مصدومة في زوجي

الريال مهما عمل فى النهاية يرجع لبيته و عياله خصوصا اذا زوجته كانت صايناه و محافظة على بيته و ما عليك الا بالصبر و لا تواجهيه بما فعله و اطلبى له الهداية من الله فهذه ستكون نزوة يمر بهاعادة معظم الرياييل فى فترة من اعمارهم و ما علينا نحن الزوجات الا ان نغفر لهم نزواتهم من اجل ابناءنا. و واضح من كلامك انك اصيلة لانك ما رضيتى اى كلام عن زوجك و انشاء الله سيعود لك زوجك عندما يجد ان ما يفعله انما هو اساءة له و لعائلته.

نونا..ادري بك قلتي اللي قلتيه عشان مقهوره علي بس شسوي ياختي والله فاهمتك بس بعد مارضى عليه بينا عشرة ماتهون علي.

الله يهديه وعساها نزوه وتعدي

S4ever ... ليش هالكلام ياختي

لا ابيك تصفقين ولا شىء ... بس التعاطف شىء والسب شىء ثاني...انا ممكن اتعاطف مع انسان باني اقترح عليه حلول...لان السب مب جايب نتيجه...يعني لو سبيته بتنحل مشكلتي؟؟؟؟

وبعدين مهما كان ... هو زوجي ولا ارضى حد يقول عنه كلمة مب عدله

احنا اليوم مختلفين ومقهوره منه...لكن بكره باذن الله نتصالح ويهديه ربي لي ...فمش حلوه اني اتقبل ان اي حد يسبه

فاهمتني؟؟

شكرا لمداخلتك

ساره...مشكورة اختي كلامك مقتنع جدا..الله كريم

تولي...دعاء جميل انشاء الله احرص على الدعاء به في كل وقت

آمين

لجميع البنات اسفه اذا مارديت عليكم وحده وحده بس من جدا متضااايقه حدي

ادعولي

أنااا حاسة فيج لأني مريت بنفس التجربة ،،
أهم شي اتقولين حق اي شخص من هلج عشااان ما يدخلون ونفس الوقت المرة ما ترضى على ريلهااا وماتبي أي أحد ياخذ عنه فكرة سيئه ،،
حلي مشاااكلج بنفسج أحسن لج ،،
وثاااني شي وواجهييه بالللي صااار وأسأليه لييييييييييييييييييييييييييش؟؟؟؟
وخليه يندم على اللي سواااه ويخلي صورتج دايمااا جداام عينه عشااان ما يكرر الغلط،،

وسااامحيه لأنه الطلاق مب حل ،،وأنتي اتحبين ريلج كل انسااان يغلط ،،
بس أهم شي مااا يكرر الغلط ،،
أنااا سامحت ريلي مع انه كرر الغلط مرتين بس المرة الثاااانية لمااا واجهته عطيته كلام جارح ويذبح والله انه مااا يحط عينه في عيني وصاااااح أول مرة اشوووف ريلي يصيح لأنه خاف انه يخسرني ومااا أسااامحه والحين يدور على ارضاااي ويسويلي اللي ابيه ،،

والله يعينج على مااا بالج صج صعب والمشكلة صعب انج اتنسين ،،

زوجة مجروحة;6351855:
والله يا بنات مب عارفه شقول لكم

اشكركم على ارائكم...طبعا اتفق مع بعضها واختلف مع بعضها...على حسب ظروفي وطبعي وطبع زوجي بعد

يعني فيه حلول تنفع وفيه حلول استبعدها

انا حاولت كا اواجهه بس ماقدرت :( لان القهر ذبحني ونفسيتي صارت في الارض...وحالتي حاله

لا ليلي ليل ولا نهاري نهار

انا واجهته ب جزء من التصرفات اللي شفتها عليه..وماقلت له الباقي قلت بشوف هو بيتكلم او لا

وطبعا طلعني غلطانه

طلعني مريضه وشكاكه...والدليل اللي كلمته عنه...قالي عليه سالفه ماتدش عقلي...يعني طلع هالدليل انه مب له وحق رفيجه وانه ماله علاقه بهالموضوع

طبعا انا سويت نفسي مصدقته وفي نفسي اقول يمكن صادق...بس بعد اشك بالموضوع لانه مادخل راسي

المهم ...عاتبته واعتذر مني

بس للحين في اتصالات بينه وبين وحده ماقلت له عنها

ابي اراقيه واشوف اخرتها معاه

هل شىء عابر؟؟ او فيه علاقه بينهم

اتمنى تكذب تظنوني

اتمنى اطلع ظالمته

بس بعد ناوية اشتغل على الناحية الدينية والاخلاقية في زوجي

لان احس ان هذا الحل

مهما سويت مراح اقدر امنعه من الغلط الا اذا كان بيعصم نفسه بنفسه

ياما رجاجيل حريمهم مافيه مثلهم ويخونونهم

ترى مب شرط اكون مقصره بشىء عشان يشوف غيري ويتعرف على بنات

فيه رجاجيا مهما سويتي لهم...مايحمدون ربهم....يدورون اللي ناقص بس ويمسكونه عليج

والله لو ذبحت عمري...ادري بيطالب باكثر واكثر

واحنا؟ يرضينا اقل القليل

الله كريم والله يعينني

انا ببتدي اكثق قراتي للقران والدعاء بالليل والله ينصفني ويهديه لي

شاكرة لكم يابنت على تعاطفكم معاي

واللله نفس حالتي اي شي كنت أصيد عليه يقول حق ريعي مب لي ،،
واناااا اصدق ،،
ومب شرط امقصره ،،
الرياااايل لازم يخووونون نزوة واتعدي ا شاااء الله ،،

زوجة مجروحة;6352391:
بنات...ارجو منكم في التعليقات على موضوعي عدم الاساءة لزوجي باي وصف مهما كان

ادري بتقولون انتي قايله انه خاين وخداع...اقولها من حرقة قلبي وحرتي بس مارضى حد يقول عنه اي وصف يسىء له

صج احنا في منتدى باسماء وهمية ولاحد يعرف حد

بس بعد مارضى حد يوصفه بوصف سىء مهما كان

كنت ابي افضفض لكم....وابي اسمع مقترحات وحلول...بدون ماتسبونه او حد يقول عنه ناقص ومدري شو...ترى مارضى عليه فرجاءا لاحد يعلق بهالاسلوب نهائيا


شاكرة لكم

عجبتيني انج اتدافعين عن ريلج ،،
صج المرة ماا ترضى على ريلهاااا ،،
ومااافي انسااان معصوم من الغلط ،،
والله يهديه ويهدي ريااايللنااا ،،

R&A;6329640:
عزيزتي

حطي في بالك قاعده

(ما احب الله عبداً الا ابتلاه)

و كل مشكله ان شاء الله لها حل

طبعا الاخوات ماشاء الله عليهم ماقصروا معاك في الردود

انا راح اقولك لك راي في الموضوع وشوفي الكلام

اول حاجة ابغاك ترتاحين بعد ماكتبتي هذا الموضوع و الاخوات كلهم وقفوا معاك

لاني خايفة انك تنفجري مره وحده في وجه زوجك إذا جلستي و انتي كاتمه حالك

و ردت الفعل هذي مانبيها الحين

ترى كثيرررررررررررررر من الرجال كذا و بذكاء الوحده و فطنتها تقدر تعدله و تمسكه بإذن الله

لازم تكوني قوووويه ترى الحياه كلها صعوبات

و حطي في بالك كونه يكلم بنات و يعطيهم فلوس مو معناته انه مايحبك او ماهو خايف يخسرك حتى

مهما كان حطي في بالك ان انتي الوحيده في قلبه و البنات اللي يكلمهم مهما كان هم **** في نظره

طيب

الحين نتدرج في الحل

اول حاجة

كثري من الدعاء و الصلاه و قرات القرآن

و تقربي من الله اكثر و اكثر و خلي زوجك يلاحظ هذا الشي

عشان هو برضو يتقرب من الله و الله يهديه

قال تعالى : {الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ إلا بِذِكْرِ اللَّهِ تَطْمَئِنُّ الْقُلُوبُ} (الرعد:28)

ثاني حاجة

مشكله الزوج ان عيونه زايغة هذا ماهو نقص و عيب فيك ولا معناته انك مقصره معاه في شي ابدا

بس مشكله معظم الرجال ان عندهم ادمان مايفكرون و مايخافون الله

و في العاده الزوجة المثاليه هي اللي زوجها تكون عيونه زايغة و يروح للـ**** اللي يعطوه وجه و هو يصدق حاله

و يحسب نفسه انه مرغوب و محبوب و مطلوب و يأخذ في نفسه مقلب انه فحل

و خصوصاً إذا كانت الزوجه تدلعه كثير خلاص يصدق حاله

بما ان زوجك هذي اول مره تكتشفي انه يخونك

انت لازم تتصرفين و تأخذين موقف عشان يحط لك الف حساب

اول حاجة انتي لازم تغيرين فيك اشياء كثيره لازم تتجددين

غيري لبسك غيري كلامك غيري في طريقة مزحك و ضحك يعني سوي عكس الاشياء اللي كنتي تعمليها من قبل

خليك مفرفشه خليك بنوته كثري من لبس الالون الفاتحة و الاكسوارات ارجعي كانك لسه ماتزوجتي

و خليه يلاحظ التغير عليك

إذا كنتي من النوع اللي تسمعيه على طول كلام حلو و طول جالسه في وجهه غيري

تغلي عليه تدلعي عليه حسسيه انه ياحظه انه تزوجك

قللي من اهتمامك الزايد فيه بس خليكي كاشخة و رايقة و جذابه

شديه لك بهذي الطريقة

و مهما يكون لازم بيتغير

_______________________________

مثل ماقالت لك اختي بنت شيوخ كلامها عسل والله

جيبي له طاري سوالف ازواج خانوا زوجاتهم و ان حياتهم انتهت و ضاعت

و سمعتهم طاحت في الارض و خسروا الحياه الكريمه

و كيف ان الشاب اللي يعرف بنات لو يروح يخطب ماحد يرضى يعطيه بنته

و كيف ان القرآن حرم الزنا

و اعطيه من هالكلام حتى لو كنتي تخترعي من راسك

قولي له كيف ان بعض البنات يلعبوا على الرجال و يسحبوا فلوسه على مكالمات و على هدايا و على خرابيط

و بعدين يرفسوه و يلعبوا عليه و على عشره في نفس الوقت

بس

المهم في الموضوع

لا تكثري له في هذي السوالف ولا تحسسيه انك تناقشيه ابدا ولا انك جايه تأخذين رايه

و خليه يحس انك مصدووووووووووووووووووووووووومه حدك كيف واحد متزوج محصن يتصرف بهذي الطريقة

خلي لون وجهه يصير قوس قزح

و برضو تكلمي ان في بنات كثير تنتقم من الرجال و تنقل لهم امراض مثل الايدز و الكبد الوبائي

و ترى في النت في قصص كثيره

و إذا كنتي ترسلين له رسايل على ايميله طلعي هالقصص وارسيليها له على ايميله

مابين فترات بس مثل ماقلت لا تحسسيه انك توعظيه لان الرجال مايحبون الوعظ و النصايح

_____________________________

شي مهم جداً جداً جداً

لا تخلي عنده فلوووووووووووووووووووووس

ابدا

احرقي فلووووووسه حراق خلي من بداية الشهر اشتروا اغراض للبيت و ادفعوا الفواتير و انتي تسوقي

و شوفي كم بقى عنده و خلي عنده مبلغ بس للطوارئ

و إذا فاتوره جواله تجي كثيرررررررررر علقي قولي ليش كذا يعني انت ما تكلمني كثير ولا تستخدم جوالك كثير

روووووووووووح راجع شركه الاتصالات خليه يحترق

عشان ما يخسر على المكالمات و انه يصرف عليهم

اي وقت بطريقة مزح و خفه دم

خذي جواله و اتصلي على اهلك امك اخوك ابوك

اسمعي النغمات اللي فيه

يعني لا تعطيه الحرية التامه في الجوال

و إذا علق

او قال استخدمي جوالك

تصرفي مثل الاطفال العبي اسكتي و اضحك او امزحي او قولي انا الغاليه و مايغلي علي جوال الغالي

ماعندي شحن او الحد الائتماني او نسيت جوالي او جوالي معلق

يعني بالعربي لو يعطيك كلام جارح انتي خذيه بمزح و عطيه مزحة قويه و امشي و تمايعي قدامه

يعني لا تزعلين

بس جواله عاااااااااااادي اي وقت تمسكيه و تستخدميه عشان يخاف

و يا حبذا بعد يوم من الايام يروح العمل و ينسى جواله في البيت عشان يعيش في رعب

غير عن سالفة الجوال

شوفي متى الاوقات اللي يكلم فيه ***** و حاولي في هذي الاوقات تشغليه فيها

مثلا في الليل لا تعطيه مجال ابدا

و في بعد شي مهم

راح ارسل لك رساله خاصة ماينفع اقوله هنا

هذا اللي اقدر اقوله لك الحين

جربي معاه هذي الاشياء مبدأياً وشوفي كيف التغير اللي يصير

و لو ما نفعت راح نجرب حاجات غير

بس ياليت تذكرين لي وش هي الادله اللي عندك عشان نقدر نستفيد منها الحين

و نعرف نسمه بها

في امان الله

ما شاااااء الله عليج كلام حلووو ويشرح القلب ،،
وأفكاارج حلوة ،،

حبيبتي مجروحه طمنينا شو صار معك
لاتكوني كلمتي اهلك ولا اهله انتبهي يا مجروحه لاتتهوري
انتي انسانه صبوره
والصبر مفتاح الفرج
الله يوفقك ويسعدك ويحنن زوجك عليكي
ويارب الله يعمي زوجك عن كل بنات الحرام ويزينك في نظره ويرجع لعقله ويارب حياتك مع زوجك ترجع متل فتره الخطوبه واحلى
طمنينا عليكي ياغاليه
وانتبهي على نفسك وصحتك و ربنا يصبرك ويثبتك في بيتك يارب
قولي امين

زوجة مجروحة;6322781:
مدري شقول والا من وين ابتدي؟

زوجي اللي اطالع الله واطالعه...طلع خوان وخداع

السلام عليكم ورحمة الله وبركاته
حبيبتي حبيت انبهك اولا .. لا يجوز انك تقولي ( أطالع الله و أطالعه )
لانها مقوله فيها شرك ...
قولي ( ثم ) لأنها تفيد الترتيب مع التراخي
أما ( الواو ) فتفيد الجمع
ولا يجزو أن نساوي بين الله والمخلوق أبدا ..

أنتبهي حبيبتي ترا ذنبها مو بسيط ...


أما بالنسبه لمشكلتك أسأل الله أن يفرج همك وهموم المسلمين ويبدلك بدل الجزن فرح وسرور :)
أتوكلي على الله انه يحل لك هذه المشكله فمن توكل على الله فهو حسبه ... ثقي بهذا تمام الثقه واليقين
أستغفري كثييييييييييييييير كل يوم كل يوم ...
يجعل الله لك من كل هم فرجا ومن كل ضيق مخرجا ... باذن الله تعالى
كوني مع الله .. والله معاكي ان شاء الله ... ما تخافي ياقلبي

اختك .