صالون دانييل - بنات الدوحة

الطيف المسافر 20-06-2008 13 رد 2,972 مشاهدة
ا
السلام عليكم

شخبار كم عساكم بخير

بنات ساعدوني
حفلة تخرجي يوم الأحد


ومدحولي صالون دانييل

احد جربة ؟

وشرايكم في شغلهم ؟

ومن احسن وحدة للمكياج والشعر ؟
انا احب المكياج الناعم ومب اي شي يعجبني !

تنصحوني اروح ولالا

؟


بليييييييز ساعدوني :)
a
انا الصراحه ماجربت صالون داانييل بس اللي اعرفه انه ناعم زيااده عن اللزوم كانج ماحاطه شي ومكياج بيت

وانا مثلج احب الناعم حده بس يبرز جمال العين

عندج صالون جاك ديساانج شاطرين واهم شي انهم يدمجون الشدو عدل

وعندج امنه شااهين توب شغلها رووووعه تمدج لج عدل

والله يوفقج
ا
مشكووورة حياتي
صالون
جاك ديساانج وين مكانهم ومن احسن وحدة عندهم ؟

امنه شاهين تجي البيت ولالا ؟
ا
وييييييينكم يابنات ؟
ا
بنات انا اول مرة اشارك ولااحد رد عليي وينكم ؟:(
]
جآك ديسآنج في شآرع سلوى ـآ
حلو مكيآجهم وآلشعر بعد حلووو ..!

جووو رعد بعد مكيآجهم وايدحلووو وناعم .. بس آلشعر آلبنآت مآيضبطونه عدل .. بس الشعر عند آلريآييل حلووو يسووونه ..!
ق
حياتي شغل دانييل وايد حلوو احجزي عند نيلي حق مكياج وسمر حق شعر وتطلعين قمررررررررررر
ل
مرحبا
بالنسبه لدانييل انا سويت عندهم وحلو وناعم بس مثل ماقالت أختي كأنج مسويته في البيت ...

جووو رعد بعد مكيآجهم وايدحلووو وناعم .. بس آلشعر آلبنآت مآيضبطونه عدل .. بس الشعر عند آلريآييل حلووو يسووونه ..!


شلون عند رييايل ؟؟؟
مافهمت يعني نسوي شعرنا عند رياييل ؟؟؟
شدعوة ...الله وأكبر لهالدرجه وصل الجهل عند بعض البنات ...الله يهدي الجميع ...شراح يفيد اذا كان شعري حلوو ومصيري نار جهنم وغير جذي عدم التوفيق والهم وقساوة القلب والمصايب وشماتة المجتمع واستنكارهم لهالشي اللي غزانا والعياذ بالله
بنات انتبهوا لاتخلون العولمه والجهل و استأمان غضب الله يعمينا عن الحق ....ترى ماراح شي يفيدنا عقب ....
a
8
8

يختي شفيج قمتي عالبنيه


اهي تتكلم عن صالون جو رعد واتقول ان مكياجهم حلووو يعني الحريم اللي يمكيجوون ولكن الشعر ماايضبطونه عدل قد شغل الرياييل عندهم ماقالت روحي سوي عند ريااااال

وانتي حياتي انتبهي لكلامج لاتهجمين عالبنت بدون ماتقرين ردها عدل
ا
الله يهداج هبيتي في البنت هبة
اهي تقصد هم يسوونه احسن من الحريم بس ماقالت لها روحي
اختي صالون دانيال انا سويت عندهم في خطوبتي وطلع حلو وهادي
ل
مرحبا حياتي

أنا ماتهجمت عليها حبي بس حبيت اقول وجهة نظري وماكنت اقصدها بتاتاً ....أنا قلت هالكلام بعد ماسمعت أن فيه بنات ماهمهم هالشي وعادي عندهم يسوون شعرهم عند ريايل وشفت ردها فكتبت هالكلام لاأكثر ولاأقل ...

وهذا كله علشان انبهكم خواتي وأنبه نفسي قبلكم ...لو ماأحب بنات بلادي كان ماقلت هالكلام ولا ذكرته ....
اتمنى أن ( هالبنات ) علشان ماتقولين أني تهجمت على حد ....أنهم يحطون نصب أعينهم انهم محاسبين وأن هناك بديل يعني ماعندهم عذر بتاتاً

الله يصلح الجميع وأولهم أنا ....

واعذروني اذا مشاركتي ازعجتكم
لو أدري ان مشاركتي بتسبب هالسوء فهم كان ماكتبتها ولا حتى مريت على الموضوع ...
بس شسووي غيرتي ومحبتي لكم اجبرتني ....

السموحه
واتمنى أن أختي اللي اقتبست كلامها ماتظن اني قصدتها لا ....كنت أبي اذكر لااكثر لانا كلنا محاسبين أمام الله يوم لاينفع مال ولابنون ...
وشكراً
ل
الله يهداج هبيتي في البنت هبة
اهي تقصد هم يسوونه احسن من الحريم بس ماقالت لها روحي


والله العظيم اسفه ..
مايسوى علي والله
السموحه طويلة العمر أخر مره أشارك
سوري
]
بنآت مآصآر إلآ آلخير

ومثل مآقآلوآ .. آنآ تكلمت عن آلصآلون وشغله ..!
صآلون يشتغلون فيه حريم ورياييل .. وقسم الحريم مسكر ..!
وبس ..! في نآس عآدي يسووون عند ريآييل >> مومتحجبآآآت ..!
هذآ كل شي :) ..!
&
الف مبروك التخرج


اممم دانييل انا اروح لـ سمر شغلها على حسب المزاج

روحي جاك ديسانج احسن

مكياج هدى

شعر زينة
X