انتى معايا قمر 14

muslima77 25-06-2008 476 رد 45,921 مشاهدة
m
بنات عرايس السلام عليكم ورحمة الله
عندى خبره كويسه قوى فى العنايه بالبشره والجسم اللى عندها سؤال تسألنى وانا اجاوبها ان شاء الرحمن
يلا منتظراكم
ام مازن
(
راح اكون اول من يسئلك كيف اقدر اتخلص من الروؤس السوداء في الانف
c
شكرررا حبيبتي لمبادرتك الحلوه (y)

وانا تاني بنت بتسألك

في عندي حبوب بيضا صغيره " مثل الدهن "...وما بتروح عن وجهي...كتير جربت كريمات بس ما زبط..:o

اذا بتقدري تفيديني بكون ممنونه الك..

شكرا مرة تانيه :wink:
ب
اهلا يا "مسلمه"

جزاك الله خيرا على المساعده وتسلمى يارب

انا مشكلتى هى الشعر اللى بيطلع تحت الجلد وزهقت منه خالص خصوصا انه بيعمل حبوب حمرا بتوجع وبتهرش وشكل رجليا بقى شوارع

تانى مشكله هى البطن والله زهقت منها ومافيش نتيجه معاها خالص مع انى وزنى مش زايد ابدا
m
السلام عليكم يا ندا
مشكلة الرؤس السودا سهله ان شاء الله طبعا بشرتك دهنيه بصي يا ست البنات هتعملى ايه ويا رب تكون الحاجات دى عندك
هتجيبى قرص فيتامين اى فيتامين وعصير فراوله وبيكربونات الصوديوم وتخلطى الخلطه دى مع بعضها ولو الفيتامين فى كبسول هتضطرى تعملى الخلطه دى فى المساء عشان تستخدميها تانى يوم وهتدهنى القورة ومنطقة الانف والذقن بالخلطه بس استحملى ريحة الفيتامين لان فى انواع بتكون ريحتها نفاذه جدا ولما تنشف بليفه وادعكيها كويس برفق برضه هتلاقى ان شاء الله كل الرؤس اختفت
ازاى تفضل بعد كده نظيفه تغسلى وجهك يوميا بعصير ليمونه صباحا لمدة شهر وانسى الرؤس السودا
وجربي وطمنينى وادعيلى
مسلمه
m
السلام عليكم يا casrolaaa بالنسبه للحبوب دى هاتى مرهم طبي اسمه ELECON ده بيشيل الحبوب من النوع ده او كيناكومب واغسلى وجهك باستمرار خاصه بعد ما ترجعى للمنزل او عمل اى مجهود
وان شاء الله هينفع معاكى
مسلمه
m
السلام عليكم بنوته سكر
اولا بالنسبه لنمو الشعر تحت الجلد ده لانك اكيد بتهيجى الجلد من استخدام اى مزيل له والحل يا ستى
اولا تدلكى جلدك بمكعب ثلج قبل عمل الحلاوه وتنشفى وتشيلى ويكون نوع الحلاوة من اللى فيها جليسرين فى نوع اسمه سوفت سويت من الصيدليه كويس قوى وبعد الحلاوة تغسلى جلدك بميه ساقعه مش دافيه حتى
ثانيا مشكله البطن يا اما بتشربي ميه كتير وما بتتحركيش بعد الشرب
الحل اولا ما تشربيش ميه قبل او اثناء الاكل اشربي بعد الاكل بنص ساعه
امشي يوميا نص ساعه ع الاقل واشربي ميه كتير اثناء المشي
ما تشربيش اى مشروبات غازيه
ابعدى عن الرز او اى اكل يسبب غازات

هتعملى التمرين ده
اقفى مستقيمه وارفعى كعبك لفوق خمس دقايق
نامى على ظهرك وارفعى ركبتك لأعلى واثناء استلقاءك حاولى تلمسى ركبتك
واخيرا وانتى قاعدة على كرسي حركى وسطك يمين وشمال
وانسي الكرش ونفس التمارين دى ممكن اى ست عندها بطن من الولاده تعملها بشرط التآم الجرح
وطمنينى عليكى
مسلمه
ن
حلو اوى الموضوع دا
بجد جزاكى الله خيرا على نصيحتك
بصى يا ستى بس طولى بالك معايا
ههههههههههه
1ــ عاوزة اخلى رموشى تتطول (بقالى اسبوعين بستعمل كحل نوى البلح وماسكرا زيت خروع والنتيجه بسيطه )
2ــ عاوزة حاجه تفتح عندى منطقه الابط عشان اسمرت من المزيلات (بس ياريت خلطه تكون طبيعيه )
3ــ حاسه ان وشى محتاج خلطه تنورة خصوصا انى مخلصه امتحانات من فترة قريبه وبشرتى مرهقه جدا
4ــ ياريت تستحملينى ومش اكون تقلت عليكى
وميرسى ليكى خالص على فتحك للموضوع المفيد دا لكل العرايس
N
تسلمي لي علي هذا الموضوع المفيد والقيم

جزاكي الله خيرا

وانا كمان عندي بعض الاسئلة الله يبارك فيكي

عندي بقعة كلف صغيرة با انفي وجربت كل شيء ما نفع

وجي حلو بس انفي ما اعرف ليش جربت اشياء كثيرة بس التحسن بظئ جدا

وتعبت منها بجد وزاي ما قالت نوشا عاوين خلطة تخلي وشنا ينور من اول يوم

ان شا الله ما اكون طولت عليكي باسالتي

جزاكي الله خيرا ووفقك علي ما يحبة ويرضاة يارب
ج
الله يجزاك خير الغلا على موضوعك

انا بشرتي جافه وفيها كلف كثيييييييير وانا بعدني بنوته ابي خلطات طبيعيه او صابونه تزيل الكلف وتو حد لون البشره ويعطيك العافيه
a
موضوعك حلو كتير
وردك كمان احلى
وخلطاتك احلى واحلى وشكلها مفيدة
انا مشكلتي السواد في المنطقة الحساسة
وكمان سواد الركب والاكواع والخشونة
ومشكلتي شعري جاف
وشكرا اختي
s
بعد ما تجوبى على كل هذه التساؤلات هسالك انا بقى
بس بجد موضوعك نور المنتدى
بجد موضوع اكتر من رائع
س
هلا اختى مسلمه
وشكراً علي موضوعك المفيد لكل العروسات
ممكن خلطه لتنعيم البشره ةنضارتها بس تكون طبيعيه؟
مشكووووووره
c
muslima77

حبيبتي شكرررا كتيير الك...و اليوم ان شاء الله رح اسأل عن الكريم بالصيدليات..على امل آلاقي...وبجرب بإذن الله..

بس ما في خلطه طبيعيه لإزالة هاي الحبوب ؟؟...اذا في ما تبخلي عليي..الله يجزيكي كل خيرررر
z
بانظارط حبوبة
ومشكورة
ن
نوشا_نوشا;6444401:
حلو اوى الموضوع دا
بجد جزاكى الله خيرا على نصيحتك
بصى يا ستى بس طولى بالك معايا
ههههههههههه
1ــ عاوزة اخلى رموشى تتطول (بقالى اسبوعين بستعمل كحل نوى البلح وماسكرا زيت خروع والنتيجه بسيطه )
2ــ عاوزة حاجه تفتح عندى منطقه الابط عشان اسمرت من المزيلات (بس ياريت خلطه تكون طبيعيه )
3ــ حاسه ان وشى محتاج خلطه تنورة خصوصا انى مخلصه امتحانات من فترة قريبه وبشرتى مرهقه جدا
4ــ ياريت تستحملينى ومش اكون تقلت عليكى
وميرسى ليكى خالص على فتحك للموضوع المفيد دا لكل العرايس


[BLINK]منتظراكى ..[/BLINK]
ب
مشكلتي اسوداد مابين الفخدين
وبدات بعد ما استخدمت اولويز الجديد
حتى المنطقه الحساسه صارت سوده و منفخه اجروح منها ويش الحل حبي
m
السلام عليكم ورحمة الله اختى نوشا نوشا اولا عايزة حاجه للرموش وبتستعملى ماسكرا زيت خروع طيب ما اقولك على سر احسن
هاتى مقص حامي قوي صغير وقصي أطراف رموشك بيه يعنى يا دوب المقص يطول الشعر وبعد كده ادهنى كل يوم قبل ما تنامى بزيت الخروع هتلاقيها تقلت وطولت
وبالنسبه لبياض الإبط الشبه المطحونه مع النشا هى اسلم حل لانها بتمنع تكون املاح فى المنطقة دى الى بيؤدى لأسمرارها ودايما كل ما تدخلى الحمام شطفي تحت باطك بميه وصابون ونشفى بفوطه وهتلاقى نتيجه ان شاء الله وبدل مزيل العرق استعملى زيت ورد هيبيض ويمنع اى ريحه
وعايزة وصفه عشان وشك ينور اوك هاتى بودرة اطفال واخلطيها بزيت اطفال ولبن واعملى منها ماسك ليلى لمدة نص ساعه او اكتر وشطفى وجهك ونامى وفى الصبح اغسلى وجهك عادى بميه ورد من غير صابون هتلاقى الفرق

اما لو عايزة وشك يكون نضر على طول اعملى عصير بطيخ واشربيه يوميا واعملى منه ماسك بس الماسك من غير سكر طبعا
طريقه عصير البطيخ للشرب هاتى قشر بطيخ سميك طازج منزوع منه الاجزاء الحمرا وقطعيه قطع صغيره بالسكين وضيفى سكر حسب الرغبه وكميه ماء مناسبه وصفيه واشربيه

طريقه عمل ماسك بقشر البطيخ
هاتى قشر بطيخ طازج سميك وقطعيه قطع صغيره واضربيه بالخلاط مع ربع كوب ماء وصفيه المياه العصير تستخدم كغسول للبشره لنضارتها وازاله اى شوائب او دهون بالبشره
اما الجزء العجينه الناتج من العصير بعد تصفيته حطيه على بشرتك لمده نص ساعه والماسك ده هايل لاى عروسه يوم فرحها لانه بيثبت المكياج ويخليها صحيه
واى استفسار ابعتيلى
مسلمه
m
السلام عليكم اختى kind gril الكلف حله بسيط بس عايز وقت يعنى بالكتير 3 شهور لو استمريتى على دهن الجزء المصاب بزيت اللوز المر ولو عايزة البشره كلها تكون بلون واحد ادهنيها كلها بزيت اللوز المر يوميا واوعى تكسلي وكل ما واظبتى كان اسرع فى الزوال
بالنسبه لبشرة منورة اقري وصفة قشر البطيخ اللى فى ردى السابق
واى استفسار حاضرة ان شاء الله
مسلمه
m
حبيبتى جورى السلام عليكم
البشره الجافه اكيد بتعرضيها للشمس واكيد ما بتشربيش ميه كتير "وجعلنا من الماء كل شىء حي" اشربي ميه قد ما تقدري وكل يوم مساء اعملى ماسك بعلبة زبادى كاملة الدسم او بقشطه وما تغسليش وجهك بصابون نهاااائي اغسليه بمية ورد والكلف حله زى ما قلت بزيت اللوز المر جربي وطمنينى ع الأخبار
مسلمه
X