مقشر اللوز بالعسل

hend_unreachable 19-06-2008 4 رد 4,636 مشاهدة
h
مرحباااااا بنات اليوم بنزل لكم مقشررررر اللوز بالعسل ..... كلنا نعرف فوائد العسل للبشرة من ناحية الترطيب والتنظيف العميق ويدخل في كثير من المنتجات مثل الصابون و الكريمات والاقنعة المختلفة..العسل له مكونات جعلته اقوى المضادات الحيويه فى علاج اكثر الامراض وخاصه الحروق والطفح الجلدى و يحتوى العسل على الفتيامينات والمعادن والاحماض الامينيه ...

أما فوائد اللوز للبشرة فهي لا تعد ولا تحصى..اللوز غني بالزيوت الحمضية الدهنية النباتية غير المشبعة، والبروتين، والسكر، يحتوي على فيتامينات A، B1، B2، PP،B5، B6و أملاح معدنية ومعادن مثل فوسفور، بوتاسيوم، ماغنزيوم، كالسيوم، كبريت، صوديوم، حديد. اللوز يغذي الطبقات المختلفة من الجلد وينعم البشرة الجافة.

آسفه يا بنات على الإطاله لكن حبيت أوضح فوائد مكونات المقشر

الحين بندخل في مكونات القناع وطريقة الاستعمال

المكونات:

ملعقتين طعام لوز مطحون




ملعقة عسل طبيعي




طريقة الاستخدام:

نخلط المكونات مع بعضهااااااااااااا ونحطها على بشرة الوجه لمدة خمس دقايق ... بعدين نبدااا بالفرك الناعم عشان التقشير لمدة خمس دقايق فقط ومن ثم نغسل الوجه بماي دافي من بعده ماي بارد لغلق المسامات ...... هالمقشر نستخدمه مره بالاسبووووع بس


اتمنى يكون نال على اعجابكم
تقبلوا تحياتي
ا
يسلمو ياقلبي

بس حبيت اسالك مايكون ثقيل

لان مره جربت مقسر عسل وحليب بودر لبنت عذاري

وثقيل يعني ماتقدرين تقشرين الوجه فيه

مشكوره على الوصفه ياعسل

تقبلي مروري
h
شوفي حبيبتي انتي افردي العجينه ع وجهك كماسك فقط لمدة خمس دقايق . خلال هذا الوقت البشرة بتصير لينه وبتتشرب العسل والعسل اصلا يتفاعل مع حرارة البشرة ويصير ليّن اكثر بعدها انتي ابدئي افركي البشرة بشكل دائري وبنعومه .... وبعدها اغسلي وجهك
ا
hend_unreachable;6368860:
شوفي حبيبتي انتي افردي العجينه ع وجهك كماسك فقط لمدة خمس دقايق . خلال هذا الوقت البشرة بتصير لينه وبتتشرب العسل والعسل اصلا يتفاعل مع حرارة البشرة ويصير ليّن اكثر بعدها انتي ابدئي افركي البشرة بشكل دائري وبنعومه .... وبعدها اغسلي وجهك


اهاا

الحين عرفت السبب

انا اصلا احطه من هنا وابدأ افرك من هنا <<< مستعجلهالبنت ماعندها وقت خخخخ

اوكي يالغلا راح اعمل نفس كلامك

مشكوره يالغلا على ردك

تقبلي تحياتي
h
العفوووو حبيبتي ... اتمنى هالمره يضبط معاج

تقبلي تحياتي
X