زوجي يهددني بالطلاق

والله الحل بيدك انتي
اذا كنتي ما تبينه وافقي على الطلاق وهاذي مش نهاية العالم
واذا ودك المياه ترجع لمجاريها استغفري الهجي لهجا بالاستغفار في كل لحظه من يومك
وقولي يا مقلب القلوب اقلب قلب زوجي واعميه بمحبتي امين
الله يوفقك
تحياتي

حبيبتي انا نفس مشكلتك بس انه يحب وحده مغربيه ونفس معامله زوجك وانا عند اهلي يارب يفرجها عليكي وعليا

الخيانه قاتله وجرحها مستحيل ايطيب مستحيل

هلا يالغاليه انتي ليش مسويه بعمرش شذي خليه ينقلع ينطق في لعنه تلعنه اللي مثله مايستاهل دمعه من عينش اخذي عيالك وروحي عند اهلك وغصبا عنه راح يتنازل عنهم لان المثله مايستاهل يكون عنده عيال خلي السيلانيه حقته تجيب له كرامتش مو لازم دوسيها اكثر من كذا والله انا قريت قصتك وقلبي يحترق عليك الوحده اهم ماعندها كرمتها وانتي خاينك مع سيلانيه ياليت بعد مع وحده تسوى هذا انسان زاني والزاني ماينكح الا زانيه مثله وانتي وحده مؤمنه فلايجوز انك تبقين معه

الله يعينك اختي ,,, حاولي تدخلي نااس من اهلك واهلو ,,,

ولاتذلين نفسك اكثر لان مو انتي الي غلطاانه ,,,

موفقه في حيااتك ,,,

بصراحه أنا قريت قصتج كااااملة

وانسان مثل هذا مااااااااا يستاهلج ابدا

ليش مستمرة وياه دام انه جيييييه

اقووول عيشي حياتج وافتكي منه احسن لج لانه الحياة مع هالاشكال ما تنطاق

والله بيأثر على عيالج ونفسياتهم...تلاحقي عمرج وعيالج ولا تذلين عمرج للأشكال التعبانه هذي

والله يوفقج

هو يمكن عمل كدة عشان بش عايز او مجرد انه يحس انك مسلطة سيف ع رقبته عايز يحس انه هو الراجل

انا رأيي تتكلمى معاه ع انفرااااااااااااااااااااد وبهدوء وتفهميه ان احنا ننسى كل الى حصل وكأنه ما حصل عشان طفلنا وانا خدامتك وانت نور عينى وانا من غيرك ولا حاجة وانا يا سيدى الى غلطت وادى راسك ورجليك انا خدامتك انا نسيت كل الى حصل

ادعى كتير ربنا انه ييسر لكى امورك

لا حول ولاقوة الا بالله
الله يهدي الامور ان شاء الله
بس حبيبتي احب اقولك بما انه خانك وعينه قويه وكمان مدخل اخوه الكبير
هذا انسان ما يستاهلك وبالطقاق الي يطقه ويطق اخوه خراب البيوت
والي مايحسبك فايده لاتحسبه راس مالك
وخير الكلام ما قل ودل
والله يوفقك ويسعدك

ياعمري الله يعينك

ابحثي عن دعاء تسخير الزوج وادي فيه بجوف الليل

الله يسخره لك اللهم آمين

اختي الله يفرج كربتك بس ودي اقولك ادخلي موضوع الاخت الغاليه وموضوووعها يمكن يفيدك او اساليها وموضوعها اسمه كنت في كابوس ونصايح الجده خلته حلم جميل الله يساعدك

لاحول ولاقوة الا بالله ........الله ييسر لك امورك اختي

[GRADE="00BFFF 4169E1 0000FF"]الله يعينج
ماعرف شنو قصتك لكن فهمت انه خاين
واكيد ان الرجل يشعر بكبرياء اذا صارحته المراءه بالخيانه وها يحاول يخليها اهي الغلطانه وهو تماااااااام وما عليه غبار
كان المفروض تصلحي حال زوجك بطرق اخرى غير المصارحه السريعه
خاصا ان كل امراءه تعرف زوجها وتعرف طباعه وتدخل عليه من الباب الي ينفع معه
ما اعرف ايش اقولك غير اللجوء لرب العالمين
واذا تقدرين تصلحين الوضع بطريقه تحط من شاءن رايك الاولي فلا بئس بذلك
من اجل عيالك وبيتك وحياتك
حتى لو فيها هدر لكرامتك[/GRADE]

/

لاحول ولاقوة الا بالله

عليكـ بالدعاء يالغلا

لا حول ولا قوة الا بالله
الله يفرج همك وايسر امورك حبيبتي
لاتنسين الدعاء والصلاة اكثري منها

عزيزتي

شكلج تحبيه عشان جذيه صابره ويمكن عشان عيالج بعد
بس تخيلي كيف نفسيات هالاطفال يعيشوا بين ام واب ما يطيقون بعض!

استخيري رب العالمين وماخاب من استخار ربه

ربي يكتب لج السعاده والراحه وطمأنينة البال يا رب.

السلام عليكم ،،،،

حبيبتي آنا معاج من أول مشكلة يمكن من سنتين ، وايد أشياء انتي غلطتي فيها !!!!

أولها ليش تكود اليهال ؟؟؟؟ أعيش معاه بدون ما أحمل منه ، خيرتهم على راسج التربية والمعاناة ، وبعدين

ليش المذلة ؟؟؟؟؟ واحد بهالمستوى اشتبين فيه ؟ قدر ويهه السيلانية ، يا ليتها محترمة ولا موظفة سنعة !

أقصاها خدامة .............

لا تطلبين الطلاق ، خليه أهو اللي يطلق عشان تاخذين حقج بالكامل ، وإذا لج حوبة عساها تبين فيه
وفي ( أليسا ) اللي ميت عليها !!!!!!!!

انتي اللي عليج سويتيه ولا تسوين أكثر من جذيه كافي إن شوره بيد أخوه معناها انتي اشتكيتي لما فيه الكفاية عند أهله وما من مجيب ، نسيتي أمه لما قالت لج كل الرياييل يزنون معناها عادي عندها الزنا والخرابيط حتى لو على بنتها ما أتصور راح يهمها ............

حبيبتي لا تعورين قلبج شغلي نفسج بتربية عيالج وفري لهم الجو المناسب ولا تعطينهم مجال يعيشون بجو كله مشاكل ومشاحنات وهم وغم ، اليهال ما لهم ذنب باللي قاعد يصير بينج وبين ريلج ، وهذا خليه يطلق ، يتزوجها كفوه أهو وأهله ، يالله العافية لا جمال ولا مال ولا حسب ولا نسب على شنو ميت عليها ما أدري قدرهم كلهم ...........

وما بيدج شي غير إنج تتقربين حق ربج بالدعاء والقرآن وصلاة القيام بشكل يومي بدون استثناء ،

والله المستعان ..............

لاحول ولاقوة الابالله الله يكو بعونك

والله انتى خساره فيه انا متابعه حكايتك

واقولك انتى غلطانه ليه انتى اللى تحيليه هووووو الغلطان مش انتى ليه تذلى نفسك ليه اتركيه

وغلطته مش هينه ولا صغيره لا كبيرررررررررررره

عاوز طلاق اوكى سورى ..... الباب اللى يودى بالسلامه واوعى تسيبه له حاجه يعنى خدى حقك عند الطلاق ( لا تبريه من اى شئ ) وروحى عند اهلك فوررااااااااااااااااااااااا

الله يكون في عونج اختي .. انتي سوي اللي يناسبج ويناسب عيالج وكفاية انه اهله يدخلون وعادي عندهم الطلاق بدل ما يوقفون في طريجه وانا قبل اعرف عن سوالفه وقصصه اللي كتبتيهم في المنتدى .. بس انتي لي متى بتركضين وراه وهو بايعنج ؟؟؟؟ فكري عدل اختي وربي يصلح اموووركم ويهديكم للصواب يارب