احزنتني ........ وش اسوي لها

ا

احلى عروووس

عروس مشاركة

07-06-2008 | 11:56 PM

هي صديقة وعزيزة وجاتني تشتكي حالها لي ....
صديقتي بدأت تسرد قصتها علي..... تقول كنت معززة ومكرمة عند اهلي واعيش في مستوى مادي طيب وكنت ابني احلام وطموحات على فارس احلامي المبجل وكنت اتصور ان الرجل الذي سأرتبط به بنفس درجة رومانسيتي حيث انني كنت اقرض الشعر ولدي محاولات في الكتابة وبصراحة اكثر لم اكن احلم بمال وجاه بل كنت احلم برجل يغدقني رومانسية وحب وحنان 00 لأني فقدت والدي وانا صغيرة 00 وتقدم فارس احلامي ووافقت عليه حيث انه مبسوط ماديا ورجل كما يبدو لنا بمعنى الكلمة 00 وتم الزواج بموافقتي وقناعتي ومن اول ليلة بدأت اصتدم بالواقع المرير الذي لم اقتنع به بالرغم من مرور عدة سنوات 00 وهو ان الرجل الذي تزوجته لا يعرف الرومانسية واعتقد انه لم يسمع بها من قبل ؟
قالت لي : تخيلي هل هناك رجل يدخل على امرأة اول مرة في حياته لايحدثها الا كلمات بسيطة ثم يمسك الريموت ويتفرج على التلفزيون
وكنت انتظر رجلا يرى فتاة جميلة وتلبس ثوب الزفاف ويتغزل بها -- ولكن لم يحدث . وعندما ارادني للنوم معه فقط تحدث وكل شي دار في تلك الليلة بصمت ؟
وحتى الأن مع اني اتغزل فيه محاولة مني لجعله ان يعمل مثلي ولكن لم يتأثر ولم يتغير

بادرتها قائلة كيفي نفسك مع هذا الوضع ولكنها رفضت وقالت والله بالرغم من مرور عدة سنوات لم اتكيف على هذا الوضع ولا زلت احاول ولكن لم ينفع معه جميع المحاولات وطلبت مني حل لمشكلتها
وانا بدوري اعرضها عليكم وكلي ثقة في ارآكم

أ

أهوى الأصل

عروس نشيطة

08-06-2008 | 12:21 AM

الله المستعان مادري شفيهم رجاجيل هالايام كان ما عندهم احاسيس او مشاعر
عليها بالمحاولة وعدم الياس وتشتريله كتب رومانسيه وتهديها له وتصارحه انها تي تسمع منه كلام حب وغزل

ا

احلى عروووس

عروس مشاركة

08-06-2008 | 12:33 AM

مشكورة حبيبتي والله هي ما قصرت بس النافع الله

ن

نورا83

عروس مبدعة

08-06-2008 | 01:38 AM

للاسف ياأختى المشاعر الحاجة الوحيدة الي مايقدرش حد يشحتها

اسأل الله العظيم ان يفرج كربها

U

Um.Abdullah

عروس فضية

08-06-2008 | 03:16 AM

اختي في كتاب اسمه همسات وردية في الحياة الزوجية، كتاب عجيب وقريته كله في يوم واحد، وزوجي نفس الشي، لانه فيه قسم للمرأة وقسم للرجل... زوجي طبعا قراه وخلصه واعطاني ياه، وقال لي انا اسف في اشيا ذكرها الكتاب انا ما كنت منتبه عليها... فعقب ما قريته خنقتني العبرة وقلت لهالدرجة انا مقصرة ويا زوجي!
انصحج تهدينها الكتاب وتهديه لزوجها بكل لطف كهدية بسيطة وتترجاه يقراه، ولو حصلتي كتب ثانية لهالكاتب في نفس الموضوع اخذي لان كلامه جداااااااا جميل...
ولا تيأس... خليها تحاول، مع الوقت بلين، ولا تقولين لها تتعود عالوضع وخلاص، بالعكس، لازم تقولين لها استمري الين ما تنسين اسمه، دوم ناديه حبيبي، قلبي، حياتي، اليييييييييييين ما تنسين اسمه...
صدقيني بيجي اليوم اللي بيلين فيه...
والله يعينها

y

yehia2007

عروس مشرقة

08-06-2008 | 04:09 AM

Um.Abdullah;6264521:
اختي في كتاب اسمه همسات وردية في الحياة الزوجية، كتاب عجيب وقريته كله في يوم واحد، وزوجي نفس الشي، لانه فيه قسم للمرأة وقسم للرجل... زوجي طبعا قراه وخلصه واعطاني ياه، وقال لي انا اسف في اشيا ذكرها الكتاب انا ما كنت منتبه عليها... فعقب ما قريته خنقتني العبرة وقلت لهالدرجة انا مقصرة ويا زوجي!
انصحج تهدينها الكتاب وتهديه لزوجها بكل لطف كهدية بسيطة وتترجاه يقراه، ولو حصلتي كتب ثانية لهالكاتب في نفس الموضوع اخذي لان كلامه جداااااااا جميل...
ولا تيأس... خليها تحاول، مع الوقت بلين، ولا تقولين لها تتعود عالوضع وخلاص، بالعكس، لازم تقولين لها استمري الين ما تنسين اسمه، دوم ناديه حبيبي، قلبي، حياتي، اليييييييييييين ما تنسين اسمه...
صدقيني بيجي اليوم اللي بيلين فيه...
والله يعينها

المشكله مش فى الكتب المشكله فى اللى يقرا وينفذ

س

سمااا نسيااان

عروس مبدعة

08-06-2008 | 04:21 AM

انا بتكلم بصراااحه وبدوون زعل

غالبيه البنات قبل الزواج ترسم فارس احلامها انه ر وووووووووووووووووووووومنسي

بالعربي الفصيح مثل مهند مع نووور

وربي استغرب منهم

البعض منهم بعد الزوااج ترضى بالمقسووم وتنسى الاحلام الي كانت عايشه فيها
والبقيه تحس ان حياتها انتهت لان زوجها مو رومنسي !!!

حبايبي طبيعه الرجل الشرقي جاااااااااااف

مع انهم الان في تقدم ويحولون يصيرون رومنسين

والعجب العجاب اذا طلبت الطلااق لان زوجها مايعرف الرومنسيه او انه ماعنده فن في الفراااش

والله اعرف وحده تطلقت ماجلست معاه الا شهر وطلبت الطلااق وربي طاااااااااحت من عيني يوم قالت لي الاسبااب

مهما كان حال زوجك حاولي تشوفين النقاط الايجابيه فيه وتتغاظين عن السلبيااات

ماقول الوحده لازم تيأس تحاول معاه بس بدون ظغط

ورجااائي من كل البنااات يحاولون يلغووون فااارس الاحلاام الخرااااااااافي

لانه وللأسف مو موجود الا بلأحلااام الورديه بس

#

#روحـ مغليها#

عروس ماسية

08-06-2008 | 04:33 AM

الله يكون بعونها
مالها الاالصبر
الله يسخرلها

ا

احلى عروووس

عروس مشاركة

08-06-2008 | 06:59 AM

الله يعطيكم لعافية حبايبي ومشكوريين على الردود

u

umjana79

عروس ركن قضايا و حلول

08-06-2008 | 10:01 AM

السلام عليكم ورحمه الله وبركاته ..

اختي الكريمه .. شاقولج... مثل ما قالوها الاخوات ... ماقدر اعطيج امثله وايد .. لكن ابسط مثال حي جدامج هو انا ...

تصورت وتخيلت في الزواج .. أني بكون على ر احتي وعلى نفس المقدار من الحريه يوم كنت ببيت اهلي... اول سنه زواج .. وبعض الاحيان من الوقت الحالي .. حسيت ان حريتي قوضت .. وفترات حسيت اني بفتره سجن !! ...

امور كثيره حدثت .. قعدت اعيد التفكير واقول هذا هو الزوااج .. الي طالعين فيه .. وطبعا لمن ترجع المياه لمجاريها ... يصير كل شي حلو ... ونحس بمدى صغر المشكله ...

عموما اختي افتقار الحوار بين الزوجين .. لمن يوصل إلى ساعات .. مافي كلمه وحده تطلع .. يتطلب التضحيه من الطرفين والاغلب من الزوجه .. يعني ..

ابحثي عن اهتماماته .. كوره .. سياسه . جرايد .. مجلات .. سيارات .. خيول ( من احد اهتمامات زوجي ) ... البحر الصيد ... شوفيها .. وأبدأي الكلام .. عنها ... قصه مهند ونور . ايضا لا تخلو من المنغصات . ولو دققتو بالمعنى شان شفتي ان المشكله تنتهي لمن يتنازل احد من الطرفين .. عشان الحياه تمشي ويعيشون.. وصلت فيهم المرحله للطلاق .. ورجعو تزوجوا.. يعني الحياه تمشي لا تموت ..

في ناس تموت الحياه الزوجيه عندهم بعد انجاب الاطفال ... ليش .. لان المرأه تنشغل عن زوجها .. بالتربيه .. وتنسى اهم شي في سبب الاطفال وهو الزوج..

اختي غاليتي ... حاول ان تنظري لايجابيات زوجك ... واصبري .. فمشكلتك مع زوجك .. برأي الخاص .. ارحم بكثير من مشكلات نظيراتك .. وتصفحي الركن وشوفي ...

الله يهنيج ويهدي الامور

ا م جنى

&

ღ فجر البشيري ღ

عروس ماسية

08-06-2008 | 03:19 PM

حبيبتي انا حااااااااااسه فيها لكن الرومانسيه مو الاساس اللي تقام عليه

الحياه الزوجيه في اشياء اهم بكثير منها وهي التفاهم والموده والمحبه والعطاء

في رجاااااااااال كثير يحبوا زوجاتهم لكن يخونهم التعبير عن ذالك الحب

U

Um.Abdullah

عروس فضية

09-06-2008 | 10:12 PM

سمااا نسيااان;6264975:

انا بتكلم بصراااحه وبدوون زعل

غالبيه البنات قبل الزواج ترسم فارس احلامها انه ر وووووووووووووووووووووومنسي

بالعربي الفصيح مثل مهند مع نووور

وربي استغرب منهم

البعض منهم بعد الزوااج ترضى بالمقسووم وتنسى الاحلام الي كانت عايشه فيها
والبقيه تحس ان حياتها انتهت لان زوجها مو رومنسي !!!

حبايبي طبيعه الرجل الشرقي جاااااااااااف

مع انهم الان في تقدم ويحولون يصيرون رومنسين

والعجب العجاب اذا طلبت الطلااق لان زوجها مايعرف الرومنسيه او انه ماعنده فن في الفراااش

والله اعرف وحده تطلقت ماجلست معاه الا شهر وطلبت الطلااق وربي طاااااااااحت من عيني يوم قالت لي الاسبااب

مهما كان حال زوجك حاولي تشوفين النقاط الايجابيه فيه وتتغاظين عن السلبيااات

ماقول الوحده لازم تيأس تحاول معاه بس بدون ظغط

ورجااائي من كل البنااات يحاولون يلغووون فااارس الاحلاام الخرااااااااافي

لانه وللأسف مو موجود الا بلأحلااام الورديه بس

فعلا كلامج صحيح
بس حبيت اوضح شي...
انا واعوذ بالله من كلمة انا قبل الزواج ما كنت افكر فيه كثير لكن كنت اهيئ نفسي له، يعني اقول في نفسي لا يمكن ان يجيني فارس احلامي الرومانسي الهادي الحنون اللي دوم قاعد وياي ويوديني ويجيبني ويسولف لي، لا يمكن هالشي يصير... وكان هدفي اني لو تزوجت ابني اسرة لا اني اعيش قصة رومانسية من قصص الف ليلة وليلة... وبهالطريقة ما راح تنصدمين بالواقع ولا راح تتضايقين من اللي راح يصير لج... وبصراحة صديقتج لازم ترضى باللي عندها وخلها تشوف الناس اللي حالهم اخس من حالها، انقلي لها قصص البنات هني الله يعينهم وخليها تقارن وتشوف، هل هي احسن منهم والا لا؟؟
والله يعينها، وخليها تحاول بس ما تيأس

ا

اخت اختها

عروس مشرقة

09-06-2008 | 11:55 PM

ممكن انها تقعد مع زوجها جلسة مصارحه وتوضح له ايش العيوب اللي هي ماتحبها فيه
وتسأله ايش اللي هو مايحبها فيها
وبكذا هي تعرف الاشياء اللي يحبها واللي مايحبها
وبإمكانها هي انها تعلمه اشياء اللي هي تبيه منه كحقوق زوج لزوجته
والامر سهل مو صعب لو هي حاولت
والله يسعدهم ويعيشوا حياة سعيده ياااارب