انا منهااره وضايعه ساعدوني

أختي احذري.. احذري.. احذري..
لا تكلمينه أبداً أبداً.. هذا ذئب من ذئاب الشات ويعرف زين كيف يوقع فريسته..
إذا كلمتيه الحين أخاف يسجل المكالمة وتطيحي في مشكلة أكبر ويلقى شي يهددك فيه هذا إذا ماكان أصلا سجل المكالمة الأولانية.
ونفس الشي لا ترسلين له مسج ولا شي طنشيه وخلاص وادعي ربك يسترها..
لا تخلينه يمسك عليكي شي أبداً.
وبصراحة أخاف يكون يعرف أحد في الاتصالات يعطيه معلومات عنكم.. ما أبي أخوفك لكن الله يستر.. ولا تقولين مايصير هذي معلومات سرية لأنها صارت وتصير.
إذا استجد شي قولي لنا يمكن نقدر نساعد.. وانتبهي تسوين شي ممكن تندمين عليه بعدين.. خطواتك ألحين لازم تكون محسوبة بالمللي.
الله يحرسك

اذا الكلام اللي بالمسج عادي مو خاص ولا يبين بينكم اي معرفه ممكن اذا اتصلك وانتي موجوده مع ابوك تعطينه الجوال يرد قولي رقم غريب رد عليه ولا تقولين ازعجني باتصالاته هذاك مستحيل يقول لأبوك اي شي

وان شاءالله بتنتهي السالفه بهدوء المهم انتي لاتردين ابد

هلا حبيبتي

ما في احد معصوم عن الغلط

الحل

انج تغيرين رقم تلفونج

وتغيرين ايميلج

وعن سالفة ان الوالد بيشك ان فيه احد زاعجك

دوري لج رقم حلو ومتناااسق وقولي حق ابوج انج خاطرش في هالرقم وتبين تغيرين رقمج

انامع البنات وسبق وحدة من صديقاتي سلكت هالطريق وندمت ووقفت بجانبها وساعدتها اسمعي شريط كيف تتخلصين من المعاكسات وشريط فيديو هدم حياتي استغفري ربك وكسري شريحتك بس انتبهي لاتكون باسم وغيري ايميلك واستغفري وربي بيعووض عليك بالشاب الصالح ويسترعليك الحمدللة انتي بدداية الطريق ريحي راسك اسمعي كلام وحطي هالكلمة حلقة في اووذانك "لاتجعل اللة أهون الناظرين إليك " وربي يفرج همك ويسعدك

بنات والله يعجز لساني عن شكركم .... الله يفرج همومكم ويحفظكم لحبايبكم ...حبيبتي كيوت مذر فكرتج معقوله وانشالله بسويها جزاج الله خير .... انا طول اليوم مسكره تلفوني واتجيني مسجات انه متصل اثناء مكان الجوال مسكر وكانت اتصالاته واجد قليله يمكن اتصال كل اربع ساعات شكله من النوع اللي يمل بسرعه انا الحمدالله رديت طبيعيه والفضل لربي ثم لكم ,,,
اختكم ,, تــــــــووتـــــه بسكوتـــــــه

طيب الحمد لله ربي يوفقك ان شاء الله ويبعد عنك كل شر ..........


طمنينا عليكي