استفسارات من حامل لأول مرة وبالشهور الأولى

ربي يتمم لج على خير ياا اختي

والصراحه ما اعرف اجاووب على اسئلتج لان ماعندي خبره

وماحبيت ادش الموضوع وما ارد

للرفع

ألف مبرووك وان شاء الله ربي يقومك بالسلامة..
الإستفسار الأول جوابه:
ايوة حتى أنا سمعت كذا من وحدة مجربة
أما أنا كنت أستخدم كريم زبدة الشوكولاتة من ذي بدي شوب
تستخدمينه يوميا على تلك الأماكن وعندي لك نصيحة إذا حسيتي بحكة في بطنك أو مؤخرتك لا تحكين بعدين تطلعلك تشققات.ok

استفسارك الثاني ما أقدر أفيدك فيه لأني أغطي وجهي
يعني ما أتعرض في الشمس ان شاء الله الأخوات يفيدونك فيه.

أما الثالث والله أنا ما ادري وما أعرف هذه النبتة
والأخير في بعض الحريم يزيد وزنهم كثير وفي العكس
أهم شيء تهتمي في نفسك فترة النفاس ان شاء الله وتسوي رياضة علشان الوزن ينزل من دون ما تفقدي العناصر الغذائية المهمة لأنك مرضعة

هذا اللي عندي وان شاء الله أكون أفدتك......
تحيااتي،،،

أم منصور
راجية الفردوس
اهدلية

مشكورين حبايبي و الله يتمم لنا على خير
والي عندها خبرة ياريت تفيدنا لأن كل العرايس الحامل الجدد عندهم هالأسئلة يا ريت تفيدونا
و بالتوفيق للجميع ان شاء الله

خيتووو انه باجاوب لج على هل اسئله وان شاء الله افيدج
1-الجواب الاول:اي زيت الزيتون وزبده الكاكاو وايد مفيده حق الخطوط اللي تصير أثر الحمل واستخدميها من الحين علشان تروح
2-الجواب الثاني:وعن الكريم الواقي للشمس انصحج تروحين للدكتوره علشان تشوف بشرتج لان كل بشره تختلف عن الثانيه وخليها تكتب لج الكريم المناسب لبشرتج لان هذا ويهه مش لعبه
3-الجواب الثالث:والله ماعندي فكره عن هل عشبه بس انه انصحج بالحلاوه وايد زين او استخدمي (فيت بالشمع)
4-الجواب الرابع:لاكذب اللي يقولج ماتقدرين ترجعين وزنج بالعكس انه بالبكر لما حملت كان وزني (45)ووصلت لنهايه الشهر التاسع(88)والحمد لله بعد الولاده رجع وزني بعد ثلاث شهور وصار (50)يعني قدرت ارجع وزني واااايد والله وبدون رياضه ولا رجيم ولا اي شي الحمد لله طبيعي وان شاء الله ترجعين مثلي
واخيرا:مبرووووووووووووك الحمل وربي يسهل عليج ويقومج بالسلامه

مشكوووووووووووووورة حبيبتي [GLINT]أم نبراسي [/GLINT]ما قصرتي
ما شاء الله ردج حلو وشامل و مرتب

الله يقومنا بالسلامة يااااااا رب

آنا بشرتي مختلطة (( دهنية على الأنف والجبين والذقن وأعلى الوجنتين وعادية على باقي الوجه )) يا ريت الي جربت واقي شمس أثناء الحمل تفيدني

تسلمين خيتووو البراءه كلها بس انه الحمد لله ولدت يعني سبقتج هههههههههه والحين لي شهر واسبوعين وربي يسهل عليج ويقومج بالسلامه حبيبتي

سمعت ان الوحدة الحامل لازم تدهن نفسها بزيت زيتون ( على البطن والمؤخرة والأفخاذ ) طول فترة الحمل علشان ما يطلع سلوليت ( الخطوط البيضاء ) بعد الولادة.
*هل هذا صحيح؟

اكيد صحيح ولو تستخدمي زبده الكاكاو يكون افضل
---------------------------------------------------------------------------------------------------------------------
آنا قيل الحمل عندي خطوط بيضاء شلون اتخلص منهم؟ ( وهل يمكن اني اتخلص منهم أثناء فترة الحمل )؟

عالجيهم من ذحين حتى ما تزيد واستمري عليها بعد الولاده
---------------------------------------------------------------------------------------------------------------------
2- الإستفسار الثاني: شنو أحسن واقي شمس للحامل خصوصا في جو الخليج الحارق؟ وهل الواقي الشمسي يقي من الكلف والبقع الي تظهر للحامل؟ الي عندها خبرة ياريت تساعدني وتحط لي اسم الكريم مع الماركة.
ما اعرف وما انصحك تستخدمينه لين ما تولدين لانه الا ما يكون فيه ماده تضر الجنين
--------------------------------------------------------------------------------------------------------------------

- الإستفسار الثالث: لو استخدمت نبات السعد بعد ازالة الشعر هل هذا ياثر على الحامل و على الجنين

بعد الولاده اااااااااااااااااااااااااافضل خيتو كل شي بعد الولاده
---------------------------------------------------------------------------------------------------------------------

4- هل صحيح ان الي تولد ما تقدر ترجع لوزنها الطبيعي وشكل جسمها قبل الولادة؟
على حسب جسم الوحده عن نفسي رديت مثل اول
ما تغيرت

اتمنا اكون افدتك

الف مبروك الحمل

خل اقولج عن تجربتي

من اول شهور الحمل ادهن بطني و صدري بزيت زيتون مقري فيه قران مرتين باليوم و اقرى على بطني و كنت مداومة الحمدلله طلعتلي خطوط قليلة ماتبين وايد و مرات اح كريم بالمرز مال الحامل او الاويل جيل مال جونسون بعد وايد حلو و يرطب عدل

بالنسبة للوزن حاولي كثر ماتقدرين مايزيد وزنج اثناء الحمل عشان ماتضطرين تسوين رجيم تتعبين بعدين بس ممكن ترجعين نفس اول اذا حافظتي على نفسج من الحين

انا الحمدلله حافظت و اهتمين بنفسي و االحين انا مرتاحة من شكلي لاني ما تغيرت حتى صدري مع الرضاعة ما اخترب بالعكس احس صار احلى لاني اهتمين فيه من الحمل و البس ستيان خاص للرضاعة يرفعه عشان ما يترهل

و طول فترة الحمل استخدم واقي من الشمس قوي sun block ماركة نيوتروجينا مع اني متنقبة بس عشان ما يطلع كلف و هذا الطريقة الوحيدة عشان ما يطلع كلف و فعلاً ما طلعلي الحمدلله

بالنسبة لنبات السعد ماعندي فكرة عنه



المهم بالمختصر اهتمي بنفسج زين من الحين عشان بعد الولادة ماتحسين انج تغيرتي ولاتنسين الرضاعة الطبيعية كانت مثل السحر شدت بطني بسرعة و تحرق سعرات حرارية و تنزل الوزن و فوق هذا وقاية من السرطان للام و الطفل


اي ولاتنسين تسوين سكرب اسبوعي على مناطق الي تصير غامقة من الحمل مثل الرقبة

الله يقومج باسلامة يا رب

يا ريت الأخت (( أحلى ملح)) ترد علي بخصوص كيفية الإهتمام بالصدر ونوعية الستيان المناسبة للحامل و المرضع

شوفي اختي...

الاستفسار الاول: انا وانا حامل استخدم كريم من مذركير ادهن فيه بطني كل يوم والحمدالله بطني مافيه ولاخط (قولوا ماشاءالله)..:D

والاستفسار الثاني :عندي واقي شمس من لانكوم واظن انتهت مدته لاني مااستخدمه ..:)

والاستفسار الثالث: اول مره اسمع عن هاي النبته ان شاءالله البنات يفيدونج.

انا بس ادهن بزيت الزيتون فى لليل بس الحمدالله مافينى خطوط بيضاء