مشكلة البلوتوث في اللاب توب

هذا التعريف لجهاز الـ Bluetooth

Dell Wireless 355 Bluetooth Module Bluetooth 2.0 + EDR

ويندوز XP:
تحميــل ( الحجم 34 MB )

ويندوز Vista:
تحميــل ( الحجم 44 MB )

# من موقع شركة Dell


->-> تأكدي من خطوات الإقتران و الإرسال بشكل صحيح (i)

وسامحوني أصووله ووردة تعبتكم معايه

الله يجزاكم كل خير

وينولكم اللي تتمنون يارب

لوٍن المطرٍ;6279358:

مشكورة ياقلبي والله يجزاك كل خير

بس حابه اسألك

أنا جهازي كان فيستا انجليزي

وحولته xp عربي

احمل xp عادي ؟ وسهل تعريفه والا لا ؟


مافهمت وش قصدك :(

وياك اختي (f)

حولتي النظام ،، قصدك سويتي فورمات و عقب ثبتي الـ XP و إلا كيف ؟!

عموماً ..

روحي لـ إبدأ -> تشغيل -> اكتبي dxdiag ثم Enter

إذا نظام التشغيل Operating System طالع عندك XP ثبتي التعريف الخاص بـ XP و الـ Vista للـ Vista..


بالنسبه للإقتران أقصد عملية الاتصال ما بين الجوال و الابتوب بواسطة البلوتوث بالتالي تتم عملية الإرسال و الاستقبال من غير مشاكل (i)

عشان نرسل من الجوال إلى الكمبيوتر أو العكس لازم كل واحد منهم يتعرف على الثاني :D

في بعض جوالات النوكيا تروحي لـ القائمه -> الضبط -> التوصيل -> Bluetooth ( ممكن جوالك يختلف )

تأكدي إن البلوتوث شغال و أن الخيار ( إمكانية رؤية هاتفي ) مرئي دائماً = عرض للجميع

ثم انزلي للأجهزه الموثوق بها -> جديد

راح يبحث عن الجهاز بعدها تطلع لك الرساله تم العثور .. اضغطي على ( وثوق )

يطلب منك كلمة مرور أكتبي اي كلمه ،، راح تطلع عندك رساله باللابتوب تطلب كلمة المرور استخدمي نفس الكلمه و اقبلي و خلاص تم الاتصال (y)

طبعاً .. لازم يكون البلوتوث بجهازك ( اللابتوب ) شغال و عشان تتأكدي اضغطي بزر الماوس الأيمن على ايقونة البلوتوث عندك بصينية النظام ( جنب الساعه ) و تأكدي انه ممكّن Enable و ليس معطّل Disable

لوٍن المطرٍ;6279334:

مشكورة ياقلبي

وجهازي نوعه دل xps m1330

انزين جربتي التعريف اللي عطتج اصيلة ؟؟ ضبط او لا؟

لوٍن المطرٍ;6285014:

يارب يسعدكم

أصوله أنا حملت التعريف

وبالنهاية طلع ليه هالمسج



و بيستقبل اللاب توب من أي جهاز ثاني

بس ماأقدر أرسل أي شي من اللاب توب إلى أي جهاز جوال أو لاب توب ثاني

وبيطلع ليه هالرسالة

انزين اباج تتبعين هالطريقة

بندي الجهاز وبندي البلوتوث

وعقب بطلي الجهاز وانتظري لين يفتح

وعقب شغلي البلوتوث ،،، بتلاحظين ان صورة ايقونه البلوتوث بتظهر فالتاسك بار

وعقب اعملي رايت كليك ع صورة مثلاً واختاري فto blutooth ولا تختارين send to

ثم اختاري search for other Devices

ثم اضغطي search
او Browse

وبس يظهر لج الاسامي اختاري اسم الجهاز ثم شيلي الاشارة اللي تطلب وضع كود

ثم ارسال

يللا جربي وخبرينا بالنتيجة

بس اتبيعها بالتفصييييييييل

بس ملحوظة هااااااااامة : سكري جهازج Turn off وليس Hibernate او stand by

لوٍن المطرٍ;6286459:

للأسف ماتطلع ليه نفس الخيارات :confused:

يئست إنه يشتغل

العذر منكم وردة وأصوله

تعبتكم معايه والله

الله يجزاكم كل خير

اوكي الغالية صوري لي الخيارات اللي تظهر لج

خلاص انسي التعريف لأن التعريف اللي بجهازك طلع أحدث من التعريف اللي عطيتك و الأحدث دائماً أفضل (i)


لون .. يمكن و انتي ترسلين حولك جهاز بلوتوث مفتوح غير جوالك و لابتوبك !! :rolleyes:

شوفي .. قفلي البلوتوث في الاثنين ( الجوال و اللابتوب ) و اعيدي تشغيل الكمبيوتر و ارجعي شغليهم و جربي ارسلي :D

لون .. يمكن و انتي ترسلين حولك جهاز بلوتوث مفتوح غير جوالك و لابتوبك !!

شوفي .. قفلي البلوتوث في الاثنين ( الجوال و اللابتوب ) و اعيدي تشغيل الكمبيوتر و ارجعي شغليهم و جربي ارسلي

لا والله مافيه جهاز بلوتوث ثاني شغال

بس مافيه فايدة

تعبني جهازي وتعبتك معايه

عزيزتي في هالصورة اختاري Add a bluetooth Device



وصوري لي اللي بيظهر ،، ماعليه بنتعبج تصوير :)

نقول بسم الله الرحمن الرحيم

عزيزتي راح نجرب هالطريقة ،، وان شاء الله هالمرة تضبط ،،، واتبعيها بالتفصييييييييييل


*** اولاً : اقرأي الكلام كامل وعقب طبقيه
------------------------------------------------
اذهبي الى هالمسار :ابدا----------------- لوحة التحكم------------------------------إضافة وإزاله البرامج


إبحثي عن التعريف البلوتوث وأختر إزاله

بتظهر رسالة ،، تؤكد حذف البلوتوث

إضغط على نعم


الآن .. قم بإعادة تشغيل الجهاااز ..
بعد ما يفتح الويندوز لازم ننتبه لنقاااط الجاايه ..
1- لا تقوم بتشغيل البلوتوث الآن أو توصيلهاا إن كانت خارجيه ..
2- أبدأ بتنصيب برنامج البلوتوث من الأسطوانة " دون أن تشغل أو توصل البلوتوث "

دام ما عند الوصلة ،، خذي هذا التعريف

و عندما يطلب منك تشغيل قطعة البلوتوث فــلا تقم بتوصيلها و أضغط " Cancel " لإنهاء عملية التنصيب.


3- بعد انتهاء عملية التنصيب السابقة ......... قم بتشغيل أو توصيل البلوتوث واترك الوندوز يقوم بتعريفها كما يشاء وهو سيقوم بتعريف " Generic bluetooth driver " أو أي شيء أخر لايهم.

4- وبعد ذلك إفعل الآتي ..
كما بالصور ..
أبدا

جهاز الكمبيوتر

بالزر الأيمن نختار خصائص





















--------------------------------------------------------
ملحوظة: شرح الطريقة منقووووولة


بس لا تنسين اتبعي الخـطوات بالتفصييييييييييييييل

ياقلبي ياوردة الله يسعدك دنيا وآخرة يالغلا

اليوم اشتغل معايه بطريقة مختلفة عن طرق الارسال اللي بنرسل فيها

بس شي احسن من لاشي

يارب يحفظك وينولك اللي تتمنين

لوٍن المطرٍ;6295801:
ياقلبي ياوردة الله يسعدك دنيا وآخرة يالغلا

اليوم اشتغل معايه بطريقة مختلفة عن طرق الارسال اللي بنرسل فيها

بس شي احسن من لاشي

يارب يحفظك وينولك اللي تتمنين

اللهـــــم آمين ولج بالمثل ان شاء الله

اتمنى يالغالية تكتبين الطريقة اللي اشتغل فيها عندج البلوتوث حتى تعم الفائدة للجميع

ودمتـــِ بصحة وعافية

من جهاز الكمبيوتر بعدين بلوتوث

وبختار

view devices in range

ومنها بيسوي بحث ع الاجهزة الموجوده

وبعد مايطلع اسم الجهاز بضغط دبل كلك


وبفتح الملجد اللي بنفس اسم الجهاز obex file


وبسوي قبول للاقتران

وبينزل جميع ملفات جهاز الجوال اللي طلبت الاتصال فيه

وبالأخير بنسخ الصور أو المسجات أو الوسائط اللي عندي

وبلصقها بالمجلد المناسب بمجلدات الجوال

إن شاء الله يكون شرحي واضح

وإذا مو واضح بنزله بصور