لحقو علي خواتي حاله غريبه تصيب ولدي وقت النوم

السلام عليكم ورحمة الله وبركاته

خواتي الغاليات اكتب لكم هالموضوع في الفجر والسبب انه صرت ما انام من خوفي على ولدي عمران عمره 4 سنوات لاحظت عليه

من كم اسبوع طول الليل صاحي وما ينام عنده ارق وحركات لا اراديه غريبه كأنه ما يكدر بتنفس

لثواني ويريجع لطبيعته او يعمل حركه سريعه لا اراديه في كل جسمه وطول الليل صاحي وما ينام

الى لما يطلع الشمس وترجع هالحاله كل دقيقه او دقيقتين قبل كنت اقول يمكن لأنه مو تعبان

عشان جي ما يكدر ينام والحركه هذي كان على بالي انه يلعب بس لما دققت شفت انها لا

اراديه وتتكرر طول الليل معاه وما يكدر ينام وينام في غرفته مع اخته مريام سنتين

و كان ينام في الليل من 7 الليل ليوم الثاني 7 الصبح واذا قام كان يقوم للحمام (اعزكم الله)

ويرجع ينام بس هذا المشكله بدأت معاه من جديد وخايفه لدرجة الموت انه هالحركه اللي تصيبه

بالليل هل هي نوع من انواع الصرع ؟

ان شاء الله اعمل له فحص واخذه للدكتور بس اريد اتطمن و اعرف شو هي هالحاله ايش سببها

وليش تصير لولد عمره 4 سنوات وسليم وما عنده اي مرض جاوبوني الله يخليكم اذا تعرفون او

عندكم اي خلفية عن هالحاله لأني فعلا مو عارفه كيف اوصفه