وش تتذكري من ذكريات طفولتش

ر

رابنزول

عروس ماسية

23-06-2008 | 11:00 AM

هلاااااا عروسات شخباركم من زمان ما شاركت بموضوع واليوم جاية

بشي ان شاء الله يكون جديد وممتع ويرجع ذكريات الطفولة

صحيح عدت مرحلة الطفولة بس ذكرياتها ماتنسى احيانا واحنا قاعدين

يمر علينا موقف او نسمع ونشوف شي يذكرا بذكريات الطفولة

حتى الروائح احيانا تذكرنا بالطفولة

يا ريت كل وحدة تدخل وتذكر شي من ذكرياتها ونرجع نتذكرها مع بعض وانا ببدا

من ذكريات الطفولة اتذكر كنت لما انام في بيت جدتي الله يرحمها نقعد من

الصباح علشان نشتري لوز من عند العجوز ابو احمد كان يحط سحارة اللوز

على قاري ( عربة صغيرة ) ويبيع 6 حبات بريال يحطهم بكيس ورق ولا يرضى احنا

نختار لا هو يحطهم لينا والاولاد يطالعوه ونفكر من بياخذ اللوزة الكبيرة اللي على جنب:wink:

ومن ذكريات الطفولة اتذكر لما كان عمر 4 سنوات ارجع 11 الظهر من الروضة ويا اختي اللي

اكبر مني بسنة ونقعد مع امي قبل الغدا نشاهد المسلسل لكويتي الى امي وابي مع التحية

لحياة الفهد وخالد النفيسي هههههههه :D

وفي ذكريات واجد بعد بس بنتظر اشوف مشاركاتكم واذا عجبكم الموضوع او لا (y)

يالله كل وحة تدخل وتكتيب احلى ذكريات ومواقف طفولتها

ع

عضوة

23-06-2008 | 11:19 AM

أحلـــى ذركيتيـــنا باللي مضــى
انا اقول ياليـــت الطفــولة ترجـــع .. براءة ولاندري بالدنيا نركض ونسرح ونلعب السكــة.. براءة أطفــال
الحين الدنيــا مب أمان تخليـــن الأطفــال بــره يلعبووون .. طفولتهم كل تلفزيون وانترنت وبلايستيشن

اتذكر كنت اروح الروضــة عند ماما فايــزة " كنت اموت فيها " وبابا يوديني من بدري عشان عند دواام واروح وياها في بيتها ونجلس نفطر سوووى ونآكل زيتون وجبــنة مالحــة وكان عندها كلب ابيض وكنت اخاف منه ومن يتحرك احس انه بيجي حذاااي ابكـــي...

كانت ايام ماانساها والله وكنا نتجمع كل يوم جمعة انا وبنات خالي كلهم ونروح البقالة ونشتري أكل لنا وكنت في حرمة جيرانا تسوي آيسكــريم الأكواب "لبن-فيمتو-جلي" كنا نرو ونشتري عندها كل وحدة منا 4 اكواب واللي مايحصل يخلص عنه يبكـــي هههههههههههههههههه ومحد يتنازل يعطيه من اللي عنــده

ذكــريات حلـــوة
وموضـــوع يستاهل التميـــــــــــــــز

ر

رابنزول

عروس ماسية

23-06-2008 | 11:39 AM

مشكورة بحرينية وافتخر اي والله حتى عند بيت جدي كانت جارتهم تبيع

مثلج لبن وفمتو وليمون كنا ناكله قبل لا نوصل البيت

ر

رابنزول

عروس ماسية

23-06-2008 | 01:17 PM

معقولة 16 مشاهدة ووحدة بس ردت

وين ذكريات طفولتكم ؟؟؟؟؟؟؟؟

ماعليه بذكر ليكم بعد شي اتذكره طبعا هذا من زمان كنا صغار 18 او 20

سنة كنا في الابتدائي تذكروا كيف كان التلفزيون :D

كان بدون دش عايشين على الانتن خخخخخخخخ

وما تطلع الا السعودية الاولى واللي تطلع له قناة البحرين وقطر عز :cool:

واحد يوقف عند التلفزيون وواحد فوق وواحد في نص الصالة ويصرخوا (})({)

طلعت القناة اولا عدل يمين لا شوي يسار خخخخخ

يالله بنات شاركوا ذكريات الطفولة حلوة

س

سولارا

عروس مشرقة

23-06-2008 | 09:37 PM

موظوعك حلو ويعيد لنا ايام ماترجع انا اتذكر ان المديره لبستني العبايه وانا في صف رابع لاني طويله وامي احتجت لان وحده اكبر مني مالبسوها لانها قصيره المهم انا فرحت لاني اذا طلعت كنت اربطها مثل سبور مان واركظ في الحاره وهي تطير وراي والبنات وراي يركظون لا وكنت احيانا اسلفها للي تبغى تقلدني مقابل ايس كريم الفيمتو الي في اكياس .وغيرها كثير

ر

رابنزول

عروس ماسية

24-06-2008 | 09:11 AM

:D:D:D:D:D:D

ضحكتيني سولااااااار سوبر مان عاااااد

صحيح رب ضارة نافعة

ح

حنيني للامومة

عروس مشرقة

24-06-2008 | 11:45 AM

هههههههههههههههههههههه ضحكتيني سولارا يا الله ما احلى ايام الطفولة ياااااااااااااااااااااريت يا ريت اتمنى دايما ترجع بس لحظة واحدة منها ايام في قمة الروعة .

احلى شي كان في بيت جدي مزرعة كبيرة وكنا في الصيف نتجمع احنا وبنات خالاتي وعيال اخوالي وتعالي شوفي ساعتها ايش بيكون مصير الكبار والمزرعة .... كنا نلعب من الصبح لين الليل ... عسكر وحرامية . نتسبح . نقطف كل الفاكهه مستوية والا لا ... والاحلى تعالي شوفي لما نتزاعل يا سلام ( ننقسم مجموعات ) وهات يا دفاع عن بعض ونكران الجميل حتى الخوات ما عاد تعرفينهم في سبيل بنت خالتك ايام تحفه والله.:2_106:

والا لما تكوني غلبانة وضعيفة تنضربي من الاطفال (كنت اكرة عمري ) واختي كانت الحارس الشخصي تبعي تدافع عني وتخاف عليا واذا كان عليا العب دور الضابط واجري ورا الحرامية تأخذ الدور بدالي تخاف عليا ... :poster_dev:

ذكرتينا بالذي مضى ما في شي احلى منة ولا يعادلة حلاوة اي شي في هذي الايام حتى الاطفال هذي الايام ما فيهم الروح الحلوة بتاع زمان واللعب الحلو ... كل شي متغير . :87457:

تقبلي مروري

&

♥بنوته زايد UAE♥

عروس ماسية

24-06-2008 | 11:51 AM

رابنزول;6414464:
معقولة 16 مشاهدة ووحدة بس ردت

وين ذكريات طفولتكم ؟؟؟؟؟؟؟؟

ماعليه بذكر ليكم بعد شي اتذكره طبعا هذا من زمان كنا صغار 18 او 20

سنة كنا في الابتدائي تذكروا كيف كان التلفزيون :D

كان بدون دش عايشين على الانتن خخخخخخخخ

وما تطلع الا السعودية الاولى واللي تطلع له قناة البحرين وقطر عز :cool:

واحد يوقف عند التلفزيون وواحد فوق وواحد في نص الصالة ويصرخوا (})({)

طلعت القناة اولا عدل يمين لا شوي يسار خخخخخ

يالله بنات شاركوا ذكريات الطفولة حلوة

ضحكتيني والله ...........

بس تبين الصراحه عيشتيني الجوو .. وتذكرت يوم انصارخ ..

&

♥بنوته زايد UAE♥

عروس ماسية

24-06-2008 | 11:58 AM

اتذكر يوم كنا انروح وقت العصريه نشتري في الحاره ..

كانت وحده اتبيع العصاير وما ادري شو .. فيمتو مثلج .. لبن مثلج .. ومصاصات وغيرهم ..

ونتيمع كلنا عند باب بيتنا ونيلس نلعب في المرجحانه والا كروك او في البيت شرطى حرامي خخخخ ،، سبت احد ..

ولا بعد مره كنا نلعب في الحوي البيت ،، ودقت علينا الباب عيوز ،، يالسه اتصارخ امي خافت ..

حسبالهاا اخوي سارق السيكل مال ولدهاا ،، لان كان يشبه واحد ثاني ويسمونه سعود الحرامي ..خخخخخخ

يت مسكته من اذن اخوي ،، ماشاء الله عليهم دش خخخخخخ ..

وفي اشياء وايده بس ما اذكرهاا ..

بس الحين نادر ماتلقين اليهال يلعبون برع ..

*

**Thuraia**

عروس رائعة

24-06-2008 | 12:19 PM

[GRADE="00008B FF1493 4B0082 FF1493 00008B"][FRAME="15 70"]اوووووووووووو اوووووووووووووو يا راعيه الموضوع
ذكرتينـــــــــي بايام حلوه:87457:

كانت اول ما توصل الساعه 4 العصر نروح الحديقه الي عند البيت نلعب ونهيييس فيها لغايه المغرب وبعدها نرجع نستحم والغاليه تعشينا:21_21: ساعه 6 بعدها نشوف رسوم ما قبل النوم وساعه 7 احنا خلاص نشخر :21_161:

مو الاطفال الحين الى ساعه وحده وهما صاحييين[/FRAME][/GRADE]

ل

لفه

عروس متألقة

24-06-2008 | 02:32 PM

يااااااااااااااااا سلااااااااااااااااااااااااااااااااااام والله ايام ما تنسى ذكريات عجيييييبه واحلا شي انه الكل مع بعض يعني مانخاف ودووووم نلعب ف الحاره برا عند العيال اولاد وبنات مع بعض عادي ماشي خوف على البنات من العيال والا من الحراميه

المهم مره كنا مخلصين دوام ف المدرسه وقالت وحده من بنات يراناا (( جيرانا)) اليوم مابنرجع ف الباص بنرجع مشي وللعلم بين المدرسه وحارتنا تقريبا نص ساعه مشي وليش نرجع مشي عشان نشتري من البقاله اللي ف الحاره اللي قبل حارتنا كان يبيع كل شي وعاد يالله هاتها مشي وضيعنا الدرب ورحنا ومشينا ومشينا لين ما وصل الوقت عصر وخافت عندنا بنت صغيره تقريبا صف اول ياحليلها والله وبعدين شفنا ولد جيرانا يلعب ف المزرعه اللي عند الحاره بس من ورا استانسنا بس ياخييبة الامل ماشفنا البقاله ولا شترينا شي بس شوو هزأونا هذاك اليوم

ايام كننا نلعب كروك ونلعب كورة ونلعب عنبر ونلعب موته والله ايام ما تنسى ^_________________^

يعطيج العافيه على المووضوع ولي عوده مع موقف يديد^__________^

ر

رابنزول

عروس ماسية

25-06-2008 | 10:55 AM

اي والله صادقين كنا نلعب مع بعض ونروح بيت جيرانا مافي خوف

مو اللاولاد الحين ما احس انهم مافيهم نفس برااتنا :eek:

اموووووووونة ذكرتيني كنا نلعب ويا اولاد خالاتي واولاد خالي وفجاة نصير مجموعات كل واحد يدافع عن اللي يحبه وتنقلب لمعركة 10 ق ونرجع زي الاول هههههه :mad:

كان في بيتنا شجر كنار وجوافة ولوز وتوت انقطعه كله حتى وهو اخضر بعدين نخشه ونرميه

بنت الامارات سعود الحرامي عاد هههههه شكله يبوق السياكل بعدين يبيعه على راعيه

:tongue:

ثريا اي كنا ننام بدري حتى لو مافي نومة نظل بالسرير لين ننام

لفة هههههههههه تصدقي للحين البنات في الابتدائية يفكروا نفسهم ابطال يرجعوا مشي

بعدين يضيعوا الطريق :confused::confused::confused:

ر

رابنزول

عروس ماسية

25-06-2008 | 11:33 AM

يا بنات عروس كل وحدة تدخل وتقول ذكريات من طفولتها ماتنساها ابدا

:wavetowel2:

&

♥بنوته زايد UAE♥

عروس ماسية

25-06-2008 | 11:40 AM

ايام الطفوله نحنا كنا نلعب ويا الاولاد والبنات وكنا نشوف اليهال غيرنا وهم يلعبون ونسير نتعرف على بعض وياهم ونلعب اسوي اكبر فريق خخخخخ

اما الحين ساعات يوم اسير الحوي ونفتح الباب مانشوف حد بالمره ،، اغلبيه العابهم الحين سوني بلاي استيشن والملات الي فيهاا العاب الكترونيه ..

ر

رابنزول

عروس ماسية

25-06-2008 | 02:02 PM

يا بنات تتذكروا في مسلسل كرتون اسمه الزهرة الجميلة ( سوسن )

عندها سلسلةفي داخلها مراية توجهها على اي وردة وتتغير ملابسها

كنت لما اطلع مع الماما السوق واني صغيرة ادور زيها عجبتني لا مصدقة

السالفة عدل اني باحصل قلادة اقربها من الورد وتغير ملا بسي

:21_133::21_133:

ا

ام حبيبها

عروس مبدعة

25-06-2008 | 03:31 PM

السلام عليكم
كيفك رابنزول الصرااااحة موضوع رووووووعة
وذكريات تحسيها طعمها غيييييير غيييير
لما كنا صغار انا وخواتي وبنات خالتي وبنات
القريبات نروج بيت جدي ((الله يرحمة))
كانت ليلة الخميس عيد بالنسبة لنا وكنا
نستانس واحنا نلعب مع بعض وخالتي
تطبخ لنا العشا وكان دائما يكون صالونة لحم

الشئ الثاني كنا انا وخواتي اللي اصغر مني
بسنة والثانية اصغر مني بثلاث سنوات تقريبا
واختي الكبيييرة اكبر مني بتسع سنوات كانت
هي اللي مربيتنا تقريبا كنا نخاف منها اذا عصبت
علينا واحيانا تستغل خروج الوالدة وتخلينا نجلس
في الغرفة جنب بعض ورافعبين اصابعنا على خشومنا
كانه في مدرسة مو اطفال هالايام احسهم جريييئيين

الموقف الثالث انا كانت علي صيييحة من يوم كنت
صغيرة تسمع سابع جااار خخخخخخخخخخخخخ
كنت في الايام الاولى لالتحاقي الى الروضة مرررة
مشى عني باص الروضة ومشيت لين البيت المهم
كان جنب الباب قطو اسوود كبيير كان يطالع في
بنظرات غريييبة خخخخخخخخخخخخخخخخخخ
والوالدة كانت جالسة تنظف في البيت سمعت صوت
طفل يصرخخخ بقوة ماحطت في بالها انو انا
بس بعديين شكت في الموضوع لان الصوت كان ماشاء
الله خخخخخخخخخخخخخخخخخخخخخخخخ

مشكورة اختي رابنزول مرررة ثانية .....

ر

رابنزول

عروس ماسية

25-06-2008 | 05:22 PM

ام حبيبها والله طلعت جبانة واحنا ماندري خخخخخخخخخخ

تصدقي نفس الشي اختي الكبيرة اكبر مني ب9 سنوات

كنت اخاف منها موووووت مو الحين اولادي ما يخافوا مني خخخخخ

ر

رابنزول

عروس ماسية

30-06-2008 | 11:59 AM

امهات تذكروا ايام الابتدائي المدرسة والجيران والكرتون البريء

مو الحين دجتال ويوغي كنا نشاهد سنان وقصص عالمية وليدي اوسكار

وجورجي زالسلسلات البدوية ياسلام على ذاك الزمن

ر

رابنزول

عروس ماسية

03-07-2008 | 02:53 PM

للرفع

ر

ريم الفله

عروس جديدة

03-07-2008 | 09:29 PM

طفولتي بالشااااااااااااااااااااااااارع دايما العب :happy1:بسيكل أخوي ويخرب دايما معي واتصفق طبعا:UP202:
وفي الروضه دايما غايبة من هوشاتي مع الأولاد ههههههههههههه
بس لما كبرت الناس يستغربون اني انا الي من زمان يقولون صرتي ناعمه وهادئه:o
فشششششششله يوم كنت صغيرة