ساعدوني ارجوكم

بما انها تدرس قران وتفهم ما شاء الله عليها الله يحرسها

اقرئي لها الايه ولاتقل لهما اف ------------الخ

وفهميها ان الله سبحانه وتعالى قال لنا مانزعلها والي يزعلها الله يعمل له كده

والي يحب ماما ويسمع كلامها ولايقول لا دايم يقول انشاء اله الله يعطيه

هدايا وشوقيها

وعلميها حديث الرسول صلى الله عليه وال وسلم بر امك بر امك بر امك بر اباك

وعلميها بشكل مبسط

وقولي لها كل انسان عنده ملكين على كتوفه واحد يكتب الاعمال الزينه و واحد يكتب الاعمال

الخطا والله يحاسبنا عليها


وتر هم كده فتره يدلل على اهلهم ويكبرو والله يهديهم يصيرو حلوين اهم شيء الام تحن عليها تحضنها وتبوسها

وتشجعها على الحفظ

تسلمي اختي ربيعيه على الرد تسلم يمناك اختي طيب ايش الحل تتكلم معاها ولا تسيبها لان اختي تبغاها تهتم في زعلها مو تطنشها وتسوي الي تبغاه وتقول بعدين ماما راح ترضى
اختي محتاره مرررررره ارجوكم ساعدوها

معقول ولا احد يعرف ايش الحل او كيف تسوي همتكم يابنات عروس لا تفشلوني

ماشاء الله كلام أختنا ربيعية عين العقل،، دام هي تدرس القرآن ممكن مدرستها تأثر عليها وتنصحها بالكلام الزين وتعملها أسس أخلاق البنت المسلمة وإن شاء الله تتحسن في سلوكها مع أمها وأبوها...

لابدان مامتها تكلمها براحة وتنصحها وتقولها لما تروحى وترجعى هوديكى فسحة حلوة او تجيب لها حاجة بتحبها ولو مرضيتش تروح خالى ماماتها تتحسسها انها زعلانة بجد وساعتها ممكن تحس بغلطيتها" alt="" loading="lazy">

أولا ربنا يحفظها ويرعاها ويخليها لأمها


واضح إن البنت ذكية ما شاء الله وبتفهم

اختي تخيلي إن رأيي غير رأي كل الخوات والمشكلة أنكم جميعا لم تفهموا إن البنت ليست عنيدة ولا هي تتعامل بدون اح0ترام المشكلة إن البنت لم تجد من يفهما منكم جميعا فشعرت بإحباط ويأس لذا لم تعد تضع زعل أمها في الحسبان


حبيبتي البنت رافضة تروح بسبب تعرضها للعنف من المحفظة

أنا بصراحة شعرت بالغضب لما قرأت إن البنت تتعرض للقرص منها

أعوذ بالله هي بتحفظها القرآن لأجل الراتب الشهري الذي تحصله من أهالي الأطفال دون أن تجعل جزءا منه لرضى الله تعالى !!!


أختي نصيحة أولا وقفوها من الذهاب لتلك المحفظة وشوفوا لها واحدة غيرها ...

ولا أنصح بالكلام معها فمهما كان داخل البنت منها جرح ورهبة فلا تدفعوها للشعور بالكاهية لحفظ القرآن ... ولا تدفعوها لتعبئة الرواسب السيئة لأوقات الحفظ ...

استمعوا لها وراعوا اسبابها

حفظها الله

بوسيها عني وقولي لها خالتوا أسماء أرسلت لك بوسة علشان بتحبي تحفظي القرآن وسنغير لك المحفظة ...

البنت عمرها 4 سنوات وأسلوب المحاضرات هذا ماينفع معاها.. الأطفال ماعندهم صبر ولا يقدرون يركزون لوقت طويل.. لكن هذا مايمنع انهم يتعودون يسمعون هذا النوع من الكلام بس شوي شوي يعني بالقطارة.
الطفل بهذا العمر ذكي جدا ويعرف كيف يمشي الكبار على كيفه ويوصل لمبتغاه ومثابر ومجتهد ونفسه أطول من نفس الكبار بكثير..هم يتعبون والطفل مايتعب لحد مايوصل لمبتغاه.
والبنت متأكدة ان أمها مابتزعل منها مهما سوت وحتى إذا مااعتذرت فليش تتعب نفسها.
والرشوة ( سوي وبجيب لك كذا وكذا ) تعلم الطفل الابتزاز ومحاولة الحصول على مكافأة مادية قبل تلبية رغبات الأهل..
في طرق أخرى للتعامل مع الطفل..
في كتب تعلم الأهل تغيير سلوكهم وتدربهم على كيفية التعامل مع الأطفال,واحد منهم اسمه إذا ماخانتني الذاكرة:
(كيف تتحدث ويصغي الصغار إليك)

وفي كتب تعلم الأهل طريقة التصرف مع الأطفال في مواقف معينة أو احتواء غضبهم, مثل:
# حاول أن تروضني- إصدار مكتبة جرير
# تحويل تصرف طفلك من لا إلى نعم بدون تهديد أو تهويل أو إغراء- الدار العربية للعلوم
في كتاب اسمه الأطفال يتعلمون مايعايشونه نزلت أجزاء منه الأخت أم جنى على هذا الرابط:

http://www.3roos.com/forums/t340425.html

وفي غيرها..
لاحظي ان هذي الكتب غربية مترجمة..يعني لا تاخذيها زي ماهي..شغلي مخك معاها وأضيفي لها الصبغة الإسلامية.
مافي حل سحري يحل المشكلة بسرعة.. الأم والأب لازم يتعبون ويغيرون من نفسهم أولاً ويفهمون البنت علشان يوصلون لنتيجة.
أما بالنسبة للمدرسة فاللي كتبتيه ما يكفي.. يمكن المدرسة السبب ويمكن البنت.. لا تنسي ان الأطفال خيالهم واسع.. اعرفوا سبب المشكلة وبتتوصلون للحل المناسب إن شاء الله.

اشكركم جميعا على مساعدتي هذا عشمي فيكم اخوات والله الله لايحرمني منكم.:87457:

المشكلة انها كل يوم لهاعذر اوقات الابلة تضربني واوقات فلانة تضحك عليه واوقات ماما روحي معايا علما بانها لها فتره تروحي هي وتنتين من بنات اختي يعني مو لوحدها ولا جديد عليها الوضع اخاف اخليها توقف من الابلة وتتعود على كذا لما تروح الروضة ماني عارفة ايش اسوي اتموا جميلكم معايا مع العلم بانها خلاص تتفق معايا انها بتروح ولما يجي وقتها تبكي.لابقيت هدايا ولا مفاجئات ايش الحل.

أختي..
انت تبين حل سحري.. للأسف مافي حلول سحرية..
إذا ماتعبتي ما بتوصلين لحل.
البنت بتظل تلعب فيكم.. بتوديكم البحر وبترجعكم عطشانين..
افهموا قواعد اللعبة علشان تجارونها وبعدين تغلبونها..غير كذا مافي حل.
سبق وقلت لك ان أسلوب الرشاوى مابيجيب فايدة.. بالعكس.. انتوا الخسرانين.
تصرفاتها هي ردود أفعال على تصرفاتكم معاها و قدامها.. هذا شي لازم تحطينه بعين الاعتبار
الأطفال ذكاءهم فوق تصور الأهل..
لازم تفرضون سلطتكم عليها وتعرفونها ان انتوا اللي في موقع السلطة..مش هي
ما احنا أطباء نفسيين و لا عايشين معاكم علشان نعرف شخصياتكم ونفسياتكم و كل التفاصيل ونجيب لك حل على الجاهز.. مع العلم ان الحلول تستلزم جهد جماعي وانضباط وتعاون من الأهل ووقت طويل لحد ماتوصلوا لنتيجة مرضية.
اقري الكتب وادعي ربك وإن شاء الله توصلون لنتيجة.
غير كذا ماعندي شي ممكن أساعدك فيه وياليتك تفهمين المقصود.

موفقين بإذن الله