صديقتي الكاذبه

اختي نور

اعذريني على ردي

باقول لك حاجة بالصراحة طريقتك في الاصلاح كانت من البدايه غلط

انتِ سمعتي كلام من الزوجة لحالها

و بعدين سمعتي كلام من الزوج لحاله

و انتِ صرتِ في دوامه ما تعرفي تصدقيها او تصدقي زوجها

بالصراحة

انا ماحسيت انك على علاقة وثيقه فيهم

اثنينهم عشان تصير عندك المقدره الكافيه للإصلاح و اعاده المياه إلى مجراها

يعني انا احسها جداً صعبه انك كنتي زميله زوجها و تعارفتوا

و بعدين صار انقطاع لفترات طويله

و تسمعي كلام من كلا الطرفين بس كل شخص تكلم بحد ذاته

والحين انتِ جايه تصلحين بينهم

اعذريني اختي

احس الموضوع فيه غموض

و ماهو الطريق الاصلح للإصلاح مابين شخصين وصلوا لمرحلة الطلاق و الزوج خصوصا انه تزوج

و مسح ماضيه مع زوجته القديمة

بالنسبة للإولاد

انا ماقدر احكم انهم يشوفوا امهم او لا

الشرع اولاً و اخيراً هو اللي يحكم بالنسبة لحق حضانه الاطفال

و لازم الكل يرضى بهذا الشي

و برضو بالنسبة للبنت الانسان بطبعه يتعاطف مع ظروف الشخص الثاني يعني ماباجي بحكم عليها

عشان نامت مع شخص ثاني و حملت منه وانت بس سمعتي كلام زوجها

يعني حرام انك خلاااااص تصدقي زوجها

تقدري تكلميها و تعتذري لها و تعطيها بعض النصايح مثلا تدخل اهلها و يجلسوا مع زوجها و يتفاهمون

مهما كان هذي اسرار زوجيه حتى لو انتهت الحياه بالطلاق

و بالصراحة ماهي مقبلوله ابدا من زوجها انه يجي يقولك انها نامت مع شخص و حملت و سقطت

كان بإمكانه انه يتعذر لك و يعطيك لمحة بسيطه بس مو بهالطريقة طريقة التشهيرررررررررر

مع احترامي للجميع

في امان الله

R&A;6388177:
اختي نور

اعذريني على ردي

باقول لك حاجة بالصراحة طريقتك في الاصلاح كانت من البدايه غلط

انتِ سمعتي كلام من الزوجة لحالها

و بعدين سمعتي كلام من الزوج لحاله

بالنسبه لتعلقيك .. اني سمعت كلام الزوجه فقط .. انا صح سمعت الكلام من طرفها .. بس انا ماكنت اقدر اتصل في زوجها واخذ منه تفاصيل الطلاق .. تصديقيي لها من عدمه .. ما حطيت في بالي انها بتكذب في امورها .. كنت افضل لو امتنعت عن ذكر اشياء او حسستني انها ما تبي تقول شي بدل ما تسهب الموضوع ..

و انتِ صرتِ في دوامه ما تعرفي تصدقيها او تصدقي زوجها

انا ما صرت في دوامه اختي .. انا اكتفيت بتصديقها بس بحكم اتصالتنا وسوالفنا .. وان نسوان مثل بعض .. بالنسبه لزوجها انا ما اتصلت فيه الا بطلب منها بالفتره الاخيره

بالصراحة

انا ماحسيت انك على علاقة وثيقه فيهم

بالعكس اختي كنا على علاقه وثيقه جدا .. ولكن ظروف الحياه منعتنى اني اتواصل .. فاكتفيت اني اتواصل مع زوجته سابقا ,, على الانترنت و التليفون .. لكن ما كانت بشكل يومي , وكنت اظل اسولف معها بالانترنت فتره طويله .. وكنت اثق فيها لدرجه اني كنت اساعدها لمن تطلب مني شي من البحرين, الفتره الي تقطعت علاقتي فيهلا .. هالكلام صار له 4 شهور ورا .. [/SIZE]

اثنينهم عشان تصير عندك المقدره الكافيه للإصلاح و اعاده المياه إلى مجراها

يعني انا احسها جداً صعبه انك كنتي زميله زوجها و تعارفتوا

[SIZE="5"]وين الصعوبه بالضبط اختي .. انا تقريبا كنت منفتحه نوعا ما بعلاقاتي لكن بتحفظ واحترام. والدليل ان زوجي يعرف كل زملائي وزميلاتي بالجامعه.يمكن بالنسبه لمجتمعكم يصير ان صعب اختي
زميله زوجها .. أختي بمعنى احنا كنا في مجموعه دراسه ..مع بنات وشباب .. وكنا نسوي مشروع تخرج .. قبل لا انخطب ,, وهو فترتها كان متزوج .. وكان دائما يطلب مني اني اتعرف على زوجته قبل لا تصير طبعا الخلافات بينهم .. وكان يقولي راح تحبيها .. بس ولمن انخطب .. كرر طلبه مع عزيمه لزوجي .. واضيف لك,, انا كنت على علاقه بزملاء بالجامعه وزميلات من السعوديه ,, وعلاقتي طيبه فيهم.. وعلاقه زوجي بعد معاه طيبه ..

و بعدين صار انقطاع لفترات طويله
الانقطاع صار من حوالي الفتره الاخير الاربع شهور الي راحت..

و تسمعي كلام من كلا الطرفين بس كل شخص تكلم بحد ذاته

والحين انتِ جايه تصلحين بينهم

[SIZE="5"]انا ماحاولت اصلح بينهم اختي بالبدايه .. انا لمن حاولت بالبدايه اني اثنيها عن فكره الطلاق . هي كانت خلاص بتتطلق .. والانقطاع لمن رحت شهر العسل .. فكان كل شي متأخر .. بعد طلاقها وتنازلها عن اولادها . .. لان هي تنازلت عن اولادها مقابل يطلقها ..

الفتره الاخيره .. الي هي بعد الشهرين الي انقطعت هي فيه عني .. رجعت بقرار انها تبي ترجع لزوجها .. وطلبت مني .. بحكم ان زوجها يعرفني .. ان احاول اوصل له كلامها وأسفها انها تبي ترجع له .. وانها تبي تصلح من نفسها .. ولان تفكيري كان بس بالاولاد,, وانها ندمانه انها تنازلت عنهم .. قررت اني اكلم زوجها .. بإذن من زوجياعذريني اختي

احس الموضوع فيه غموض

مافيها غموض ولا شي .. اختي .. انا سردت القصه بتفاصيل مختصره .. ومثل ما قلت لك . انا ما احشر نفسي بشي ما يخصني .. ولا قررت فجأه اني اصلح بينهم .. اصرارها على اولادها ورغبتها برجوعها لزوجها . عشان اولادها هي الي حننت قلبي اني احاول عشانها .. و ماهو الطريق الاصلح للإصلاح مابين شخصين وصلوا لمرحلة الطلاق و الزوج خصوصا انه تزوج

و مسح ماضيه مع زوجته القديمة

مثل ما قلت لج اختي هي كانت مجرد محاوله بعد الحاح .. وانا كنت على نيتي في اصلاح الموضوع بحكم المعرفه القديمه .. ومعرفتي بزوجها اختي تتعدي الثلاث سنوات جامعيه ,, وهي تعرفت عليها سنتين اذا شملنا لين اليوم.. ومحاولتي للاصلاح عشان ا لاولاد .. وهو ما يقدر يمسح ماضيها لان الاولاد موجودين ولازم تتصل فيه بين فتره وفتره تبي تكلم اولادها. صعب المطلقين الي بينهم اولاد ينمسح كل شي نهائيا ..

بالنسبة للإولاد

انا ماقدر احكم انهم يشوفوا امهم او لا

الشرع اولاً و اخيراً هو اللي يحكم بالنسبة لحق حضانه الاطفال

اختي احس انج ما قريتي الموضوع بتفصيل .. او بتركيز .. سبق وذكرت انها تنازلت عنهم مقابل الطلاق..

و لازم الكل يرضى بهذا الشي

و برضو بالنسبة للبنت الانسان بطبعه يتعاطف مع ظروف الشخص الثاني يعني ماباجي بحكم عليها

عشان نامت مع شخص ثاني و حملت منه وانت بس سمعتي كلام زوجها



يعني حرام انك خلاااااص تصدقي زوجها

"]اختي .. مب حرام اني اصدق زوجها .. للاسباب التاليه .. اولا هو متزوج وعنده زوجته وحامل وعايش سعيد جدا...

ثانيا : هو كان يفكر في ترجيعها ,,, وقبل لا يتزوج حاول ان يرجعها .. والي ما تعرفينه وكنت بذكره الحين بردي .. ان اختها اتصلت فيني ولمن واجهتها .. بالي ذكره زوجها .. وهو ان كان يحاول يرجعها قبل لا يتزوج .. ليش كانت ترفض.. واعترفت لي ان هالكلام صحيح !!

وسالفه الي صار .. لها والي هي سوته من علاقات وغيره .. كانت السبب الرئيسي ان يشيل الفكره .. ان يرجعها .. وكان في امكانيه ان يرجعه .. ( من قبل لا انا حتى اتصل فيه) وهالشي بسبب الحاح زوجته الثانيه . رأفه بحالها .. ولمن كنت ألح واقوله ما في سبب يمنع انك ترجع الحرمه لعايلها وكل من يستحق فرصه ثانيه .. اضطر يقولي السبب . واكتفيت بإنه سبب مقنع جداً[/SIZE]تقدري تكلميها و تعتذري لها و تعطيها بعض النصايح مثلا تدخل اهلها و يجلسوا مع زوجها و يتفاهمون

.. شوفي ردي للموضوع عشان تعرفين التفاصيل الي بذكرها الحين

مهما كان هذي اسرار زوجيه حتى لو انتهت الحياه بالطلاق

و بالصراحة ماهي مقبلوله ابدا من زوجها انه يجي يقولك انها نامت مع شخص و حملت و سقطت

كان بإمكانه انه يتعذر لك و يعطيك لمحة بسيطه بس مو بهالطريقة طريقة التشهيرررررررررر

اختي زوجها ما شهر فيها .. مثل ما تفضلتي لان بالمره الاولى لمن كلمته كان اعتذر لي بلباقه.. لكن اصراري لمعرفه الاسباب ,, وحاولت اعطيه كل الحلول عشان يرجعها . اضطر يقولي السبب بالاخير .. .. وهو لو كان يبي يشهر فيها كان كلم ابوها وامها .. يوم حاولو يتصلون فيه .. بس هو اكتفى .. بإن يوصل رفضه للزواج عن طريقي ..

انتظري ردي عشان تعرفين التفاصيل..
مع احترامي للجميع

في امان الله[/SIZE]

والله يا ام جنى خلها عنج هاي ينخاف منها انا اقولج خليها وبعدين الباب اللي يجي منه الريح سده واستريح

السلام عليكم ورحمه الله وبركاته..

نهايه الموضوع .. الحمدالله تمت ..

اتصلت فيني اختها .. ..واعتقد عدم اتصالها فيني هو خوفها من المواجه .. مادري يمكن حست اني عرفت شي .. مادري بالضبط عنها ..

المهم .. اتصلت اختها .. وقالت .. شنو صار .. قلت لها ليش ما صارحتوني بالبدايه ,, يوم انكم ناويين الاصلاح .. وترجعون كل شي .. الصراحه مطلوبه بالمواضيع هذ .. وبعدين كيف اختك ترجع وتتهجم على بيت الريال .. وزوجته .. ( قالت هذي انا معاج فيها كانت غلطانه ) .. بس ندمانه..

قلت لها ودام هي ندمانه ليش سوت الي سوته .. وانتي عارفه قصدي وماله داعي اكرر كلامي .. اذا هي كانت تعتبرني زي اختها .. ليش ما صارحتني على الاقل كنت بنصحها وبقولها الحل .. من غير ما احتاج ان اتصل بزوجها .. لان هي حطتني بموقف محرج ,, صراحه والي سوته اختك ماهو بشوي .. واعذرني اني اقول اني هالمره ما الوم زوجها لو قرر ان ما يرجعها .. او ان ما يخليها تكلم الاولاد...

وهي ما ردت علي ولا بكلمه .. لان كل الكلام الي انقال صح .. اكتفت .. انه تقول .( الله يهديها )
قلت لها .. اخذيها نصحيه مني .. ترى الي تسويه مب في صالحها وبيأثر عليها .. في المستقبل..
واذا ماجاها نصيبها ماله داعي تدخل بعلاقات ماله داعي .. وانا سامحيني مابقدر اسوي شي او اتصل .. لان مالي ويه.. وخلي ابوكي يتفاهم معاه افضل مثل ما هو طلب..

وشكرتني اختها ... وقالت طيب وبنشوف ...

وعلى العموم . .. ماراح ارد علي اتصال من صوبها ,, والله يفرجها عليها ويهديها .. اعتقد هذا القرار الانسب .. واظن انها تدري الحين بغلطتها .

ام جنى

هلا اختي ام جنى

هذا اللي انا قصدته

من البدايه الموقف محرج

لان تناقل الكلام من شخص إلى شخص يحطك انتِ في موقف صعب

ولا بتعرفين الحقيقة الا لما اثنينهم يتواجهون و كل واحد يصارح الثاني بأخطائه

_________________

ثانيا انا في نظري اعتبر رجعتها إلى زوجها

من بعد زواجه مره ثانية

هدم لبيت زوجته الثانيه

حتى لو ان الشرع محلل اربع

بس يعتبر الاصلاح في هذي الحاله ظلم لزوجته الثانية و مافي زوجه ترضاها لنفسها

حتى لو كانت بحجة الاولاد

زوجته الثانية وش ذنبها انها اخذته مطلق و بعدين ترجع له زوجته الاولى

حتى لو بيتهم اولاد

خلااااااااااااااااااااااص

الرجال قطع علاقته فيها

و بنا حياته من جديد

ولا تقولي لي بينهم اتصالات و لا ما اتصالات

خصوصا معروف عندنا الشرقيين مايصير الطلاق الا و كل زوج كاره لزوجه

يعني نادر جدا يصير رضا بين الطرفيين

و كونها تنازلت عن الاولاد ترى هذا مو بكيفها

الزوج هو اللي يحدد هذا

و طبعا هذا بعد الشرع

و خصوصاً إذا كانت سمعة الام سيئه تنسى سالفة الاولاد

____________________

و ترى يا اختي كونك زميله مع زوجها هذا شي طبيعي يا اختي

ترى انا سعودية و ادرس ماجستير في استراليا

و عندي زملاء من جميع الدول

يعني لا تفهميني غلط من هذي النقطة ياقلبي

في امان الله

مرحبا اختي ..

انا معاج .. عموما .. الموضوع انهيته .. وفعلا .. هي برجوعها تهدم بيت .. بس كنت حاطه باعتباري ضياع الاولاد..

لكن اعتقد الحين رجوعها مستحيل ,, ,الله يرزقها الي يستر عليها ..

تسلمين على مشاركتج عزيزتي وردك القيم..

ام جنى

^

^
تسلمي ياقلبي

في امان الله

الحمدلله ان المشكله انحلت،، الأفضل انج تكونين رسميه معاها عشان ما تقطعينها مره وحده،، وخليها بروحها تتصرف مع طليقها،، انتي حاولتي تساعدينها بس جفتي شصار،، فخلاص من عقب هالمره لا تتدخلين في حياتها والله يهدي الجميع ان شاء الله

اهــلا حبيبــتي
الحمد لله المشكــلة انحــلت
كتبت رد وبعدين عرفت انها انحلت
عمــوماً تقبلي مروري

كوني بخير
اختك
نبض

السلام عليكم اختي

اقترح اتطنشينها و ما تقولين لها باقطع علاقتي وياج .. كله تحججي لأن ما تدرين من هل ناس يمكن اذا قلتي لها باقطعج أو لا تتصلين يمكن تنتقم منج فحاذري منها بس لا تقطعيم مرة وحده خففي و عقب قطعي حتى ما تشك بشي

بصراحة أنا اشفق عليها وفي نفس الوقت أشفق على زوجها
أشفق عليها لأنها كانت مستهترة وطائشة وكانت تتوقع إن زوجها بيكون مثل الخاتم بصبعها وإنه ما بيستغنى عنها ومسكين زوجها تحملها وما هانت عليه العشرة وحاول يرجعها ولما كشف علاقتها ستر عليها وما فضحها لأنها قبل كل شيء كانت زوجته وأم أولاده وهي لو شافت الاذى منه أو أنها ما كانت سعيدة معه ما كانت تحاول الأن ترجع له بس خلاص الفرصة تجي مرة واحدة وهي ضيعت فرصتها وتوقعت تلاقي شخص أفضل من زوجها وذهبت الى طريق التعارف والعلاقات المحرمة والحرمة حساسة بطبيعتها وإنضحك عليها أكثر من مرة وإذا لم تترك هذا الطريق بتستمر بهذا الطريق وبتضيع (الله يهديها) وسمعتها بيأثر حتى على أولادها
لهذا حست إنها الأفضل ترجع لزوجها بدل عيشة المطلقة والأنتظار لرجل يسترها والله العالم متى؟ وبتحاول ترجع لزوجها بأي شكل حتى لو كانت عن طريق إنها تحن وتزن على أولادها بس في نفس الوقت الأفضل إنها ما ترجع له لأن الثقة هنا معدومة وطبيعية الرجل ما يسامح وبتعيش في شك ومعانه
حاولي تنصحيها ولو لأخر مرة وإرسلي لها ولو عن طريق الايميل بأدعية وإستغفار وقصص معبرة عن التائبين والعاصين وأدعي لها بأن يرزقها بالزوج الصالح اللي يستر عليها ويهديها يارب العالمين

انتي كان نيتج تسوين فيها خير و اللي قدرتي عليه سويتيه بس اكتشفتي ان صديقتج ما تستاهل وقفتج و طيب قلبج، فالمفروض اطنشينها ولا تسويلها سالفه احسن عن ما تيبلج المشاكل... صداقة وراها مشاكل بلا منها.. خلج في حالج احسن و خليها هي بروحها تصرف امورها...

يمكن ناويه على زوجك تركيها البنات مايجي وراهم
الا المشكل تركي العواطف على جانب اشوي
خافي على نفسك واسراتك

والله مشكلة عويصة

اشوف انك تطنشينها لما تمل منك

الله يسهل يارب

انا قلت لها ان زوجج رافض يرجعج .. بس ماكنت ادري بالاسباب ,, واخر مكالمه بيني وبينها ان ,, تبي يزعم تشوف اليهال .. وتكلمهم .. انا دريت بكل شي من المكالمه الثانيه . عموما بصلي استخاره وبشوف شنو الاصلح ,, وبشوف ردود الاخوات

انتي سويت الي عليك

لا تخلينهاتدري عن الي قاله طليقها عنها

وعياله صدق مسكين

انتي لاتدخلين في الموضوع احسن لك

وابعدي عنها

وادعي لها بالهدايه

وع العيال ابوهم ادرىبصلحتهم

اختك في الله00000000

الله يهديها ويصلحها