إجتماع مغلق لمشرفات ركن العناية بالشعر...حياكم الله..

هلا عروسة مغربيه

حبيبتي شنو رايك بهالعضوة عضوة نشيطه بركن الشعر وعندها مواضيع مميزه احسها تستاهل الاشراف معانا

http://forums.3roos.com/member.php?u=305611

واذا انتي ببالك وحده قولينا علشان الاداره تعين مشرفة معانا

هلا أختي الغالية أنوار

كيف حالك وكيف ماشية مع الحمل وتعبه الله يتمم عليكي بألف خير

بالنسبة للعضوة اللي رشحتيها ماعندي أي مانع تصير مشرفة معانا بصمتها بالقسم مميزة

بس القرار الأخير يرجع للإدارة هي لي تحدد إذا كانت أهل للإشراف أم لا

سبق ورشحتي العضوة أم عبودي بس الإدارة ما جاوبت لا بالرفض ولا بالقبول مادري ليش ؟؟

يمكن عشان قسم الشعر مافيه تفاعل كبير ومواضيع تحتاج متابعة مستمرة

عشان كذا شافو انو مشرفتين كفاية والله اعلم ..

~ عروس مغربية ~;15134828:
هلا أختي الغالية أنوار

كيف حالك وكيف ماشية مع الحمل وتعبه الله يتمم عليكي بألف خير

بالنسبة للعضوة اللي رشحتيها ماعندي أي مانع تصير مشرفة معانا بصمتها بالقسم مميزة

بس القرار الأخير يرجع للإدارة هي لي تحدد إذا كانت أهل للإشراف أم لا

سبق ورشحتي العضوة أم عبودي بس الإدارة ما جاوبت لا بالرفض ولا بالقبول مادري ليش ؟؟

يمكن عشان قسم الشعر مافيه تفاعل كبير ومواضيع تحتاج متابعة مستمرة

عشان كذا شافو انو مشرفتين كفاية والله اعلم ..

هلا حبيبتي

والله الحمدلله هو بدا التعب والعد التنازلي

الله يسهل يارب ويجي بالسلامة ان شاء الله

والله ماادري ياعروسة هو صح الركن مافي تفاعل كبير بس انا مثل ماتعرفين حامل

ولمن اولد تعرفين راح انشغل فهل انتي تقدرين تمسكينة بروحج؟؟

اذا تشوفين نفسج قادره على هالشي بعد براحتج عادي نظل بس مشرفتين

بس اذا تحسين راح تنضغطين فخلاص نخلي الاداره تعين نور العرب معانا

لانها عضوة قديمة ومواضيعها كثيره بركن الشعر بعكس العضوة ام عبودي

بانتظار ردك عروسة لان الاداره منتظرين منه رد

صح نسيت اقولك ان ام عبودي هي مو حابة تصير مشرفة

وبعدين الاخت نور العرب اقدم ومواضيعها كثيره بركن الشعر

هلا حبيبتي أنوار

آسفة تأخرت عليكي بالرد ماشفت اللي كتبتيه إلا الحين

كلامك صحيح أنا متفقة معاك انه الفترة الجاية لازم مشرفة جديدة تنضم لنا

عشان ظروف حملك ماشاء الله وبعد الولادة راح يصير وقتك ضيق كثير

أنا موافقة على الأخت نور العرب ملتزمة كثير ومثل ماقلتي مواضيعها مميزة بالقسم عندنا

بصراحة تستاهل الإشراف

صباح الورد

عروسة مغربية الادارة عينت الاخت نور العرب الف مبروك الك حبيبتي تستاهلين الاشراف

راح ارد على استفساراتك حبيبتي هني اشرحلك بشكل مبسط اللي نسويه كل يوم

اول شي اهم شي ركن الشعر العام داائما ويوميا كل ماتدخلينه لازم تلاقين العضوات منزلين مواضيع استفسار مو بمكانها يعني يكتبون مواضيعهم بركن الشعر العام مو بركن استفسارات العناية بالشعر

اللي نسويه ان ننقل الموضوع لقسم استفسارات العناية بالشعر

وشلون تنقلينه ياام لمن تدخلين للموضوع تختارين من ادوات المواضيع .. نقل الموضوع تنفيذ العملية وتختارين القسم المراد نقله خلينا نقول ركن استفسارات العناية بالشعر وبعدين تضغطين على نقل المواضيع وخلاص ينتقل الموضوع

في مواضيع نلاقيها اغلب الاوقات تكون مواضيع اعلانية لمنتج او صالون ويكون يحتوي على ارقام واسعار هذا دائما ينحذف ونفس الطريقة بس تختارين القسم المواضيع المحذوفة

سوري اضطريت ارسل الرد لان الانترنت اليوم يفصل :thumbs_down:

اكملك باقي الامور نجي لدمج المواضيع انتي قلتيلي انك دمجتي بركن الاستفسارات

عادتا ماندمج كثير مواضيع الا اذا كان نفس المضمون بالضبطط او تكون العضوة منزلة موضوعين نفس الشي مكررتهم واثنينهم فيهم ردود من العضوات فنسوي دمج المواضيع

يعني بركن الاستفسارات نااادرا مايصير دمج للمواضيع بس انتي توك جديده فعادي انك اليوم دمجتي بس مره ثانيه لا تعيدينها :lol::lol: امزح معاكي حبيبتي

عن المواضيع المميزة عادتا نميز المواضيع اذا كانت الصور والموضوع كااامل من مجهود العضوة وتصويرها ويكون مووضوع جديد وفكرة جديده

وفي ختم اسمه تجربة مفيدة هذا نختمه اذا تكون العضوة كاتبه تجربتها كامله ومرفقة بصور يعني يكون شي مفيد فنختمه بهالختم ...

واخر شي قسم القصات والصبغات عادتا تكون فيه مخالفات ان العضوات ينقلون صور تسريحات وتكون مثلا مو مظلله فهالشي مخااالف فلازم ينحذف موضوعها

حتى اذا موضوع يكون عن خلطة وتكون في صورة مو مظلله تنحذف الصورة ..

هذا اللي اتذكره الحين واي سؤال انا حاضره حبيبتي :)

{ مشكورة ياقلبي..~
تسلمي ماقصرتي

:)

الموضوع الي دمجته كان يحتوي نفس المضمون
سؤال عن زيت ارت للفيتامينات
ف فكرت ان يصلح لو يندمجون سواء ههههه بس اكيد مابعيدها الا بعد الاستشارة

وبقية النصائح مفيدة
وان شاء الله راح اطبقها

http://forums.3roos.com/showthread.php?t=620251

{ هذا الموضوع يعتبر منقول بس هي موكاتبه منقول!.~
طيب ش اسوي انا لحين
اضع ختم منقول عليه؟

وهذا الموضوع بعد ش الحل المناسب له

http://forums.3roos.com/showthread.php?t=620236

بعض الصور ماظهروا

او احذف الموضوع مثل ماطلبت هي بالرد ال3
وتعيد كتابته من جديد؟

{ وهنا وحدة حاطة روابط لموقع خارجي.~
وفي تعليقات تحت فيها ذم وشتم

هل احذف هالروابط؟
http://forums.3roos.com/showthread.php?t=499431

هلا حبيبتي نوور

شوفي الموضوع الاول اي ختميه بختم منقول

والثاني حذفيه بناءا على طلبها وخليها تعيد تكتبته وتحمل الصور من مركز عروس

والثالث اي الروابط ممنوع اضافة روابط مواقع اخري

طبعا انا ماسويت شي بهالمواضيع اللي سائله عنهم تركتهم عليج علشان انتي تاخذ ايدك على المواضيع

فجربي ختمي الاول وحذفي الثاني وعدلي الثالث ههههههه

بعد شنو في امور تحسين مدوختك ؟

{ ههههه ياقلبي انتي..~

تم ....

خلاص انا الاول حطيت عليه ختم منقول
والثاني حذفته وطرحت ملاحظة ان ع رغبة العضوة نفسها
والثالث حذفت الروابط الخارجية وتركت ملاحظة ان يمنع وضع روابط لمواقع خارجية اخرى

<<< :thumbs_up:

بس هذا حاليا هههه
مشكورة

{ في عضوة جديدة كانت منزلة موضوع عن الصبغات وفي الصور الاخيرة كان اجزاء عارية وماقامت بتظليلهم..~
ف ماحبيت احذف موضوعها كون انها جديدة قلت يمكن ماتعرف القوانين وخفت لاتزعل او شي

ف ظللتهم بنفسي وقلت لها
هل يعتبر هذا الشيء صح؟

http://forums.3roos.com/showthread.php?p=15161930#post15161930

هلا حبيبتي نوور

الله يعطيج العافيه ماشاء الله عليج كل شي تمام

وبالنسبة للعضوة الجديده اللي ظللتيلها الصور هذا شي زين منك

والا احنا نحذف الصور فجزاج الله خير انج ساعدتيها

بس حبيت اقولك اذا تشوفين في مواضيع مكرره نقليهم لقسم المواضيع المكررة

والله يعطيج الف عافيه شطورة ههههه

السلام عليكم

ماشاء الله غبت يومين عن المنتدى جيت لقيته منور بالمشرفة الجديدة نور العرب

أهلا بيكي معانا في عالم الإشراف والمسؤولية

نورتي القسم غاليتي والله يعينك على مهمتك

انتي قدها وقدود ماشاء الله


F:


أنوار تسلمين حبيبتي كفيتي ووفيتي في تعليم نور المبادئ الأساسية للإشراف

يعطيكي العافية ..

{ تسلمووون ياقلبي..~

بس ايه صدق نسيت اسالكم
كيف اعرف ان المواضيع المنزلة مكررة؟

{ نور آلـ ع ـرب..~;15171304:
{ تسلمووون ياقلبي..~

بس ايه صدق نسيت اسالكم
كيف اعرف ان المواضيع المنزلة مكررة؟

عادتا نستخدم خاصية البحث يعني اذا شاكه انه مكرر

تقدرين تكتبين نفس العنوان او عنوان شبيه اله وتطلعلج المواضيع اللي تكون نفسه

{ اهااااااااا كذا يعني..~
طيب قلبووو خلاص
اذا حسيت موضوع منقول ببحث بالمحرك

لان بالعادة نادر بقسم الشعر موضوع يكون منقول
كله تجارب بنات واستفسارات وتجميع جهد شخصي

بس اكيد اذا لزم ببحث
:)

مشكورة

هلا حبيباتي كيفكم ان شاء الله بألف خير

نور اكثر المواضيع المكررة بتلاقينها بقسم الصبغات والتسريحات

 

http://forums.3roos.com/showthread.php?t=619465

{ ليوم لقيت وحدة حاطة رابط مقطع فيديو من اليوتيوب بالعام

هل احذفه؟......~