تصويت لأفضل مزيل رائحة عرق علشان الكل يستفيد

السلام عليكم و رحمة الله تعالى و بركاته،

شكراً يا سماسم على فتح هالموضوع و الصراحة عندي خبرة مع عدة أنواع و بقول ليكم عن مميزات كل واحد منها ...

من زمان إستخدمت عدة أنواع منها mum و منها sure و أعتقد بعد ريكسونا و أنواع أخرى بس ما كانت مريحة وايد .. أما أنها تسود أو تبقع في الملابس أو ما تتحصل في كل مكان أو ما يستمر مفعولها لمدة طويلة ... بس بعدها جربت أنواع ثانية زينة و حبيتها و أحب أشرح لكم عنها

كنت أستخدم ألوي فيرا من بودي شوب على هيئة رول الصراحة كان زين و ريحته حلوة و خفيفة و يمنع الرائحة لمدة طويلة (طول اليوم ) و ينشف بسرعة من بعد ما تحطينه و ما يسود و لا يهيج البشرة بس مشكلته إن كل يوم و الثاني أشوف يرفعون سعره فبعد ما كنت أشتريه بـ دينارين و سبعمئة أو تسعمئة تقريباً مو متذكرة عدل وصل سعره قريب من الأربعة دنانير و حالياً ما أعرف كم وصل سعره و بعد لازم أتعنى و أروح للبودي شوب عشان أشتريه فأحياناً يكون في صعوبة في الأمر

لما رحت الحج كنت أدور على نوع يكون بدون رائحة و جربت نوع إسمه سانكس Sanex و إكتشفت إنه ممتاز بنفس المميزات السابقة لديودرنت البودي الشوب إللي قلت لكم عنه و بعد في منه عدة روائح مو بس بدون رائحة و الميزة الإضافية إنه سعره رخيص أقل من دينار واحد (أعتقد إنه 800 فلس أو 900 فلس) و في منه رول و سبراي و متوفر بشكل أكبر عند معظم السوبرماركت و كنت أستخدم السبراي لأن طبعاً ينشف وايد أسرع بس الظاهر إني متعقدة من الحر إللي عندنا فأرش كمية كبيرة و أخلص العلبة الوحدة في أقل من إسبوع يعني ما يعمر وايد عندي

إستخدمت بعد نيفيا بخلاصة اللؤلؤ .. بعد زين و سعره مناسب و متوفر في كل مكان بس إللي ما حبيته فيه إن السبراي يفطس لما تستخدمينه يظل ريحته أو الرذاذ ماله في جو المكان و أظل كاتمه نفسي بس بعد يبقى لمدة طويلة شوي فيزعجني هالشي وقت إستخدامه

جربت بعد نيفيا الرول الشفاف هو زين و مو سيئ بس مشكلته إنه ما ينشف بسرعة ياخذ له شوي وقت و ريحته مو سيئة بس عادية

حالياً أستخدم هكس مثل ما قالت الأخت أم بودي الصراحة ممتاز كل المميزات الزينة إللي ذكرتها عن الأنواع السابقة الذكر بس بالإضافة إلى ذلك حلو إنه ريحته وايد خفيفة وحلوة و ينشف و ما يبقع في الملابس طبعاً و سعره دينارين و 700 تقريباً بس علبة وحدة تكفي تقريباً لطول الشهر يعني سعره فيه و قبل كم يوم بعد كنت أتكلم مع وحدة صديقتي و كانت تمدح لي في الديودرنت إللي تستخدمه و تقول إنه ممتاز و بعدين إكتشفت إن نفس النوع إللي أستخدمه و هو هكس

موضوعك حلو وياليت تعملون مثله على منتجات البشره لان بشرتي
محروقه من الشمس من دوام الجامعه وعن مزيلات العرق انا استخدم
بالبابونج من بودي شوب.

إستخدمت بعد نيفيا بخلاصة اللؤلؤ .. بعد زين و سعره مناسب و متوفر في كل مكان بس إللي ما حبيته فيه إن السبراي يفطس لما تستخدمينه يظل ريحته أو الرذاذ ماله في جو المكان و أظل كاتمه نفسي بس بعد يبقى لمدة طويلة شوي فيزعجني هالشي وقت إستخدامه

هذا الي استخدمه
ريحته عجيبة ..

جربو هيربل من زهور الريف روعه

انا بستعمل دوف الي بغطاء ازرق و نيفيا الي اللؤلؤ

بس انا بستخدم الشبه ويكون معاها مسك وزيت اللوزالحلو قطرات بس

وجلسرين ونشاوبودرة اطفال من جونسن وكلها تنحط ع النار شوي لحد ماتثخن

وبعد كذا نحطهافي علبه هذا بعدماتدفى وبعدين احط فيها شوي من العوده واخلطها

مع بعض وعاد تستخدم بصراحه مره حلوه

وعندي مزيل عرق برايدمن نكتار حلو

وفي طريقه ارتاح لمااستخدمها هي ليمون وبعد مايجف طبعالاتمسحي بس تنعصر اشوي

وبعد مايجف تحطي زيت جونسون للاطفال

يابنات والله تطلع ريحتك زي البودره بيبي وتجلس لليوم الثاني وبعدين مامنهامضره

ولوعندك فرح اومناسبه مره تنفع وعادي لوحطيتي عوده فوقها تثبت

وللمعلوميه بصراحه انامرررررررره مايطلع مني ريحه ولله الحمد بس احب أأمن نفسي

اتمنى افدتكم:21_207:


واشكرك اختي على موضوعك الرائع:9_28:

كنت استخدم الشبة وارتحت عليها .. بس قالو انها مب زينة

حالياً استخدم (( لويس ويدمــر )) والصراحة عجيب ما يسود المكان بس غالي شوي ... موجود فالصيدلية بس

انا من سنين استخدم مزيل رائحه دووف وايد مرتاحه له والحمد لله ما قط شكيت منه
بالعكس مرة قررت اغير المزيل وما اذكر شو استخدمت ولاحظت انه سوالي اسوداد قلت لا تغيير ولا بطيخ خليني على دوووف احسن

أحسن شي الليمون

من معلوماتي انها مزيلات العرق اللي تمنع التعرق ضارة بالجسم خاصة المكتوب عليها..anti-prespirant
أنا ما أستخدم الا الليمون مع اني أداوم و أمشي بالشمس لكن لا رائحة عرق مطلقا أنصحكمتستخدموه

و كان عندي سواد بالمنطقة فتحت مع استخدام الليمون لكن لاتستخدميه مباشرة بعد الازالة لأنه يحرق..

افضل مزيل للعرق هو من VICHY
ميزته انه خالي من العطور ومع الوقت تفتح المنطقه بشكل واضح

انا استخدم دوف الكريم الخاص بازالة العرق برضه اللي غطاه ازرق مرررررررة فضيع حتى اذا عرقتي يطلع ريحه كريم دوف

روح امه مشاري;6415807:
انا استخدم دوف الكريم الخاص بازالة العرق برضه اللي غطاه ازرق مرررررررة فضيع حتى اذا عرقتي يطلع ريحه كريم دوف

...(y)

أهلين أخواتي الحلوين .................

هذيان
أم سلمان الحلو
نه نه
الدلوعه
لميس
دنه الدلوعه
المغادير
حنان الهاجري
بدايه
روح أمه مشاري
totano
cute ketty
sitto

شكرا لمروركم الرائع وتفاعلكم في هذا الموضوع الهام تمنياتي للكل بالإستفاده مثلما استفدت من معلوماتكم

القيمه..........................

لوكستيان عجيب

انا سمعت ان هو ليدي سبيد ستيك يحبس العرق ويقولون مب زين وتسبب سواد وامراض بس انتو تاكدو فقوقل مع اني استخدمها ومشكلتي ماقدر اغيرهاا

كل شهر اغير نوع المزيل الي أستخدمه

انا استخدم هذا المزيل الصراحه روعه ماراح تندمون
Lady Speed stick
,
وهذي صورته ماعرفت اصغره

انزين ما في يا بنات مزيل العرف وفي نفس الوقت يكون مبيض

طيب كيف اعرف انه يحبس التعرق وش هي الكلمة اللي لين قر يتها اعرف انه يحبس التعرق ؟؟؟؟