الله يهدي الحموات قولوا آمين

عندي مشكلة متعبتني وايد



والمشكلة هي حماتي


وتكمن المشكلة إنه حماتي وايد تلاحظ علاقتي مع ولدها يعني بمعنى آخر

ترز عمرها بينا وعلى الرغم إني مسلمته لها يعني وإحن يالسين معاها (

أنا وريلي ما أيلس أرمس معاه وأضحك حفاظاً على شعرها ولأني فاهمة

إنه الأم تغار على ولدها من زوجته

المهم صايرة مثل برج المراقبة وبصراحة صرت ما أطلب شيء من ريلي إلا لما نكون في الغرفة بروحنا أو جدام خواته بس أما جدام حماتي ولو كنت أريد شيء من برع وريلي طالع ويقلي " سلاموه تبين شيء" أقله مشكور يا بو فلان ( أسلوب الدلع ما شيء جدام الناس لازم الرسميات )
والمشكلة الكبير إنه ريلي ولد أمه يعني يبيع الدنيا علشان أمه وأي شيء بسيط يضايجها يتضايج مني ويعصب علي ( والله إني خايفة على علاقتي بزوجي )

وصارت مرات إنه يصير سوء تفاهم بيني وبين أهله ونزعل من بعض بس والله ما أخبره عن أي شيء وأخواته لاحظوا ها الشيء وصاروا حاطيني على راسهم.

المهم المشكلة العودة في حماتي وكيف الطريقة اللي ممكن أتعامل فيها معاها علشان تعاملني مثل بناتها وتساوي بيني وبينهم مو تعاملني جني ضره لها ولا تدخل بيني وبين ريلي .

سوري لأسوبي الدفش بس والله يا جماعة تعبانة في بيت ريلي