موسوعة الحواجب

بنتي عروس 11-06-2008 14 رد 3,083 مشاهدة
ب
وش رايكم يابنات..انا جايبة لكم اقتراح بس مدري هو مكرر ولا لأ

خلونا نعمل ملف متكامل لجميع مايخص الحواجب..نظرا لكثرة

الاسئلة عن اضاءة الحواجب وعجينة الحواجب وقلم رسم الحواجب

فانا اقترح ان يكون هنا تجمع للعضوات صاحبات التجربة بأي شيئ

يخص الحواجب..مثلا نمسك عجينة الحواجب!!خلونا كل وحدة تحط

تجربتها عن هالعجينة عشان غيرنا يستفيد من تجربتنا....ومثلها

اضاءة الحواجب كل وحدة تحط تجربتها ....وهكذا

وبكذا راح يكون عندنا موسوعة تخص تجميل ومكياج الحواجب..

هاه شرايكم عرايس؟؟؟وارجو ان ما احد يبخل بتجربته..حتى تعم الفائدة

والكل يستفيد..وعشان يكون منتدانا مميز ويكون مرجع للغير
س
شكرا حبوبة والله أحلى موضوع
د
انا بقول لكم عن تجربتي

طبعا اول شي (((التشقير )))

كنت خايفه يكون حرام بس بعدين شفت برنامج للشيخ محمد العريفي

يقول لا بأس لانه مجرد صبغه وهذا مافيه حرج

وانا مااشقر الا في المناسبات علشان يكون في فرق في شكلي



ثاني شي مره من المرات شريت (((( واكس الحواجب ))) ماركة غريماس

بصراحه استخدامه جدددددددا صعب ومو سهل في الاستخدام

لانه ريحته كانه تاير محروق فاستغنيت عنه

ومره رحت كريولاين قلت بسألهم عن واكس الحواجب
طلعت نفس اللي شريتها من غريماس تقولي
لازم تحرقين طرفها بولاعه عقب تستخدمينها قلت بل ميسوى علي



وآآآآآآآآآآآآآآآآآآآخر شي توي رحت من كم يوم كريولاين
وجابو واكس للحواجب مطور احسن من اللي قبله وسهل الاستخدام
خذيت لي منه واحد

قلت بستخدمه في المناسبات توبي اتدرب عليه الين اظبط الطريقه



وبس وسلامتكم
~
اما انا خذت العجينه من بن ناي ولا عرفت لها كلش :(

وخذت التاتو من ميكب فور ايفر يجنن وصرت مستغنى عنه كلللللللللش
ب
شكرا للحبايب اللي تفاعلوا معنا وطرحوا تجاربهم وعرضوها

لنا..اما عن تجربتي انا كنت فعلا اشقر حواجبي ثم ارسمهم

بقلم رسم الحواجب السائل (اذا تعرفونه)واذا ماتعرفونه قولوا

لي انزل صورته عشان تشوفونه..والحين ودي اجرب هالعجينة

اللي كل شوي اقرأ عنها بس حابة استفيد من تجارب البنات عن

افضل نوعية واسهل في الاستخدام..وقبل كم يوم سافرت البحرين

ودخلت محل كريولاين وقعد يقنعني بعجينه حواجب جايبينها جديدة

قلت باخذها اجربها احسبها رخيصة بس طلعت غالية..فتركتها وقلت

خليني اشتري وحدة رخيصة اتدرب فيها لين اتقنها ثم اشتري الغالية

والحين يابنات نبي تجاربكم الله يعافيكم لاتبخلون علينا ..يالله يالسنعات

نبي ردود فديتكم
م
والله انا اشتريت العجينة اللي من بناي وما عرفت استخدمها للحين طايحة في جبدي اللي تعرف لها تفيدنا الله يبارك لها.
ط
صرآحه ما عرف نصحونا بنات
م
انا خذيت عجينة ميك اب فو افر كنت ابي اسوي حواجبي جبانيز من غي ما اشيلهم وكللللش ماعرفت استخدمها لان لازم تصخنينها وما اعرف شنو فتركتها فأتمنى البنات يفيدونا اكثر
ت
بنتي عروس;6292610:
شكرا للحبايب اللي تفاعلوا معنا وطرحوا تجاربهم وعرضوها

لنا..اما عن تجربتي انا كنت فعلا اشقر حواجبي ثم ارسمهم

بقلم رسم الحواجب السائل (اذا تعرفونه)واذا ماتعرفونه قولوا

لي انزل صورته عشان تشوفونه..والحين ودي اجرب هالعجينة

اللي كل شوي اقرأ عنها بس حابة استفيد من تجارب البنات عن

افضل نوعية واسهل في الاستخدام..وقبل كم يوم سافرت البحرين

ودخلت محل كريولاين وقعد يقنعني بعجينه حواجب جايبينها جديدة

قلت باخذها اجربها احسبها رخيصة بس طلعت غالية..فتركتها وقلت

خليني اشتري وحدة رخيصة اتدرب فيها لين اتقنها ثم اشتري الغالية

والحين يابنات نبي تجاربكم الله يعافيكم لاتبخلون علينا ..يالله يالسنعات

نبي ردود فديتكم




مشكورة على طرح تجربتكـ وليتك تنزلين صورة قلم رسم الحواجب السايل لأني من زماان ودي اعرفه

يسلمو:wink:
د
لااااااا لا لا لا بنات

عجينة الحواجب اللي عند كريولاين لينه ماهي يابسه وسهله في الاستخدام

انا اقول لكم عن تجربه وانصحكم استغنوا عن اللي عندكم ورحوا اشتروا هذي سعرها 150 ريال


هي عباره عن 3 اشياء

شي تحطينه قبل العجينه

وعقب تحطين العجينه وهي لينه ماهي يابسه ولا يبي لها تسخين ولا شي

وش تحطينه عقب العجينه

وبس عقبها تحطين الكونسيلر المناسب للون بشرتج

وعقبها كريم الاساس

ووكلوا على الله

ومر ه بعد مره ان شاء الله بتكونون حريفات

انا للحين اتدرب على اني اظبط تشكيل حواجبي بالشكل المناسب
ب
يووووووووه الله يسعدك يادهن العود

ويرزقك ربي من اوسع ابوابه على نصايحك
س
بنات انتو قاعدين تشقرون حواجبكم بس لي متى؟
يعني في بنات متزوجين وماشالله عليهم حواجبهم كثيفة معفسة بشكل غير طبيعي اذا شافوهم رجالهم شنو بيقولون عنهم؟
على طول بيشقرون؟ حتى لو ماكنتي حاطة مكياج تخيلي شكلج؟
وانه شفت كذا مرة بنية مشقرة حواجبها يبين واضح ان في شي مو عدل
ومسامحة على الي قلته بس هاي الصج
لا تحفون حواجبكم لان حرام اوكي
بس عدلوهم نظفوهم :)
ن
ياريت احد الخبيرات تورينا استخدام عجينة بن ناي بالصور
لاني اشتريتها
ومن طمعي اخذت لكبيرة بس مب عارفه اضبطها

والله يزجاكم الف خير
ب
سكون الغرام....انا مافهمت قصدك نظفوهم وعدلوهم!!

كيف ننظفهم ونعدلهم؟؟بدون تشقير تقصدين؟؟
ب
والله فكره حلوه
X