إجتماع مغلق لمشرفات ركن العروس...حياكم الله..

ما عرفت وين أكتب الموضوع ,

لكن فضلت أكتبه هني بشكل عام

لأني أبي رآي المشرفات العزيزات + الإدارة

*

في بنت من فترة بسيطة نزلت صورها ( حفلة عرسها )

وكانت الصور ظاهرة تفاصيل وايد , وهي محملتها

أنا قمت خذيت الصور صغرتها + عدلتها + قصيت الأجزاء إلي مطلعة كل تفاصيلها

وحملتها في الموضوع وكل شي تمام وأوكي ,

*

وتفاجآت فيها من فترة تطالب بحذف موضوعها

وحذفته لها وما قصرت!..

لكن رجعت تراسلني وتبي حذف نهائي للموضوع + للصور من مركز التحميل

*

وأيضاً راسلت الإدارة وما قصروا ,

*

ورجعت تراسلني مجدداً

والله تعبت , مو من مراسلاتها

تعبت نفسيتي وأنا أشوفها تترجاني وتتآلم

ما أقدر

والله أبكي لحالها

تقول إنه الوضع عندها موصل حده

ومتآزم

ورسائلها ما توقف !.

يمكن البنت تتطلق أو شي لا سمح الله , ولا أدري شالدبرة ؟.

*

وأنا جد تعبت , نفسياً لحالها

*

ومو بس إهي ,

وايد بنات يحطون مواضيع ويحذفونها بعدين

وفي بنات يحطون صور أعراس لعوائل مشهورة جداً .. ومن بعدها هالعوائل تطالب بحذف صور أعراسهم

*

المطلوب حالياً ,

وضع موضوع أو قانون .. أو أي شي يكون واضح للعيان ولجميع الأعضاء

أي وحدة تفكر تنزل صور شخصية من عرسها

لازم يكون بأذن من أهلها + زوجها

مو تروح تحط صور بالخش , وبعدين تندم قد شعر راسها

وحتى إلي بتنزل صور لأعراس عائلات

لازم هالعلائلات تكون سامحة بهالشي

مو تنزل صور لأعراس أناس , وبالنهاية تطلع مسروقة و موزعة .. والعائلة على غفلة بهالشي

*

وشكراً

ترددت كثيراً قبل طرح المشكلة !..

ولأني مضطرة لطرحها صراحةً

لأنها جداً مضايقتني ,

وهي عن أحدى العضوات ( ghano )

http://forums.3roos.com/member.php?u=316778

وهي أحدى العضوات المميزات !..

وما أنكر نشاطها ومواضيعها المتنوعة :ok:

لكن ,

الإنسان مو ملاك بعد .. ولازم له أخطائه

وسبق وكررت أخطاء ب 4 مواضيع

وقمت بحذفها أو نقلها

الغريب في الموضوع إن في كل مرة أنقل لها موضوع أو أخذفه

وبعد ما توصلها الرسالة ( الأوتوماتيك )

تجي لي عالخاص وتقولي ليش وما ليش ؟!. :047:

وتتعمد في كل مرة

إنها تستفزني بالكلام .. وتصغر من مكاني .. وتحسسني إنها على صواب وأنا المشرفة على غلط

مع إني والله شاهد علي

ما قط مرة حذفت موضوع أو نقلته إلا لأنه فيه سبب وقلت لها هالكلام

وهي تقولي أن أنا قول بدون فعل !!!!! :091:

+

مثلاً لمن حذفت موضوع فسااتينها

كان تظليلها مخالف " الصدر ظاهر , الوجه ظاهر " وهذي مثال للصور :















///

طيب هل هالتظليل مب مخالف ؟!.

بدل ما تجادلني في حذفي للموضوع كانت تقدر تاخذ الموضوع بروح رياضية

وتعدل التظليل وترجع تضيف الموضوع من جديد

وين المشكلة في هالشي ؟!..

خصوصاً إن كل المواضيع إلي بالقسم ملتزمين جداً بالتظليل الصحيح 100%

وأي وحدة تظليلها يكون مخالف , أحذفه لها .. وترجع تعدله .. ما فيها شي

///

ونقلت لها موضوع للمكرر

قالت لي وين مكرر ؟!.. وليش مكرر ؟!.. و وين وصلات التكرار ؟!..

وقلت لها مكرر وبعثت لها بالوصلات

قالت لا أنا موضوعي مب مكرر وحصري .. وإنتي متعمدة :037:

///

آخر موضوع لها نقله إلى ركنه المناسب

قالت وبأسلوب إستفزازي : بذمتك هاي مناسب لهالقسم ؟!.. :02:

من هنا الموضوع !..

طيب هاي قسمه الأنسب أكثر من عروس !!!!

لأنه شامل أكثر من كونه تخصصي للعرايس

///

وكلمة والثانية

قالت أنا ( مشرفة من سنين بمنتديات ثانية وحافظة القوانين , أكثر منك وعارفة شنو أسوي )

طيب إنتي مشرفة بمنتديات ثانية

أحنا هني في عروس

فوانيناا مختلفة جداً وتتجدد كل مرة .. صح ؟!

يعني أنا مالي علاقة بأشرافج وبمنتديات ثانية :047:

أنا علي من منتداي

///

أنا بالقسم بروحي

وكل يوم أحذف مواضيع وايد .. وأعدل وأنقل

وكل شي يصير توصل رسائل ( أوتوماتيك ) تقولي شمعنى من عندج توصلني ؟!. :047:

حتى بهذي بتجادلني!!!!!

بعد أنا شسوي بالرسايل الأوتوماتيك ؟!.

يعني أخليها براحتها في كل مرة

تحط المواضيع إلي تبيها

وما تبي أحد يتعبث بمواضيعها

وأي شي يصير طرشت لي رسالة تجادلني :091:

///

قلت لها كلمي الإدارة .. كذا مرة طلبت منهم تكلم الإدارة لو تشوفني غلطانة :01:

تقولي : لا حصل خير

لو تشوفيني غلطت عليج أو غلطت بشغلي .. لا تراسليني , راسليهم

قالت : عجبييييي

مشرفة وما تبيغين أحد يراسلج ؟!!!

:041:

///

بصراحة زادت عن حدها

عضوة مميزة بالمنتدى

المفترض تكون أرقى من جذي .. ما أعتقد وسام التميز يعطى لكل من!!!

يعطى لمن تثبت فعلاً جدارتها

وتتقبل قوانين منتدانا وتطبقها حرفياً :ok:

وتتقبل عمل المشرفات

بروح رياضية

بدون جدال دائم ونقاش عسير ماله نهاية

///

أرجو من الإدارة .. محادثتها شخصياً

على وعسى تتقبل قوانين الركن وتفهم بالشغل شغل المشرفة

لأنها مو متقبلة شي مني , وكأني عدوة لها تترقب مواضيعها بالمرصد

وأنا والله هالموضوع ما جا علي بالي مثل ما تظن :066:

الموضوع ما تكرر معاها لمرة أو مرتين .. مراااااات عديدة

ولا كان ما تكلمت

حتى صرت أخاف ألقي نظرة على مواضيعها أو أعدلها

لأني عارفة إنها بتجي وتناقشني وتجادلني بصرامة !!!!!

ما كأني مشرفة وما قمت إلا بواجبي إتجاه القسم .. وسويت الشي الصح

///

شكراً :065: