عندي السكر بالحمل بموت لحقوني

ماعليك شر ان شاء الله !

لما كنت حامل نصحتني بنت خالتي الي ولدت قبلي ب 4 شهور و كان معها سكر الحمل مرتفع وولدت قيصرية مو عشانه ، بس لأنها فتحت 10 سم بس ماقدرت بالنهاية و اضطرو للعميلة .. ما تخافين حبيبتي و كثيير حوامل يولدون طبيعي و هم معاهم السكر ،،


المهم ، نصيحتها لي ان ما آكل رز ( عيش ) ابدا ، لانه الرز هو اللي أذاها و رفع لها السكر ! و طبعا السويت ابتعدي عنه قدر الامكان .. !

انتي لك كم الحين ؟

و الضرر على الجنين ما يصير الا اذا تهاونت الحامل و صارت تاكل حلويات و ارتفعت النسبة لدرجة كبيرة !

لا تخافين و ان شاء الله بدعي لك .. !

مشكورة على النصيحة يالغالية

:)لا حبيبتي لا تخافين ولا شي اعرف وحده ثلاث مرات تحمل ويكون معها سكر والحمد لله كلهم ولدتهم طبيعي

بس كانت مسويه حميه ماخذتها من الدكتورة

يعني اهم شي تسوين حميه وتراجعين بانتضام مع دكتورتك والله يهون عليك

مشكوره بس منو بيعطيني الحمية مأعرف شو آكل وشو الممنوع وأصلا بحملي مأكلت سويت غير مره

لو طلع فيج سكر بالفعل الدكتوره بتعطيج الحميه..يمكن طلع لج في البول مثل ما استوى وياي وكان لاني توني كنت شاربه شاي بشكر وايد و عصير برتقال

انزين اختي انجل سولج فحص الدم وشو طلع لج

لانه انا خايفة يطلع بالدم

الحمدلله في الدم طلع مافيني

الله يعينج اختي

عليج بالحمية يعني قللي النشويات واهتمي بالخضروات والبروتينات


ولاتهملين نفسج

عشان خاطر البيبي

والله يقومج بالسلامة

الحمد لله خيتووو على كل حال وهذا سكر حمل لاتخافين انه بالبكر صادني سكر حمل والحمد لله ولدت طبيعي وكان وزن البيبي اربع كيلو ونص بس الحمد لله ربي سهل عليي وبعد الولاده راح عني السكري لاتخافين خيتووو وربي يقومج بالسلامه

مشكورة ام نبراسي............على ردج طمنتيني وايد دامج ولدتي 4 كيلوا وولادة طبيعية بس هذا ولدج الاول والا الحمل الثاني

أيز انجل...........بس يوم ماطلع فيج سكري بالدم يعني كان الحمل طبيعي بدون سكري الحمل والا طلع فالبول شو يعني

خيتووو هذا كان حملي الاول ببنتي نبراس ربي يحفظها

اختي لا تحاتين انا بعد صادني سكر حمل من السابع وكنت خايفه

لكن الحمدلله اني ولدت قبل موعدي بثلاثة اسابيع لان السكر يخلي البيبي دبدوب

وبعد ناس فيهم سكر من بدايه الحمل واذا مرتفع كلش يعطونهم ابر انسولين وما يصير ضرر بالمتابعه

بس الاهمال خطر

لا تحاتين .. أنا يوم كنت حامل صادني السكري و زاد وزن البيبي لكن ولدت طبيعي الحمدلله ، وبعد الحمل راح
امتنعي عن العيش و المكرونه و الخبز و الحلاوة

هلا حبيبتي انا امي يوم حملت في اختي اخر العنقود كان فيها السكري وعادي ولدت طبيعي بس هي كانت وايد ملتزمة بأدويتها وكانت تتبع نظام غذائي وتابع الدكتورة دوم وهي نفس الشي في مستشفى الكورنيش كانت تراجع غريبة ما حولوج حج طبيبة تغذية ولا عطوج نظام غذائي تتبعينه
اذا تبين تتأكدين اكثر سيري عيادة خاصة خليهم يتأكدون واذا طلع فيج هم بيقولولج شو تاكلين وشو ما تاكلين
بس ابتعدي عن السكريات والزيوت قد ما تقدرين لأنها ترفع السكر وايد
والله يسلمج من كل شر يا ربي وتربين بالسلامة