط


طلعت ولا عطتني شئ لاغسول ولا مرهم ...


وونفس خياطتك من برا وجوا تقول تجميليه مع ان راس الطفل صغير ..

وقعدت 3 اسابيع طاحت اللى برا اما اللى جو ما طاحت ورحت للمستوصف وعطتني( ميبو ) وقالت اتنقع بمويه وملح


وما شاء الله ماقعدت اللى 4 ايام وطاحت الخيوط ..

اتمنى افدتك..

جزاكم الله خير خواتي

تدرون الحمدلله مع غسول البيتادين والمرهم احس انه الخيوط الي داخل طاحت .. شفت بالمرايه ما حصلت خيوط داخل .. وبرا ما مبين شي غير الفتحه الصغيره الي ستوت لي من قصيت الخيط :( هذي بعدها ما اللتأمت..
والريحه الحمدلله احسها خفت وايد بس ما تزال موجوده بشكل بسييط غير ملاحظ .. مش نفس اول احسها كانت قوية وايد ..

ولون الدم صار بني فاااااااتح واقرب للماي يعني مش غليظ نفس الدم لا بس ماي بني .. مافهمت شو هذا بعدني :(

ناوية لين اخر الاسبوع لو ما لم جرحي بستعمل ميبو وبروح للدكتورة ان شالله