اذا ابتليت بزوج كاذب كيف تتصرفين

كلام دلوعة حناني عجبني

اي والله


شوية صبر ما يخسر شي

الله يسعدك

طيب وش الحل في الأزواج الكذابين والمراوغين ويلي يغيروا كلامهم كل يوم
انا مررررره بأعاني من زوجي في هذه الامور أقلو لا تكذب يقلي انتي الكدابه
وانا فيه صدق يوزن بلد وكل العالم تعترفلي بكده انا مرره صادقه واحب اقول كل شي
بالتفصيل وحقانيه مرره عكسو تماماااا

اول شي مع احترامي للأخت اللي قالت "الطيور على أشكالها تقع" ضحكني ردج بصراحه شكلج كنتي متخانقه مع احد قبل لا تقرين الموضوع لأن الرد مو منطقي بالمره.

وبالنسبه اللي تقول انا اذا اكتشفت ان زوجي كذاب على طول بتطلق.. اشدعوه الزواج مو لعبه..اذا على جذي نسبة الطلاق بتكون اضعاف نسبة الزواج..خلكم واقعيين شوي يا بنات
الزوجة العقلانية لازم اول شي اتعرف سبب الكذب قبل ما تحكم على زوجها تشوف شنو عيبها او شنو الشي اللي خلاه يكذب عليها

انا بقول لكم عن تجربه مع زوجي..لاحظت الفتره الأخيره ان زوجي يكذب علي في أشياء تافهه مثلا وقت ما اتصل فيه اقول له من معاك يقول لحالي وبعدين اسمع صوت صديقه اعصب واسوي له سالفه وافكر ليش جذب علي مع ان اللي معاه ريال مو بنت..قعدت وتناقشت معاه عن السبب قلت له ادري انك اتحبني وما اتخوني بس ليش تجذب علي في اشياء تافهه مثل هذي!!
قال تبين الصراحه كثرت الأسئله والتحقيق اتخليني افك روحي واجذب عليج.. الا من معاك والا شو اسمه والا من متى اتعرفه ومتى بترجع وين بتروحون شنو قاعدين تسولفون عنه وغيره.. يقول ليش اعكر مزاجي وكل شوي بتمين تتصلين وتحرجيني بأسئلتج خليني افك عمري واقول لج اني بروحي..هذا مثال
ومرات احسه متضايق او زعلان وما يقول لي اللي في قلبه..قلت له ليش انا اقول لك كل شي واشاركك بكل شي في حياتي وانت اتخبي علي!!
قال لأنج ما اتقبلين مني شي اتعصبين على طول وما تفهمين الموقف و تاخذينه بعقلانية ما ارتاح لم اقول لج ما اتحسسيني انج صديقتي كأنج عدوه لي.. وهو صادق بكلامه ما الومه لأن صج حتى لو انا كنت مكانه بتصرف نفس التصرف
يا جماعه نصيحة شوفوا الخلل وين وسبب الكذب بعدين حكموا


وبث