اقلطوا امهات البحرين وعيالكم الحلوين مع عباسي وسارونا فى شقتنا

جعفرية شخبارش غناتي ؟؟

سلااام امهات حلوات؟؟

صباح الخير قبل الاذان نشوف اخباركم؟؟

جايني ارق اسمله عليكم من الساعه وحده منبطحه على السرير ولانمت !!

جيت اشوف اخباركم من شفت الساعه ثلاث قلت اقوم احسن للصلاة لايجيني بليس يخليني انام وقتها

وشخباااااركم بعد؟؟

تسلمي منووور على العزيمه الحلوة صدق ماتعشيت اليوم بس ماقدرت على بوفيهش

ياويلي جح ومانجا مقصص دبحتونا !!

اني بعد خاطري في السعوديه عدل مدل !! ان شاء الله اروح هالشهر وتروحون اي مجمع حق التخفيضات؟؟

:
:

اهلا ام اتامي .. احنا بخير الحمدلله ، قومي صلي هكو أذن !

ملووكة .. يتراوى ليي انتظري تخفيضات آدمز و نكست و ليدي بيرد و تاب الويا ، لان هالمحلات عندهم يسوون تخفيض عدل ! و مري على سمينا بنفسك بعد .. ما بتخلص الاشياء الا عنده !

اني عادة رحلتي الى السعودية في كل مرة تبتدي بالثقبة نروح نتغذى في ملك المندي !

بعدها على طول العلواني بعد في الثقبة .. احصل فيه اشياء حلوة و من ماركة نكست ! و طبعا ثياب البنات هناك روووووووعة و تشكيلة نكست للبنات كلها عنده !

و بعدين مجمع الظهران .. و بعدها طابا ..

احيانا نروح الدمام .. زوجي يروح محل اعشاب في الحياة بلازا .. بعدها سيتي ماكس .. و بس !

أكوو أذن

هلا ام تامي

يلا بقوم أصلي

هلا هلا خيوو ام سيوود ..دومز ان شاء الله

ايي خب الاذان كانه في شقتنا لانه المسجد قبالنا

والله حلوه رحلتكم للسعوديه بس هالمنطقة (الثقبه!!) مااعرفها ؟؟

شوقتيني اروح نفس خريطتش ان شاء الله

يالله نشوفكم على خير ... مع السلامه

ام تامي احنا بعد المسجد ورى شقتي بالضبط ونسمع الاذان واضح

الله وياكم !

ما يميزني لقب ما دخلت اليوم

هادي حزتهااااا حق الهدره خخخخخخخخخخخخخ

سلام شخباركم

الجوهرة اخذت الجزء مشكورة حبيبتي

امس وقت التلفون على الساعة ثلاث وربع عشان اقوم اصلي اوتعيت قمت شلت فطوم نايمة بحضني وديتها لسريرها وقعدت ابو الشباب ونمنا ماقمنا صلينا والله حالة اوووف ياربي متى اقدر اسيطر على روحي واقوم لصلاة الصبح

امس تحايلت على ابو الشباب وخليته يطلعنا قال تبين عشى قلت ليه تعال ودني وياك ناخذ عشى ركبت ويه الجهال حتى الكرسي مالهم ماركبه ورحنا في السوق تبدلت وجهتنا يبي يودينا ممشى عالي وغوانا شفت اني انه تبدل الطريق بس ماادري هو وين اصلا بيروح بعدين قال لي قلت ليه مب من هنية وتمينا نفارر لين طلعنا رد الا يقول بنروح الحديقة الي في الدوار الثاني قلت ليه من قال لك عنها قال اشوفها على الكوبري احترت اني كوربي والدوار الثاني قلت يالله بنشوف فاااارررناا لين دار راسنا واليهال خب ناموا من زود المداور بعدين قلت ليه ليش مانروح حديقة الدوار الخامس اقول ليه وايد ناس يقولون حلوة رحنا بسرعة وصلنا ماتغوينا الا يقول لي هي الي من ساعة اقصدها خخخخ لعبناهم شوي يمكن نص ساعة وردينا البيت سبحتهم ومشطتهم عاد فطوم على مدام اسبح اختها ماجيت ليها الا كشتها للسقف اقول ليه شلون وين الشعر المسبط الا هي حسات فيه بالمشط وكشكشته تضحك صارت بعد ماخلصت الا قول اليه احس بعد في ولد ثالث لازم اسبحه الا يقول لي هاب عندش النشاط قلت ليه الظاهر واخذت زنوب انيمها واني اعطيها الحليب تميت اجبي قلت بيه حسدني خخخخ مسرع مانامت حطتها على السرير واخذت فطوم ونميتها وياي لانه مب جاينها نوم وكلحين تبي تنط على اختها

صباح الأنوار ،،، شخبارك امهات واخبار عيالكم

الجوهره وايد فكره حليوه فكرتش بس عندي اقتراح لو ننوع في انه بدل ما تكون بس حق الإمام المهدي مره ثانيه تكون حق إمام ثاني ويش رايش ،،، ويله اني بعد انظم وياكم بس خبريني اني اي جزء

الله يساعدش ام فاتي وزيزي ،،، احس بمعاناتش اني وحده والله العوين جيف انتين إله فنتين بس اكيد شي حليو له

اني بقوم اريح انام شوي مدام بتول راقده لانه البارحه كنت وايد تعبانه واحارسها ترقد عشان اقطر عيونها بس رقدت واهيه بعديها بس إلي اذكره اني رضعتها وله ادري متى رقدت

دعواتكم لبتي إنه يخف عليها الزكام

الله يشافيها يارب واعطيها سؤال وايد لانه الزكام يستنزف سؤال الجسم

ايه تعب بس احلى تعب ياختي وواالله كفاية لما يقولون ماما والله الدنيا ماتسعني ياربي يحفظهم لي ويبلغني فيهم عرايس يارب

صباح الخير