الاهمية ارجو الاجابة علي سؤالي

انا بالنسبه لي كلهم مثل بعض مافيه فرق بينهم وافضل الزواج من برا مابي اقارب

احب اكثر عمامي هم ربوني وعاشة معهم في بيت واحد واذا على الزوج اتمني الغريب افضل لكي نتجنب المشاكل

هو في العاده الخوال يكونون اقرب عشان الام تروح تزورهم على طول وتسحب العيال معاها خخخخخخخخخخخخ
يعني انا اللي اشوفه في العيله ان كل بنات عماتي على طول مع خالاتهم اللي هم عماتي ومايزورون اهل ابوهم
وبنات خالاتي نفس الشي اذا يعرفون اهل ابوهم زين بعد
اما انا فعندي الاثنين نفس الشي، قبل كنا انا وخواتي على طول في بيت اهل امي نبات هناك مع ان مافي احد الا احنا لان امي اكبر وحده في الاخوات
بعدين لما كبرت صرت على طول في بيت يدتي ام ابوي، من تصير اجازه اشيل ثيابي وطيراان هناك عشان بنات عماتي واولاد عماتي كلنا في نفس السن
بس حاليا ما افضل احد على احد، كلهم نفس الشي وعلاقتنا مع بعض مب قريبه بس ازورهم دايما
امممم اما عن الزواج فالحمدلله الحمدلله من صوب امي ماعندنا شباب اكبر منا او في نفس السن، اصلا كلهم بنات ماعدا جم واحد مظلومين وضايعين بينهم خخخخخخخ
ومن جهة ابوي كانوا 3 من عيال عماتي مخططين علي ههههههههه بس الحمدلله الحمدلله اثنين منهم تزوجوا وبقى واحد :eek: بس دريت انه شالني من باله، الحمدلله وبعد بقى ولد عمي لو يشوفني ما اتوقع يعرفني

بس كلشششششششش مابي اي احد من العيله، اصلا مافي احد منهم يصلح لي :shy:

كنت أتمنى يكون عندي خال ....

بس كل شيء قريب من الأم يكون قريب من القلب .....

وكل شيء قريب من الأب يكون قريب من العقل .......

سكارف أختي حلو موضوعج ... ولا عدمناج

انا احب عمامي وخوالي
بما اني البكر لكلا الاثنين صرت مدلله عند الاثنين
وصادقتهم لما كبرت والله لايفرقنا ان شاء الله

السلام عليكم
حبيبتي
بصراحة الأم لها دور في هذا كله

يعني الأم تحب أهل رجلها وما تغار من خواته وما تحقد على أمه صاروا العيال تبعها يحبون عمامهم وعماتهم

أما والله الأم نفسها خايسة حقود كنود على أهل رجلها لمجرد أن خواته أجمل منها أو أكثر تعليم أو موظفات ومعاهم فلوس ......... دنيا فانية ما تساوي عند الله جناح بعوضة
تلقينها تعبي عيالها على عماتهم وعمامهم وجدتهم وجدهم أهل أبوهم
بل وتمنعهم من الدخول عليهم وزيارتهم وتبدأ تلقن عيالها كرههم لدرجة أنها تلعب مع أصغر عيالها عمره سنتين وتقوله جده وع جدو وع عمه وع كما أخبرتني أخت من الأخوات فصار الولد يشوف عمته يدفها بيده ويقول لها وع
.
.
.
.
.

والأم العاقلة تعلم حق العلم إن عيالها مالهم إلا عمامهم وعماتهم لو مات هذا الزوج مين يتولى العيال شرعا العم
مين يزوج البنات العم بعد موت الأب أو غيابه ........

الخال والجد لأم شرعا ما يزوج ولو زوج يكون الزواج باطل لازم عقد جديد

حتى الميراث لو واحد من عيالك مات وعنده مال وليس له أبناء ولا أخوان يرثه أعمامه إلى آخر واحد من العصبة حتى لو كان ولد ولد ولد ولد العم
وللعمه والجدة لأب الحق في حظانة العيال إذا ثبت أن الأم غير مؤهلة لذلك دينيا أو سلوكيا

لكن النساء ناقصات العقل والدين لو كنت كاملة العقل أو عندك ذرة من الفقه في الدين لعرفتي أن مالك في النهاية إلا ها الجدة الي ناصبتيها العداء بدون سبب وكذا مالك إلا العمه الي حقدتي عليها بدون سبب غير أنها أجمل منك وتطبخ أحسن منك ومعاها فلوس أكثر منك
.
.
فعليكن تقوى الله والأيام دول غدا يفعل بك كما فعلتي بأهل زوجك

هل عرفتم السر ......... سر محبة البنات للخال أكثر من العم !!

طبعا انا عكس الناس بحب اعمامي اكتر لانو خوالي بعيدين ما بنشوفهم الاكل سنتين تلات