قولي لنا كيف خبرتي زوجج بأول حمل لج

والله الصراحه ماعرف كيف كانت فرحته من داخله بس انا حللت في البدايه في البيت وطلعت حامل وماكنت مصدقه لان حملت بعد رحله من العلاج اكرمني ربي بالحمل والحمدلله مليون مره ع هالنعمه وعلى طول اتصلت بأمي عشان تمر علي واروح احلل دم واتأكد والا وانا اكلم امي هو رجع من الشغل وكان حاس ان فيني شي وظل يسأل اشفيج اشصاير شسالفه وانا اقوله مافي شي وهو يتطنز يقولي لا يعني ويهج كلش مايوحي ان فيج شي اقوله صدقني مافيني شي المهم حاول معاي وانا الكلام ع طرف لساني ابي اتكلم بس حابستها ورحت العصر مع امي حللت عاد انا كنت قايله له امي تبيني في سالفه ضروريه فضروري اطلع المهم وخبروني حامل وبعدها اتصلت له وسويت روحي معصبه واقوله اسمعني انا يايه في الطريق اياني واياك تطلع من البيت خلنا نشوف اخرتها مع سواد ويهك وهو مسكين تخربص يقولي اشصاير عاد قلت له اتفاهم معاك في البيت التلفون ماينفع يلا باي وسكرت ورحنا انا وامي مذركير شريت بدله محايده للبنات والاولاد ورجعتني البيت ودخلت له طبعا في بيت ابوه واول ما شافني وشاف الملابس بيدي ابتسم وانا قعدت اضحك وباركوا لنا اهله واقعدوا ايببون يعني يزغرطون بالمصري لان طبعا هذا اول حفيد لهم وبس باركلي وباسني وطلعنا بعدها تعشينا مع بعض وبس .. ادري طولت عليكم سوري.. وثانكس حبوبه ع الموضوع وايد حلوو

حاملة القرنفل
هههههههههه يحليلج والله حلوه فكرتج بس لو صبرتي شوي وخليتيها معلقه لين يقوم كان بعد احسن،، بس أكيد في هالمواقف الواحد مايقدر يصبر :)
يالله الحمدلله الله عوضج خير والله يثبت حملج يارب ويهنيج انتي وزوجج :)

هههههههه لا لا مو حامل

ميرو
آمييييييين ويرزقج الزوج الصالح يااااااااااااااارب :)

الحب الكبير
يااااااااااااااااااي عجييييييييب بس خرعتي الريال مسكين ههههههههههه بس زين قدرتي تيودين روحج عشان تطلع المفاجأه أحلى ،، ما شاء الله عليج الله يهنيج يارب ويخلي لج زوجج وعيالج :)

بعد باقي الأمهات نبي نسمع منكم

الصراحه كثر ما نسمع ما نشبع ههههههه ولا شرايكم؟

:groupwave: [COLOR="DeepSkyBlue"]حيـــــــــــــــاكمــــ [/COLOR]:sa31: :BOUNCE8:

الــحــااااااااااااااااااااااااااامـــل وصــلــت

:X_hell1:


ادخل بالسالفه على طووووووووووووووووووول ..

كانت الدورة متأخرة علي كم يوم وكنت اقوول لزوجي يمكن انا حااامل

وهو يقول لا بتاخر عليك مثل المرة الي طافت المهم سافر مع عمته لرياض عشان عندها موعد

وانا رحت لبيت عمي وكنت حاسه اني كله تعباانه ومكسله وقبل مايرجع من السفر بيوم واحد

سويت التيست حق الحمل في بيت عمي وطلع خـطـيـن قعدت أضحك

بالحمام (( الله يعزكم )) ورحت عندي بنات عمي ويقولوني ليش مستانسه ..؟؟

أنتي كلمتي اهلك إلي بالكويت قلت لا بس مستانسه :21_207:

المهم بذاك اليوم مانمت من الفرحه وكانت ايدي تاكلني ابي اتصل بزوجي

عشاان ابشره بس قلت لاااااااااا لما اكون معاه ابشره عشان اشوف فرحته بعيوني

المهم وصل من السفر ساعه وحدة إلا ربع لظهر ولما كنا في سيارة كان يسالني عن حالي

ويقووول لي مشتاااااااق لك مووووت .. قلت له بـــس ..؟؟؟

قال كلك على بعض مشتاااق لك <== مافهم قصدي هههههه

قلت له مو مشتاااق لـلـ بـيـبـي

هو سمع كلمه البيبي ماااقدر يسووق السياارة فديت قلبه والله :o

بعدين قعد يسالني شلون عرفت وليش ماقلت له من اول ماعرفت ومنو علمت

وبعدين قعد يعطيني نصااايح في التغذيه ..... إلخ

وبعد المغرب رحنا نسوي تحليل دم عشان نتأكد أكثر وبعدين رحنا للجمعيه نشتري

حلويات وعصااير وكاكاويات ورحنا لأهل زوجي نسلم عليهم ونبشر عمتي (( أم زوجي))

وكلمت امي بالكويت وبشرتها وطاااااااااااااااااااااارت من الفرحه فديت قلبها ..

وهذي سالفتي كلها والسمووحه طوولت عليكم بس والله هاليووووم ماراح انساااه كااان حلووووووووووووووو


وعقباالكم يالملاقيف اقصد يالعزابيات ههههههههههههههههههه


ومشكورة يالغلا على الموضوووع الناااايس :Za_thanx:


موفقه يالغلااا ...

.
.


مودتي ...

نفسي ربنا يرزقنى و أحمل و الله يابنات عارفه انه هيطير من الفرحة لانه نفسه اوي اجيب له طفل

ادعولي ربنا يرزقنى يا بنات انا و اللي مثلي

احم احم انا وصلت اقولكم كيف زفيت خبر حملي ....ههههههههههههه...لين تزوجت وربي اكرمني وحملت بقول لكم.........

السلام عليكم ورحمة الله وبركاته

يااااااااااااي ذكرتيني بأيام حلوه

أحنا كنا مخططين إذا حملت إن شاء الله علطول أنجهز غرفه للبيبي روووووووعه يعني بندلعه دلع لأنه تأخر علينا شوي هههههه

المهم الغالي كان مسافر والدوره متأخره عليه قلت أتريا يوم يومين ثلاث كملت 10 تيام ما شرفت ههههههههه
شو السالفه ........ المهم سويت إختبار الحمل وأنا موووول مب متوقعه أني بكون حااااااااامل لأنه كان حلم بالنسبه لي ولما شفت الخطين حسيت أن بيغمى عليه مب مصدقه ما أدري حسيت أني بحلم مستحيل يتحقق ما صدقت علطووووول أتصلت في أمي والدموع أربع أربع ما عرفت شو أقوللها وهي مستغربه شو فيج شو مستوي ويوم خبرتها تمت أتصيح مسكينه أستانست وايد الله يخليها لي إن شاء الله ....... بغيت اتصل في ريلي أبا أخبره بسرعه لكني ابا أشوف الفرحه في عيونه فقلت بسويها له مفاجآه يوم بي من السفر.

جهزت غرفة البيبي وخليته باللون الابيض الملائكي والأخضر الهادي طلع روووووووووعه وترست الغرفه دباديب ماسكه قلوب مكتوب عليها أنا أحب بابا

ولما يا زوجي من السفر استقبلته بالاحضان خااااااااطري اقوله عطلول بس خليته مفاجأه لين ما يوصل البيت ولما وصلنا البيت قلتله تعال حبيبي براويك مفاجأه حلوه

علطول خذته للغرفه ولما فتح الباب انصدم وقالي شووووو أنت حامل جان أنزل راسي وأقوله بحياء هيه وأقوله أنت
فرحان حبيبي قالي فرحان مب بس فرحان أنا بطير من الفرحه الله يخليه لي يااااااارب أشترالي بهالمناسبه طقم ألماس يجنن وبعد

7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7

أحم أحم شو رايكم بالقصه حلوه هههههههههههه
ما أردي شفت عمري فاضيه وبعد قلت أسليكم شوي خخخخخخخخخخخخ

الله يرزقني إن شاء الله وكل الزوجات بالذريه الصالحه قولو آميييين

هنوده

موضوع روووعه

اعلمكم بعدين لساتني بنووووته :o:o

داخلة لقافه

بس وين المتزوجات

بصراحه مره سؤالك يجنن انا متزوجه ولسه مافي حمل انشاء الله يوم احمل اقول لكم

تسلمي اختي على الموضوع
كانت ردة فعله جدار قيقه وناعمه
في البدايه اكيد طار من الفرحه وفي الليل عزمني على العشاء
وقدملي هدية بسيطة

ام الجادل
هلا وغلا،، والله حلووووووووووووووووووووووووووووووو لما قلتي له "مو مشتاق للبيبي" ،، استانست على قصتج ههههههههههه الله يهنيكم يارب ويبعد عنكم الحساد ويحفظ لج عيالج ان شاء الله

موري2
ياااااااااااااااااااااااااااااااااااااااااااارب ارزقها بالذريه الصالحه وفرح قلبها،، حبيبتي عليج بالدعاء والاستغفار والله كريم

ماريا
ههههههههه وانا صدقت بعد،، الله يرزقج بالزوج الصالح بس مو تنسين تخبرينا :wink:

هنوده1
وعليكم السلام ورحمة الله وبركاته
اندمجت في قصتج واااااااااااااااايد،، بس صج صج صج عجييييييييبه الحركه يعني ما أتخيل ردة فعل زوجج لما شاف الغرفه،، الله يهنيكم يااااااارب ويحفظ لكم عيالكم :)

روح مغليها
دموع بلا عيون

أهلين بنوتات،، الله يرزقكم بالزوج الصالح اللي يحبكم ويدلعكم :)


تووم
الله يرزقج بالذريه الصالحه يااااااااااااااااارب وشكرا لمشاركتج :)


ام عيون كحيله
الله ياسلاااااااااااام ما شاء الله عليكم،، الله يوفقكم ويحفظ لكم عيالكم

مازلنا ننتظر باقي الأمهات :)

الحمدلله على كل حال أنا في حملت مرتين وبالمرة الأولى خبرته بنفسي وكان مبسوط وباركلي وبالليل رحنا على طول للعيادة حتى نتأكد من وضع الجنين والحمدلله كل شيء كان تمام والمفأجاة إن الجنين كان توأم بس الله ما راد أن يستمر الحمل وسقطت وبعدها بثلاث أربع أشهر حملت وخليتله التحليل ولما شافه إنبسط كثير حتى أكثر من حملي الأول حسيت وكان يهتم في أكلي ونصائح على طول بس كان في خوف مع الفرح وهم الله ما راد يستمر الحمل والحين صارلي ستة أشهر من سقطت الحمل الثاني إدعولي بالحمل السليم والله يحفظ جنيني من كل مكروه وأشوفه سالم معافاه وحظنه وأبوسه وأشم ريحته

والله قلبي يحن لكلمة ماما وحاسه إن زوجي في هذه الفترة صار نفسه بالبيبي كثير أكثر من أول
من كلامه حتى أهله والله يقطعلي قلبي لما أشوفه يقولي فلان ينتظر مولود

الله يسهل علي ويرزقني بالذرية الصالحة

هلا فيج عمانيه
الحمدلله على كل حال وان شااااااااااااااااء الله يااااااااااااارب تحملين وتولدين وتشوفين ولدج أو بنتج ويفرح قلبج وقلب زوجج آمين
انتي بس حاولي ماتعبين نفسج فترة الحمل وخاصة أول الأشهر وتابعي دايما مع دكتوره وبإذن الله كل شي بكون تمام التمام

وين باقي الحلوات؟ شاركونــــــــــا