ابغي حل في موضوع الاخت uae-moon 44 للضرورة

اهلين اختي ام الحسين 55.......... الحمد لله انك ارتحتي الله يبارك لك برزقك يارب........ و ماتنسينا من دعواتك الله يفرجها عالجميع

يالله تصبحون على خير

خواتي الغاليات

أنا مسافرة يوم اليمعة بإذن الله تعالى

بتاريخ 20 - 6 - 2008

وبرجع عقب شهرين إن شاء الله

المهم يالغاليات

اتوكلن على رب العالمين

وإن شاء الله ما بيضيع حق وراه مطالب

والتمسن لأم سهيل العذر

هي وعدتنا أنها بتوزع الأرباح قريب

لأنها خبرتنيه بمسج على التيليفون .. أنها الأمور بتتيسر قريب إن شاء الله



شي ثاني يالغاليات

بما أني ما بكون موجودة

عندكن أختي الصغيرة .. نسيت اسمي

هي متواصلة وياكن من خلال الموضوع والرسايل الخاصة

وإن شاء الله خير


دعواتكن لي يالغاليات

أروح وأرجع بالسلامة

وإن شاء الله لين أرجع

اتكون الأمور انحلت

لأنه الوالد الله يحفظه ويحميه حاط مبلغ كبير

وهو مريض أساساً وقلبه دوم تعبان

الله ايشافيه وايعافيه ويحفظه لنا يااااا رب


وإن شاء الله كل وحدة ترجع لها فلوسها + الأرباح


وبالنسبة لنا .. لنا راس المال + أرباح شهر 4 + 5 + 6 .. ولين أرجع

بينضاف لهم شهر 7 + 8


وإن شاء الله خير

تروحين وترجعين بالسلامه حبيبتي .. والله يشافي الوالد

الله يسمع منج عفاري

تسلمين فديت روحج ع الدعوة الطيبة

وإن شاء الله يا رب نوصل لحل يرضي الكل....

ملكة الحسن المصممة;6341240:


و انا سبق و تكلمت مع ام سهيل و سألتها سؤال واضح هل لك نسبة

قالتلي لا والله مالي نسبة أو ربح ان الي تحط فلوسها اي مربح يجي كامل لها على قد فلوسها

ختيه... معقولة وحدة تشتغل ولا تاخذ نسبة؟؟؟ وين صارت هذي؟؟؟

أنا قالت لي إنه أكيد لها ربح..

ولا شو اللي يخليها أصلا تراكض من مكان لمكان...

يعني قالت اذا انتن تربحن هالمبلغ انا اربح اضعافه

أختي نسيت اسمي ممكن ايميلج

روما نوف تروح وترد بالسلامه

والله يشافي الوالد

و الي تقول انها مالها نسبه محد في هذا الزمن يسوي حق حد شي

بدون ما يستفيد

وهي لو قالت صبروا علي ما عليه احنا بنصبر

بس هي ناكره انه لنا حق عندها

السلام عليكم ورحمة الله وبركاته...... وصبحكن الله بالخير

اختي رومانوف تروحين وتردين بالسلامة...........والله يشفي لكم الوالد ويطول بعمره يارب

بنات بتصل على ام سهيل وتلفونها مسكر ؟؟؟؟؟؟؟؟؟؟؟؟؟؟؟؟

و انا سبق و تكلمت مع ام سهيل و سألتها سؤال واضح هل لك نسبة

قالتلي لا والله مالي نسبة أو ربح ان الي تحط فلوسها اي مربح يجي كامل لها على قد فلوسها



اختى عشان تعرفين كم هالانسانه متناقضه بعضمه لسانها والله العظيم قالت لى انها تستفيد من فلوسنا واكبر شهاده على هالكلام هيه كاتبه في موضوعها ضاعفي نقودك لو حاولتى ترجعينه موجود في النت عند ابحث بتلقين في الصفحه الاولى للموضوع هيه كاتبه ولى نسبه من البيع 50% يعنى بشهادتها كيف اتقول مالها نسبه بالعقل حتى
الاخو ما يخدم اخوه ببلاش هالزمان الحين هيه ماتعرفنا بتخدمنا ببلاش ليش ؟؟؟؟؟؟؟؟؟؟؟ والغريبه انكم مصدقين هالكلام .............. كلام ما يدخل العقل
وبعدين كانت تعطى كل شهر اكيد لان ما كان عبدالقادر يقصر بس مشكلتها مب طايعه تعترف انها معاه بعد مانكرت هالشئ
من طاح شهر 1 طاحوا العالم كلها معاه واللبيب بالاشاره يفهم
والى بعدها مب مصدقه بيي اليوم وبتصدق لكن مافي شي يتم مبهم للابد الحقيقه لابد ما تظهر في الاخر

bent-zayed;6342575:

السلام عليكم

خواتي انا عندي اقتراح بس مااعرف شو رايكن

ليش ماتوكلون محامي او مكتب قانوني يشوفلكم حل لاني شايفه انتوا اكثر من 20 بنت

واتعاب المكتب او المحامي راح ينقسم على الجميع بالتساوي نسبه وتناسب

والشخص الموكل عنكن او المحامي راح يسوي كل شي راح يروح للحرمه ويكلمها بالموضوع
ويتابع معاها الامور المتعلقه بالارباح وكل شي تقريبا

ويكون كل شي قانوني عن طريق المكتب وراح يتابع لكم الموضوع في الجهات الحكوميه ان استدعى الامر

لاني شايفه في بنات معاكن مشاركات من خارج الدوله والمحامي راعي ييبلكم حقكم بالطرق
القانونيه على الاقل وهو الشخص الوحيد الذي لديه كل الحلول

وان شاء الله تنتهي المشكله

صحيح اختى حلج مناسب جدا بس قبل كل شئ
احنا كنا ناوين نشوف كم بنت من الثقات يروحون صوبها البيت ويتفاوضون معاها ويشوفونها ناويه ترد البيزات بالطيب كان بها ما رضت مافي حل غير المحامى والكل بيوكل نفس المحامى افضل

خواتى خلنا نطلح بحل ارجوكم ارسولكم على بر

الهاجرية 99 و نسيت اسمي ما ساروا ؟؟؟؟؟؟؟؟؟

عفروه;6342800:
الهاجرية 99 و نسيت اسمي ما ساروا ؟؟؟؟؟؟؟؟؟

نفس السؤال خواتى متى ناوين تروحون ؟؟ لان اذا مافاد هالحل نشوف المحامى

خواتيه....

اختنا الهاجرية قالت إنها بتروح ع نهاية الأسبوع

بس أنا قلت لها ما تحط الموعد ع العام عشان يمكن أم سهيل تتجنبها في هاليوم وتطلع من البيت

صح ولا لأ؟؟

فالأفضل تكون مفاجأة للطرفين

وكل يديد بتعرفون عنه بإذن الله

bent-zayed;6342911:

خواتي ارجوا ماتفهمون كلامي غلط انا ماقلت لكم اشتكوا ع الحرمه او اسكتوا عن حقوقكم

بس شايفه اموركم مخربطه ويبالها ترتيب وحلول قانونيه

وثاني شي في بنات يطالبن بارباح شهر 1 - 2- 3 ومااستلمن

وفي بنات استلمن ارباح شهر 2-3 وفي بنات يطالبن براس المال

والبعض الاخر استلم راس ماله ناقص

بس اعتقد المحامي او المكتب القانوني المعتمد راح ياخذ كل اوراقكم وراح يروح للحرمه ويشوف الحلول الممكنه وراح يوافيكم اول باوول بالاخبار

وفي حال رفض الحرمه لطلباتكم راح تكون في حلول قانونيه والمحامي ادرى فيها

وكفي الله المؤمنين شر القتال وانتهت المشكله ومافي شي بيضيع ان شاء الله

كلامج صحيح ومب عيب الواحد يطالب بحقه باى طريقه يشوفها مناسبه دام انه التفاوض مب يايب نتيجه بس قلنا نجرب كل الحلول عسا الله يهديها وترد الفلوس بدون شوشره واذا تمت مصره تنكر المحامى والقانون الحل الوحيد

ولى تقول عندها عيال وما تبون لها الفظايح والله خواتى حتى نحن ما نحب الفظايح و محد يحب الفضايح بس اذا هيه ما ترد ولا تتجاوب معانا شو الحل نتحمل نحن المشاكل والمديونيات ؟؟؟

بنت زايد ما قصرتي الغلا

بس نحن كثر ما نقدر نحاول نحل الموضوع ودي

وإذا شفنا ماشي تجاوب ذاك الساع يحلها ألف حلال

نسيت اسمي:(;6342990:
خواتيه....

اختنا الهاجرية قالت إنها بتروح ع نهاية الأسبوع

بس أنا قلت لها ما تحط الموعد ع العام عشان يمكن أم سهيل تتجنبها في هاليوم وتطلع من البيت

صح ولا لأ؟؟

فالأفضل تكون مفاجأة للطرفين

وكل يديد بتعرفون عنه بإذن الله

والله كنت بقولكم نفس هالكلام احسن تون في يوم غير متفق عليه وتراها الحق حق ما بقدر تتهرب منه

بطاريتي فضت...

بروح أرقد... ههههههههههههه

وإن شاء الله ألين ما أقوم يكون في جديد إيجابي في الموضوع

وحبيت أشكر كل وحدة سألت عني يوم حظروني.. ولو إنها متأخرة..

بس كنت أتريا لمتكن... :)

هي أحينه لو ترد ع اتصالي.. بخبرها إنها أقل شي تعطينا جيك أو عقد موثق من مكتب محاماة...

بس هي الله يهديها ما ترد

والقضايا تاخذ لها سنوات... من جيه نبا نحاول وياها ودي...

لأنه شي بنات بيوتهم بتخترب لو يتريون شهر زيادة...

فعشان جيه لازم نحاول ودي بهالطريقة وبعدين خير..

نسيت اسمي:(;6343070:
هي أحينه لو ترد ع اتصالي.. بخبرها إنها أقل شي تعطينا جيك أو عقد موثق من مكتب محاماة...

بس هي الله يهديها ما ترد

والقضايا تاخذ لها سنوات... من جيه نبا نحاول وياها ودي...

لأنه شي بنات بيوتهم بتخترب لو يتريون شهر زيادة...

فعشان جيه لازم نحاول ودي بهالطريقة وبعدين خير..

قضيتكم ماتاخذ سنين اذا كثرت شهر بالكثير وراح تنحل ودي

سالي وتخبري وبتعرفين شو السبب (y)

عفروه;6342800:
الهاجرية 99 و نسيت اسمي ما ساروا ؟؟؟؟؟؟؟؟؟

حبيبتي راجعي الردود احنا قايلين بالخميس