مشكلتي اهل خطيبي ..!

هلا حبيباتي ,,

والله كل كلامكم صح وكل كمة قلتوها انا عارفتها الانفصال هو مو حل ,,

بس انا مليت ,, يعني مليت من المشاكل كل مرة تصير مشكلة بينهم انا ادخل فيها وانا مالي شغل ..

انا اخذته برضى امه بس تصرفاتها من اول جوا اول مرة يتقدمون تبين انه هي كأنها مو راضية حتى هلي وامي قالو لي هالشي انه امه باين عليها مو مستانسة ومو راضية انه ياخذج ...

انا قلت يمكن نفهمها غلط بالاخص انه هي لها بنت متوفية من سنتين ومو قادرة تنساها وماتقدر تفرح بس ماتوصل لدرجة التصرفات الي توحي انها مو متقبلتني ..

يعني مثلا بليلة الملجة والحفلة تسوي حركات مثلا انها جت تسلم على خطيبي وتبوسه وتبارك له وتوقف تصور معاه وانا جنبه ولا فيستني ولا باركت لي ولا باستني !!! هذا تصرف بربكم ؟...

شغلة ثانية خطيبي مايدخلهم بمشاكلهم ولا يروح يقولهم اي شي اذا صار بينا بس هم لما يشوفونه متزاعلين يجون يتدخلون والا يبون يعرفون شنو بينا عشان يازعم يصالحونه وانا وخطيبي لما نتزاعل وااذا كان الغلط منه يجبروني انا اتنازل ويقولون لي روحي انتي اتعذري وصالحيه اقولهم هو غلطان بحقي لازم هو يجي يقولون ماعليه هو رجال ومادري شنو والى اخره من كلام في النهاية يجبروني اني اروح اصالحه ...

انا ماقول حق خطيبي كل شي يسونه فيني لانه اعرفه هو من النوع العصبي وبروح يتهاوش وياهم وانا مابي هالشي اصير لانه بكرهوني اكثر واكثر جدي ,, هم من غير شي لما يتهاوشون وياه لاسباب تخصهم يحطون الحرة فيني ويتهموني اني احرضه عليهم وانا والله ما احرضه ولا اتكلم عنهم بسوء ..

وانا هذي مو اول مرة والله يا خواتي مشاكل من قبل الخطوبة وانا كل مرة احاول احلها واقعد مع خطيبي واتفاهم وياه ويوعدني باشيا ويرد الشي يتكرر .. حاسة انه كرامتي مو محفوظة والله ومالي احترام في هالبيت ..

بتقولون خلي علاقتج رسمية معاهم انا لما اسوي علاقتي رسمية بروحون يشتكون وبقولون له اني مازورهم وماروح بيتهم لاني ماحبهم واكرهم !!

والله انا هذا ولا شي من الي يصير وياي ماقلت لكم عنه .. وانا من البداية مادخلت اهلي ولا كنت اشكي لاهلي احاول انا بنفسي احل المشكلة بس لما شفت الوضع قام ما ينطاق قمت شكيت لامي وهي نصحتني بالانفصال هو الحل الوحيد لانه هي عرفتهم وشافت حركاتهم من البداية وياي ..

بقولكم شغلة كل مرة تصير بينا مشكلة خطيبي يهددني بالانفصال ويقولي بروح المحكمة وبطلقج بذمتكم هذا وضع يستحمل ,, انا بتحمل اهله ولا بتحمله هو !!

بنت سالمين;6365667:

والله انا هذا ولا شي من الي يصير وياي ماقلت لكم عنه .. وانا من البداية مادخلت اهلي ولا كنت اشكي لاهلي احاول انا بنفسي احل المشكلة بس لما شفت الوضع قام ما ينطاق قمت شكيت لامي وهي نصحتني بالانفصال هو الحل الوحيد لانه هي عرفتهم وشافت حركاتهم من البداية وياي ..

بقولكم شغلة كل مرة تصير بينا مشكلة خطيبي يهددني بالانفصال ويقولي بروح المحكمة وبطلقج بذمتكم هذا وضع يستحمل ,, انا بتحمل اهله ولا بتحمله هو !!

اختي خلااااااااااص من راي انا الموضوع منتهي

مادام امك عارفه بالوضع و واقفة معاك و عارفه موقفك

و نصحتك

اسمعي نصيحتك امك و لا تتندمين طول عمرك

خصوصا مادام كلمه الطلاق خفيفة في لسان زوجك من الخطوبه

خلاااااااااااااااااااص

اغسلي ايدك منه من بعد الزواج

يعني هذا ما منه امان حراااام تضيعي عمرك مع انسان الطلاق لعبه في ايديه

و يتجاهل مشاعرك مايحس انك تتقطعين لما تسمعين هالكلمه

و انت صابره عليه و على اهله

حسبنا الله و نعم الوكيل

في امان الله