امهات شوفوا جدول تغذية بنتي وعطوني رايكم

أم شجاع
جدولك حلو لاحظت أن يومين ورا بعض بيكون نفس الصنف
ليش ماتغيرين
بالعافيه على نجوده

حلوووووووو الجدول ومفيد
والله يوفقج ويخلي نجود

بصراح اختي نظامك حلو بس لاحظت انه مافي وجبه سمك رغم انها من اللحوم المفيده وعليها بالعافيه

اختي ام شجاع ،،

جدولك موفق !

و بعد إذنك عندي تعليق مختلف بخصوص تكرير الوجبات نفسها في ايام متتالية .. !

تاريخ 27 و 28 راح تعطينها كوسة و قرع .. الافضل انك تنقلين وحدة منهم لتاريخ 24 حتى ما يتكرر الجزر و البطاطس بعد على بعض !

و بوجبة الغذاء مثل الشي !

لانك راح تلاحظينها ترفض تكمل الوجبة لان المذاقات المتشابهة تمللهم !

طبعا اذا كانت طفلتك تتشرط مثل ولدي بأكلها .. !


النقطة الثانية و هي ان لو توزعين الوجبة اللي تحتوي على البيض في ايام متفرقة اكثر .. يكون أفضل !

لان البيض يمسك البطن اذا صار على بعض !


الله يخليها لك البنوتة و عليها بالعافية !

هذا دليل على اهتمامك اختي ام شجاع الله يعطيك العافيه والصحه وتربيها على احسن حال


الجدول حلو ومنظم لكن ياريت تكثري من الفواكه السمك مو موجود والكورن فلكس

الجهال يحبوه واجد مثلا يوم الي فيه لبنه تضيفي لها كيكه


لكن على وجه العموم الجدول ممتاز الله يعطيك العافيه

اقترح عليك اختي انك تعوديها على مخفوق الفواكه المشكلة بالفطور حتى تتقبله و ما ترفضه لما تكبر !

جدول ممتاز الله يخلي لك البنوتة ان شاء الله وياليت لو تكثري من السمك لانه مفيد لذكاء الاطفال

حبيبتي جدولك رائـــــــــــــــــــــــــــــع
بس لاحظت الرز بس اول يومين وفيه ايام دجاج وحده او لحم وحده جربيه مع رز مصري مسلوق
بصراحه انا مااتقيد بجدول بس احس الجدول ينظم اكثر ويجبرك
بس عندي سؤال القمح كيف اعمله لابني ومهلبية الرز كمان كيف<<<اعذريييييييييييني طلعت من الموضوع
بس منكم نستفيد

جدول حلو خيه ..بس ليش قرع وكوسه بالفطور .. بس حلو الجدول عجبني

الله يخليها لش يا رب

عندي ملاحظتين مهمين اختي

الاول شيلي الكاستر و كريم الكراميل نهائيا من الجدزل لأنه مب مفيد و شي صناعي
الثاني البطاطس مرتين في الاسبوع فقط لأن مب زين اكثر

ام شجاع حلو الجدول بس بلي ليش ماتكتبين الطريقة انا ولدى اعطيه بس بطاطس وعيش ابيض او بسكوت وعنده حساسيه من اليبض ولما اعطيه لحم لالازم يغص فيها وللما اعطييه سمك لو شوي لالازم يزووع اعتقد لانه بعد ساعتين يرجع يشرب حليب والسمك والحليب مايتوالمون ..صح شو اسوي

حلو الجدول

بس بالليل دوم تعطينها حليب وبسكويت

تقدرين تعطينها زبادي او لبنة

او بطاطس خضار اذا تقدرين تسوين


وبالعافية على البنوته

اختي انا يمكن رأيي ما يعجبك او ما يعجب بعض الأخوات

و هالشي لأني بصراحه اتبع توصيات منظمه الصحه العالميه في شؤون الامومه و الطفوله و ممكن تشوفي هالشي من موقعهم

اختي

هم يوصوا بأنج لا تعطي منتجات البان بقريه قبل السنه او على الأقل قبل الشهر الحادي عشر و هذا يفسر اعتراضي على الجبن - لأنه منتجات الألبان فيها مواد لا يستطين جسم الطفل هضمها او على الأقل صعبع الهضم عليه و مكن تسويله حساسيه الحليب او نفخه القولون مكرا

و يوصوا بأن لا يدخل بياض البيض قبل السنه و ممكن فقط اعطاء الصفار من الشهر الثامن لأنه الزلال يحمل الكلى عبء كبير هي مو قده

و يوصوا بأنه الجزر حتى لو مطبوخ يحتوي على ماده النيتريت اللي تمنع امتصاص الحديد اللي الأطفال يلزمهم بشده


اختي ممكن تعطي من الدجاج الصدر بس و ممكت تبدي تعطي شوربه العدس و الحمص او اي مثل الكشري بكميان قليله

ممكن تدخلي ابروكولي لأحتوائه على الحديد ممكن تدخلي البطاطس و البطاطا الحلوة و الزهره و الفطر و طبعا كلها مسلوقه

و صفار البيض و الخبز الأسمر انا احطه مع الشوربات و اطحنه

و ممكن تدخلي كبده الدجاج

انتبهي اختي بالنسبه للفاكهه من المانجا و الفراوله و الكيوي فهي من مسببات الحساسهقبل عمر السنه

و ممكن تعطيها عصير برتقال مخفف قبل الوجبات ليساعد على امتصاص الحديد و ممكن تعطيها تمر من زيت زيتون كم نقطه ممتاز و غني بالحديد

انا بصراحه شايفه انه جدولك مو كثير متنوع و بل يحتوي على شويه اشياء مو مناسبه مثل ما اسلفت

تقبلي مروري

ما طلعلـــي الجـــدول....

حبيبتي جدولك رائـــــــــــــــــــــــــــــع

جول حلوووو الله يوفقج ويخليلج بنتج

بس ليش مايكون غداء وعشاء احسن من فطور وغداء

أنا كنت أعطي عيالي غداء وعشاء فطور مافيه غير رضاعه أو بسكوت

ام صلوح رجعت للجدول وغيرت الايام اللي يكون فيها صنفين متشابهين ورا بعض

ام عسوول ويخلي لج عيالج يارب

سكونتي // ربيعية // بلوسومز انا ملاحظة عدم وجود السمك بس خايفة ادخل وجبة السمك وهي تشرب حليب ويصير فيها شي مو عارفة شلون اتصرف

انثى طبعا سويت بنصايحج

دفاية زيت للامانة للحين ما جربت لها مهلبية الرز اما بالنسبة للقمح فانا اخذه من منتجات سيريلاك قمح وحده واضيف عليه الاشياء الثانية من فواكه وهو مجرد تضيفين عليه ماي

مالك القلب خلاص شلت الكوسة والقرع من الفطور

بريق الجنة وقللت كمية البطاطس

وهج الحب عشان جذي خايفة اعطي بنتي سمك مع ان اليوم غدانا سمك، وبالنسبة للحم عطيها اياه ناعم كلش

ام علاوي جربت بعض الايام اعطيها عشا بس اشوف الافضل تنام خفيفة

ريم بالعكس ان شاء الله ما فيه زعل، وشلت الجبن، والبيض اعطيها بس الصفار، بالنسبة للجزر هي ما تحبه وايد فما تكثر منه، شوربة العدس ما جربتها واخاف اعطيها حمص، وراح اجرب كل اللي قلتيه

عروس جنان للاسف مع انه طلع للكل

ماروا انت الاروع

الخوافي لان وجبة الفطور وايد مهمة للجسم وحابة انها تتعود عليها من الحين

شكرا يا رائعات

الله يعطيج العافية ،ن ويجعل بنتج من الصالحات :)

عليها بالعافيه نجوده بي اختي ما لازم تعطينها بيض إله لمه تكمل تسعه شهور لانه من اهم المسببات للحساسيه البيض والمستشفى يخلونك تعطينها شويه منه بعد الشهر التاسع عشان يشوفوون مدى تأثر البيبي منه

وحتى الجزر اعتقد من بعد الشهر التاسع لانه المعده ما تقدر تهضمه ،، والله اعلم