يا بنات شوف اخوي وزوجته وأحكموا من الغلطان انا ولا هم

البتوول;6290503:

السلام عليكم ورحمة الله وبركاته

قصتج اختي كلنا نمر فيها والله يهدي اخوج يارب ويحنن قلبه عليكم يارب..
المهم أختي انا صار لي نفس موقفج وانا عندي 3 اخوان كبار من ابوي وعلاقتي معاهم كانت زي الزفت لدرجة اننا نتهاوش وما نشوفهم الا بين فتره وفتره مع اننا ساكنين بنفس البيت..

المهم يوم كبرت شوي بدات احن لاخواني واقول ليش اخواني مب حنونين علينا وانا احبهم ومهما صار مازالوا اخواني
فبدات افكر كيف اكسب اخواني مع ان حريمهم الله يهديهم بس
اول شي سويته اني يوم اشوفهم ما الومهم ابدا بالعكس ارحب فيهم واقولهم تبغون اسوي لكم عشا او جاي.. وكنت دايما اذكر فيهم الصفات الزينه وبدأو هم يظهرونها ويهتمون فيها
فسبحان الله بدوا يتغيرون شوي شوي
بعدها بدات اقول لواحد فيهم وخاصه اللي كنت اتهاوش وياه
انت اخوي الكبير ولا يهون علي زعلك انت احب اخواني لي وانت سند لنا وانت فيك الخير والبركه ولا اذم حرمته ابدا
سبحان الله سبحان الله وماشاء الله بداو يقولون لي كلمة حبيبتي ويقولون اكثر وحده نحبها انتي قدام اخواني كلهم ويحضنوني واذا زعلانه يقولي اخوي اللي اتهاوش ويا دايما
شو فيج حبيتي ويدخل الحجره ويهديني وصرنا نشوفهم كل يوم ودخلاتهم زادت في اليوم عن اكثر من مره

وابعدي عن العصبيه والكبرياء وحاولي تخلقين جو عائلي بالبيت ضحك وسوالف ومدح بعضكم البعض.. يعني ابدأي بالبيت وخاصه مع اخوانج الشباب ولا تشتكين على واحد قدامهم عشان محد يشيل على الثاني في قلبه

واذا شفتي اخوج الكبير قولي "ربنا افتح بيننا وبين قومنا بالحق وأنت خير الفاتحين"
وصدقيني الكلمه الطيبه دايما تأثر في الانسان حتى اذا كابر وحاول ما يظهرها.. بس بتترك اثر في نفسه وبيفكر فيها مليون مره وبعدها بيبدأ يقارن بين تصرفاتكم وتصرفات زوجته

والله يحنن قلوبكم على بعض يارب ويجمعكم على خير يارب ويصلح أمورج مع ريلج يارب ..