اسئله عن الماسنجر

شوق على شوق;6287479:

بسم الله الرحمن الرحيم

السلام عليكم ورحمة الله وبركاته

عندي كم سؤال عن الماسنجر بس مستحيه خخخخخخخ

انا بصارحه توني اتعلم الماسنجر وفي اشياء كثيره حابه اعرفها

اول شي : اشوف في المنتدى كلمة (توبيكات) ، شو يعني توبيكات؟ نقصدها النك نيم للمسن والا نقصد بها شي ثاني ؟

وعليكم السلام ورحمه الله وبركاته

حياج الله غناتي بأي وقت ،، واطلبي اللي تبين (f)

التوبيكات نعم هي نك نيم للمسن

شوق على شوق;6287479:

وثاني شي: مممم اعتقد ان في برنامج اقدر من خلاله اسوي توبيكات ، ممكن هالربنامج اذا سمحتوا ؟

بصراحة انا مالي خبرة واايد في عمل التوبيكات

ومااعتقد ان له برنامج

لكن انتي ممكن تصممينه بطريقتج باختيار الالوان وطريقة الكتابة والتشكيل .....

** يمكنك مطالعة مواضيع عدة للتوبيكات في قسم الكمبيوتر والبرامج وبتحصلينها بالفهرس

شوق على شوق;6287479:

ثالث شي :كيف احط التوبيكات في المسن ؟

اعملي لها نسخ ثم الصقيها مكان النك نيم :)

شوق على شوق;6287479:

رابع شي :كيف احط صوره في المسن

اوكي تروجين وين مكتوب النك نيم مالج وكلك ع السهم وعقب تختارين change display picture كما بالصورة



وعقب اختاري الصورة اللي تبين او اضغطي على (1) browse اذا كان عندج صورة بالكمبيوتر ووتبين تحطينها بالمسن ثم تختارين (2) ok كما بالصورة

شوق على شوق;6287479:

خامس شي: كيف احفظ المحادثات ؟

طالعي هالموضوع طريقة حفظ المحادثات لمسنجر MSN

شوق على شوق;6287479:

سادس شي: ان امكن تحطون لي شرح بالصور لكيفية التعامل مع قوائم المسن وشو عمل كل قائمه ، اذا قدرتوا ، واذا كان هذا الشي صعب مش لازم .

ان شاء الله اذا لقيت وقت راح احط موضوع ،، انتي تابعي مواضيعي والله يقدرني واقدر اسويه ،، لاني هالايام مشغولة واايد

واي استفسار اخر يالغالية انا حاضرة :)

مشكوووره يالغاليه

سامحيني توني شفت ردج على الموضوع

لاني لهيت هالفتره

اعتذر مره ثانيه

سوري بس من صاحبة الموضوع بما انكم تتكلمون علي الماسنجر ودي احط سؤال لوردة الثلج

انا عندي بالماسنجر ناس ما احب اكلمهم اذا دخلت وما اقدر الغيهم هههههههههه بصراحه استحي لانهم من الاهل وما ابي اظهر لهم اني متصله بس ابي اتكلم مع صديقاتي

اذا دخلت علي الماسنجر اوف لاين وبعدين عملتلهم بلك برايت كلك وبعد ما اخلص محادثاتي افتح البلك عليهم تعتقدين ما بظهر لهم وانا متصله وما بيحسون علي الوضع


شاكره لك تفاعلك

صوت فتاه;6887002:
سوري بس من صاحبة الموضوع بما انكم تتكلمون علي الماسنجر ودي احط سؤال لوردة الثلج

انا عندي بالماسنجر ناس ما احب اكلمهم اذا دخلت وما اقدر الغيهم هههههههههه بصراحه استحي لانهم من الاهل وما ابي اظهر لهم اني متصله بس ابي اتكلم مع صديقاتي

اذا دخلت علي الماسنجر اوف لاين وبعدين عملتلهم بلك برايت كلك وبعد ما اخلص محادثاتي افتح البلك عليهم تعتقدين ما بظهر لهم وانا متصله وما بيحسون علي الوضع


شاكره لك تفاعلك

هلا صوت فتاه

لا يالغلا ما بيحسون ان شاء الله

الا في حالة ان عندهم برنامج يصيد البلوك ،، غير جيه ان شاء الله ما بيعرفون :)

دمتــِ بصحة وعافية

وردة الثلج ممكن تعجيني رابط لتحميل الماسنجر بلس

ولازم قبل ما احمله اللغي المسانجر الحالي حالي استخدم الماسنجر لايف بس ما ادري اي اصدار


شكرااااااااااااااااااااااااا مقدامااااااااااااااااااا