السلام عليكم ورحمة الله
المشكله تخص اختي الصراحه اللي اصغر عني حسيت عمري مش قادره اساعدها رغم كل محاولاتي ..اسمحووا لي بطول عليكم لكن جد ابا القى حل لموضوع الغاليه
بالبدايه بقولكم مواصفات اختي عسب تساعدوني بالحل اكثر
اختي وحده طييييوووبه وايد وحنوونه واحن عني بوووايد انسانه حالمه جداااا,,ما تفكر بالشكليات ولا المظاهر ولا تعقيدات الحياه تعيش حياتها ولا تحب تضر حد
تقدم لها وااحد من الدوام طبعا عقب ما اعترف لها بحبه والريال كلمني انا اولا يوم سرت لها الدوام
الريال والنعم فيه الكل يمدحه قد كلمته ويتصرف باسلوب اكبر من عمره تفكيره نااضج
صح انه عصبي شوي
قال لي كل شي عنه ظروفه وحياته قبل والله يابنات ما اقص عليكم قال كل شي كل شي حتى الاشيا اللي ماتنقال يعني كلام ما يقوله ريال لحرمه بيأخذها عن حياته قبل وهذا الي كبره بعيني اكثر سألت اختي عقب اذا قاييل لها هالاشيا قالت هيه واشيا ثانيه بعد يعني انسان صريح وما يحب يتظاهر ويخلي الواحد ع عماها اكيد اخواني ما بيقصرون وبيسألون عنه بس الحلو فيه قال خبري الاهل كل اللي قلته لج عليه هاي بنتهم وانا اتمنى لها الخير من كل قلبي (اختي)
بس في موضوع كلمني عنه حسيت انه بيسوي بلاوووي
قال لي انه جوازه سحبوه يوم كان عمره14 للظروف ومشاكل صارت وقال لي كل شي وما كان هو الغلطان ابدن واطر انه يأخذ جنسية ثانيه مش اماراتيه ولا من دول الخليج
المهم يوم خبرت الوالد عن هالشي بالبدايه كانت عاديه جدا بالعكس حسيت ابها فرحت وانا اقولها
عن مواصفات الريال ..
وبعدين فجأه بيوم قالت لي صكري ع الموضوع خلاص وقولي له نحن مش راضيين قلت لها ليش قالت ع سبة جنسيته قلت الوالده هذا مش سبب ومش ذنبه الي صار وحرام نحكم ع الريال ونرفضه عشان هالسبب ع الاقل خلووه يتقدم ويرمس الرييايل وعقب يسألون عنه وان شاء الله مابيسمعون الا كل شي طيب وطبعا انا هالكلام قلته اولا لاني اعرف ان اختي تباه ومتعلق فيه ولان الريال صدق يستااهل كل خير
المهم ان الوالده كانت كل يوم ع راي واختي كل يوم تتحطم من كلامها وهو بعد واايد تضايق
رمس الوالده وهي بنفسها قالت هالريال شكله واايد زين ويبا اختج ويحبها سألتها شو اللي خلاج اتقولين هالكلام قالت هو قال لي انا بيي بتقدم مره مرتييين وعشرين وبسوي اي شي والله جان تبون اوقع ع الاوراق ان بنتكم ما بتظهر برع البلاد وبتم وياي ولا ما نظهر من بيتكم وتبونها جريب منكم والله بأخذ لي بييت جريب منكم بعد راضي قال افهميني الوالده انا ولد هالبلاد بس الظروف اللي خلت حالتي جذي
تخيلوووا الوالد كان مريض فالمستشفى سووو له عمليه يااه من العييين ليين الشارجه عسب يزوره
وبنفس الوقت لمح عن الموضوع الوالد كان مرتاح منه الكل لاحظ هالشي بس بعدين فجأه غير راييه
هذا اللي يخليني استغرب انا اعرف ان هذا من تأثير الوالده لاني رمستها قلت لها انتي بيدج كل
شي تعرفين كيف ترضين الوالد قالت اقدر بس ما ابا اانا روحي ما اباا اعطي بنتي حقه قلت انزين ليش ؟؟والله يوم ردت علي كانه واحد صب علي ماي بارد اسباب مافي اغرب منها
اولا بسبب جنسيته ثانيا هو من جبيله ثانيه و واحد ابيض انا ياخوفي انه يقص ع بنتي قلت لها انزين انا ريلي حنطي بعد قالت هو من الاهل (ترا نحن مكس يدي ابيض ) وهو مافي شي يعييبه شكليا واايد زين اشمعنى اختج قلت لها شو فيها بنتج ليش ترمسين بهالاسلووب بنتج حبوبه وهو ما حبها الا لخلاقها رغم والله والله ان اختي احلى وحده ابينا ملاحمها حلووه احلااااني هي واحن وحده وحليها ما تقدر تأخذ حقها ابدن
واهني عاده الصدمه قالت ليش فلانه خذت واحد وذكرت مواصفات ومواصفات وبنت فلان تزوجت بواحد جذه جذه وانا بنتي لا ليش هي اقل عنهم قلت لها انتي شو دراج يمكن هو يطلع
احسن عنهم بعد والله وايد رمست عسب اقنعها بس ماشي فايده
قالت لي صكري عالموضوع خلاص وعصبت وصارخت وزاعقت ما اعرف ليش حتى انها هزبت اختي
وقالت لها كلام قوي انتي الوحيده اللي ماعرفت اربيييج تخيلوووا؟؟رغم انها ما قالت شي غير يوم
سألتها عنه اذا تباه والا قالت هيه مرتاح له وريال زين
والريال عصب واايد يوم عرف الاسباب قال انا ما حطييت فروقات ابدن وخبرت كل هلي مع انهم كعاده
كل الاهل خاطبيين لي وحده (كلام الاهل هذا حق هاي ولد العم وهالخرابيط) بس بعد صكرت الموضوع رغم المشاكل اللي صارت لاني احب اختج واباها وهي الوحيده اللي غيرت فيني واايد اشيا ,هو واايد مصر ويبا اختي وحاليا يسوي له مشروع عسب يأخذ له بييت ويجهز عمره قال بيي
بيتكم وانا جاهز ولو يبووني اوقع ع اوراق اي شي من حقهم بنتهم بس انا اباها والله
ما عرف شو اسووي والله ؟؟انا اعرف ان اختي تباه وما الومها لانه والكل ملاحظ حتى الوالده انه يحبها واايد ويسوي كل هالاشيا عشانها
بس الوالده امصكر بويهنا كل البيبان لاسباب انا اشوف واكيد غير انها ما تستاهل
شو الحل؟؟؟
لا تقولون خلها تنسى صعبه وايد اعرف اختي خاصة انه هو واايد مصر واااايد ,, رغم اللي سووه اهلي اخووي ما رمسه عدل وباسلوب مش حلو والوالده بعد ما بقص عليكم هو واايد متضايق منهم وماخذ ع خاطره حتى قال لي مره انا اول ما بأخذ اختج والانسانه اللي احبها اسمحي لي هلج انا ما يخصني فيهم الا ابووج وانا والله ما بمنع اختج عنهم بالعكس اسبوعيا عندكم بس اللي سووه اهلج فيني يقصد امي واخوي مش شووي
شو اسووي اختي واايد كاسره خاطري والله
المشكله تخص اختي الصراحه اللي اصغر عني حسيت عمري مش قادره اساعدها رغم كل محاولاتي ..اسمحووا لي بطول عليكم لكن جد ابا القى حل لموضوع الغاليه
بالبدايه بقولكم مواصفات اختي عسب تساعدوني بالحل اكثر
اختي وحده طييييوووبه وايد وحنوونه واحن عني بوووايد انسانه حالمه جداااا,,ما تفكر بالشكليات ولا المظاهر ولا تعقيدات الحياه تعيش حياتها ولا تحب تضر حد
تقدم لها وااحد من الدوام طبعا عقب ما اعترف لها بحبه والريال كلمني انا اولا يوم سرت لها الدوام
الريال والنعم فيه الكل يمدحه قد كلمته ويتصرف باسلوب اكبر من عمره تفكيره نااضج
صح انه عصبي شوي
قال لي كل شي عنه ظروفه وحياته قبل والله يابنات ما اقص عليكم قال كل شي كل شي حتى الاشيا اللي ماتنقال يعني كلام ما يقوله ريال لحرمه بيأخذها عن حياته قبل وهذا الي كبره بعيني اكثر سألت اختي عقب اذا قاييل لها هالاشيا قالت هيه واشيا ثانيه بعد يعني انسان صريح وما يحب يتظاهر ويخلي الواحد ع عماها اكيد اخواني ما بيقصرون وبيسألون عنه بس الحلو فيه قال خبري الاهل كل اللي قلته لج عليه هاي بنتهم وانا اتمنى لها الخير من كل قلبي (اختي)
بس في موضوع كلمني عنه حسيت انه بيسوي بلاوووي
قال لي انه جوازه سحبوه يوم كان عمره14 للظروف ومشاكل صارت وقال لي كل شي وما كان هو الغلطان ابدن واطر انه يأخذ جنسية ثانيه مش اماراتيه ولا من دول الخليج
المهم يوم خبرت الوالد عن هالشي بالبدايه كانت عاديه جدا بالعكس حسيت ابها فرحت وانا اقولها
عن مواصفات الريال ..
وبعدين فجأه بيوم قالت لي صكري ع الموضوع خلاص وقولي له نحن مش راضيين قلت لها ليش قالت ع سبة جنسيته قلت الوالده هذا مش سبب ومش ذنبه الي صار وحرام نحكم ع الريال ونرفضه عشان هالسبب ع الاقل خلووه يتقدم ويرمس الرييايل وعقب يسألون عنه وان شاء الله مابيسمعون الا كل شي طيب وطبعا انا هالكلام قلته اولا لاني اعرف ان اختي تباه ومتعلق فيه ولان الريال صدق يستااهل كل خير
المهم ان الوالده كانت كل يوم ع راي واختي كل يوم تتحطم من كلامها وهو بعد واايد تضايق
رمس الوالده وهي بنفسها قالت هالريال شكله واايد زين ويبا اختج ويحبها سألتها شو اللي خلاج اتقولين هالكلام قالت هو قال لي انا بيي بتقدم مره مرتييين وعشرين وبسوي اي شي والله جان تبون اوقع ع الاوراق ان بنتكم ما بتظهر برع البلاد وبتم وياي ولا ما نظهر من بيتكم وتبونها جريب منكم والله بأخذ لي بييت جريب منكم بعد راضي قال افهميني الوالده انا ولد هالبلاد بس الظروف اللي خلت حالتي جذي
تخيلوووا الوالد كان مريض فالمستشفى سووو له عمليه يااه من العييين ليين الشارجه عسب يزوره
وبنفس الوقت لمح عن الموضوع الوالد كان مرتاح منه الكل لاحظ هالشي بس بعدين فجأه غير راييه
هذا اللي يخليني استغرب انا اعرف ان هذا من تأثير الوالده لاني رمستها قلت لها انتي بيدج كل
شي تعرفين كيف ترضين الوالد قالت اقدر بس ما ابا اانا روحي ما اباا اعطي بنتي حقه قلت انزين ليش ؟؟والله يوم ردت علي كانه واحد صب علي ماي بارد اسباب مافي اغرب منها
اولا بسبب جنسيته ثانيا هو من جبيله ثانيه و واحد ابيض انا ياخوفي انه يقص ع بنتي قلت لها انزين انا ريلي حنطي بعد قالت هو من الاهل (ترا نحن مكس يدي ابيض ) وهو مافي شي يعييبه شكليا واايد زين اشمعنى اختج قلت لها شو فيها بنتج ليش ترمسين بهالاسلووب بنتج حبوبه وهو ما حبها الا لخلاقها رغم والله والله ان اختي احلى وحده ابينا ملاحمها حلووه احلااااني هي واحن وحده وحليها ما تقدر تأخذ حقها ابدن
واهني عاده الصدمه قالت ليش فلانه خذت واحد وذكرت مواصفات ومواصفات وبنت فلان تزوجت بواحد جذه جذه وانا بنتي لا ليش هي اقل عنهم قلت لها انتي شو دراج يمكن هو يطلع
احسن عنهم بعد والله وايد رمست عسب اقنعها بس ماشي فايده
قالت لي صكري عالموضوع خلاص وعصبت وصارخت وزاعقت ما اعرف ليش حتى انها هزبت اختي
وقالت لها كلام قوي انتي الوحيده اللي ماعرفت اربيييج تخيلوووا؟؟رغم انها ما قالت شي غير يوم
سألتها عنه اذا تباه والا قالت هيه مرتاح له وريال زين
والريال عصب واايد يوم عرف الاسباب قال انا ما حطييت فروقات ابدن وخبرت كل هلي مع انهم كعاده
كل الاهل خاطبيين لي وحده (كلام الاهل هذا حق هاي ولد العم وهالخرابيط) بس بعد صكرت الموضوع رغم المشاكل اللي صارت لاني احب اختج واباها وهي الوحيده اللي غيرت فيني واايد اشيا ,هو واايد مصر ويبا اختي وحاليا يسوي له مشروع عسب يأخذ له بييت ويجهز عمره قال بيي
بيتكم وانا جاهز ولو يبووني اوقع ع اوراق اي شي من حقهم بنتهم بس انا اباها والله
ما عرف شو اسووي والله ؟؟انا اعرف ان اختي تباه وما الومها لانه والكل ملاحظ حتى الوالده انه يحبها واايد ويسوي كل هالاشيا عشانها
بس الوالده امصكر بويهنا كل البيبان لاسباب انا اشوف واكيد غير انها ما تستاهل
شو الحل؟؟؟
لا تقولون خلها تنسى صعبه وايد اعرف اختي خاصة انه هو واايد مصر واااايد ,, رغم اللي سووه اهلي اخووي ما رمسه عدل وباسلوب مش حلو والوالده بعد ما بقص عليكم هو واايد متضايق منهم وماخذ ع خاطره حتى قال لي مره انا اول ما بأخذ اختج والانسانه اللي احبها اسمحي لي هلج انا ما يخصني فيهم الا ابووج وانا والله ما بمنع اختج عنهم بالعكس اسبوعيا عندكم بس اللي سووه اهلج فيني يقصد امي واخوي مش شووي
شو اسووي اختي واايد كاسره خاطري والله