شسويتي حق حفله عيد ميلاد ولدك؟

خيو ماعندي افكار بس مارة جذي مسامحة

http://www.3roos.com/forums/t300659.html

شوفي هذا الرابط جعفرية شمسوية حق ذكرى ميلاد ولدها وان شاء الله تستفيدين

انا عن نفسي عيد ميلاد ولدي بعد 9 ايام

و راح اجيب وحدة تسويلهم رسم على الوجه و عرض بالونات و توزيعات حلاو للصغار

بالتوفيق

انا مسويه هدايا حق الصغار بس ابي اسوي لهم مسابقات ماعندي افكار

غير لعبه الكراسي مالت اول و بعد سويتها العام ابي شي جديد يفرح اليهال

و بعد مثلا الوقت اللي لمن الضيوف توهم يجون و طبعا بيكونون الامهات يعني كبار شسوي لهم قبل ماتبدا الحفله

مو معقوله بيكونون قاعدين ساكتين لازم في شي في نشاط نسويه

عاد يالله افكاركم عشان بعد الحفله انزلكم صور الحفله اذا طلعت مضبوطة :)

انا من استوى ولدي ناوية اسويله حفلة بس استوت ظروف ماقدرت،،،
هذي هي الأشيا اللي بغيتها
1) رسم ع الوجه
2) لعبة نطاطة(شكل زرافة أو قلعة)-ممكن تستعيريها
3) حصان صغير(بوني)-ممكن تستأجريه
4) توزيع حلويات ملفوفة بشكل حلو وغريب
5) توزيع هدايا للجميع
6) عمل فريقين: لمسابقات شرب العصير -الكراسي-لصق ذيل الحصان-شد الحبل-فريق يشرح الشئ و الثاني يخمن
6) توزيع هدايا للفائزين في المسابقات
وعسى تفيدكم و ادعولي اني أسويها لولدي مقلما تمنيت هو الحين 4 بس كلمرة اسوي شي بسيط وعائلي

من جم يوم رحت عيد ميلاد طفلة
انه بالعادة ماعندي خبرة بهالسوالف بس بقول لج شنو سوو
العيد ميلاد بسيط بس زين
المكان ان مزين تعدلت اهي وبنتها
شغلت للطفال اناشيد تبع الاطفال وقعدوووا يرقصون
وعطت الاطفال قبعات وهدايا ووزعت اكل على الكبار

انه لحين ماسويت لعلاي عيد ميلاد ويليت البنات يفيدونا اكثر

اختي في الوسيط لهذا الأسبوع اعلان عن متعهد حفلات عيد ميلاد ممكن تاخذين منه جهاز النفيشpopcorn وجهاز شعر البنات او الساحر اييكم اعتقد الساعد 30 دينار وانتي ماتحتاجينة اكثر من ساعه وعندج بعد بوني والبيت الهزاز

واذا تبينه بسيط انا عادةً اشتري هدايا للمعازيم الأطفال واحطهم في اكساي كل كيس فيه دفتر رسم والوان وكبوس وصفارة او صواوة (عاد انا لهجتي بحرينيه:D) و نظارة ورق او عادية بلاستك وسيارة صغيرة او لعبة

غير هدايا المسابقات الثقافية والألعاب واسغل لهم سي دي اغاني اطفال
واجيب عشا صحون انا دايم اخذ من السعفة والكيكة من سعد الدين

بالنسبة لي في عيدميلاد حمادة

أول شيء كانت الحفلة يوم عيد الأم فشريت روز وصممت بطاقات مناسبة ووزعت الورد على الأمهات

سويت الهدايا اللي تتوزع أنواع الصغار كلش الجيسة المعتادة اللي فيها نفاخة وصفارة ونظارة ولعبة الفقاعات إلخ ، البنات الكبار شوي دفتر تلوين فتاة الفراولة مع الألوان وملصقات والأولاد نفسه سبايدرمان " من 5 دوائر بــ 200 فلس "

وسويت هدايا بعد للصبايا اللي في المدارس والجامعات ... مسابقة يا زعم طبعت بطاقات صغار كلش فيها اسماء وصورتين لحمود اللي يطلع له اسم حمود له هدية وهديتين أكبر يا زعم للي يطلع لهم الصور ... بس عشان محد يزعل كان في هدايا على عدد الجميع واللي طلع لهم اسم غير خليتهم في النهاية ياخذون بطاقة ثانية .. وكانت الهدايا بسيطة طبعاً ميداليات ، كردت أبو دينار ، شيلة إلخ

وطبعاً غير زينة المكان حطيت صور حمود على الرفوف من لما كان صغير لآخر صوره وقتها ، ومن غير ما أعرف اختي سوت بروجكت للصور " لمراحل حمادة " وعرضته على تلفزيون الصالة مع أغنية العيد ميلاد

أنا اللي فرح الصغار أكثر أن الحفلة كانت في حضانة براعم الحسين " بس مو الصبح العصر ومو لأطفال الحضانة ولدي مو في الحضانة " فطبعاً كان في ألعاب ومكان مفتوح يلعبون فيه ... أنتين ممكن تجهزين لهم حجرة ثانية تحطين فيها ألعاب بسيطة ينشغلون فيها

وأخذت الوجبات من الجميع " ما أذكر عدل بس كأن بيتزا + سمبوسة + ورق عنب + لبنة + سندويتش طعمية + سبرنق رول جبن اللي فوقه زعتر والسعر كان للوجبة 525 فلس " وبنت حماي سوت لي مكرونة ، والكيكة من أم حسام فروت أكبر حجم + كاكو أصغر حجم بــ 35 د.ب أو 37 ناسيه .

هذا اللي أذكره وأتمنى اكون افدتش

نسيت بعد :

في أرنوب في الأنوار بدينار اللي وياه صابون وينفخ ويطلع فقاعات بروحه ، هذا ما نستغني عنه في كل العيدميلادات واجد الصغار يفرحون عليه ويعطي جو

وعندنا بعد مكينة الفشار البيتية الصغيرة كلش " أختي ماخذتها من جيان من زمان " كأن بــ 4 ونص " يحبون الأطفال يطالعون الفشار وهو يستوي فيها يستانسون عليه وهو يتقافز خخخخخخ

ماشاء الله الأخوات ماقصروا.. الله يبلغج فيه..

أنا سويت لولدي حفلة قبل أسبوعين بمناسبة نهاية السنة الدراسية وميلاده بالمرة مع إن باقي عليه وايد...
المهم كيس الهدايا حطيت فيه بالونة وحلويات وحطيت الصابون اللي يطلع فقاعات ، والهدية الرئيسية DVD فيلم النحلة وايد أستانسوا عليه الياهال.. وأنا كنت مسويتها السنة اللي فاتت والكل عجبته والصق عليه ستيكرز فيه أسم ولدي وعبارة Enjoy the movie... شرايح بالفكرة؟؟؟

أي ذكرتني أم عبدالله

الأسبوع اللي فات كان عيدميلاد بنت أختي وكانت التوزيعات لكل بيبي " بس أولادنا أولاد خواتي وأخواني الحفلة كانت خاصة لنا بس " هدية تناسب عمره وللأم سيدي فيه صور طفلها اللي عند أختي من لما كان صغير لليوم في الأعياد والجمعات والمناسبات ومع السيدي رسمة لصورة حلوة في السيدي ... هو مو رسم رسم شفتي الصورة اللي تكون في ألبوم صحاري للخطوبة والزواج كأنها رسم بس هي بالفوتشوب ومنقية وتبان كرسم بالرصاص

مــا شـــاء الله حلـــوة الأفكـــــــــــااار...

ممكن تجيبى كلون ورسم على الوجه وممكن تعملى مسابقه اسمها الكنز المفقود وتكون مجموعه من القصص اوالهدايه الى تحبها الاطفال واول ما يجى طفل تشرحيله اللعبه او المسابقه او ممكن تحطى اوراق انها الكنز ومين يجمع اكتر ياخدهديه تبعن تخبيها هده ادا فيه حديقه اما انا سويت حفلة ولدى عادى فى ماهى اطفال ووزعت عليهم الكروت تبع اللعب واغانى اطفال واهدايه لاطفال كانت الالعاب وحلوه وبس

حلووووووه افكاااااركم