ما عدة اتحملها

سلام عليكم عروسات
احس مقهوره عشان كذي لجأة لكم
انا طالبه بكليه وفي وحده بصفي بصراحه طبيه بس مغروووره وفيها كبرياء مش طبيعي ولسانها طويل ماتعرف تمسك نفسها ولاتتفاهم وتعلي صوتها على اي حد حتى الشباب الي بصف واحيانا لاسباب ابدا ما تسوا مثل مره كنا مقسمين لمجموعتين نناقش موضوع نص معه ونص ضد هاي قامت وعصبت على واحد من مجموعتها وترفع صوتها وهذاك رجال كبير ومتزوج وعنده اطفال تيجي وتعلي عليه صوتها
واكثر من مره تصير معي مواقف معها وصديقاتي يقولون طنشي طنشي طنشي لين متى وانا اطنش كذا هي تتقوى علينا والصف اذا قامت تعلي صوتها محد يريد يرد عليها لانه يعرف اسلوبها في الكلامه بس انا اتكلم عن نفسي تعبت منها وما عدة اتحملها
مره كنا طالعين مع بعض وانا كنت اكلم بنت ثانيه جات هي تقولي خلاص خلاص تسكتني يعني!!
شو هذي الاسلوب :ss: انا طنشتها كلعاده ما بغيت اخرب مزاجي عشانها بس بصراحه تضااااااااااااااايقة بصح ومن يومها وانا احس صرت ما اطيقها وانا من النوع ما اقدر اجامل بس كنت احاول امشي السالفه ما اسولف معها بس اسايرها اذا تكلمت او شي بس اليوم وصلت حدي
تعرفون الحين الجو مره حار عندنا بعمان راحت هي وجلست تحت المكيف لا ونزلت المكيف عليها شوفو الانانيه وبعد فتره حست ببرد قالت لصديقتها خفي المكيف ولا هامها الناس الباقين انا لاني عرفت اذا اتكلم بقوم اصفعها خبرت صديقتي على اساس هي تخبرهم لا يخفو من خبرت صديقتي صديقتها صديقتها قالت فلانه بردانه وهي بعصبيه قالت لا تخفي خلهم يسو الي يريدون لازم يقولو شي لو انا اريد انا ما قدت امسك نفسي وخبرتها مافي داعي للعصبيه واذا بردانه طلعي من تحت المكيف قالت ماريد مرتاحه كذا سكت عنها مع اني حسيت جسمي بدا يرتجف من القهر بس ما اريد اسوي اكشن قدام الشباب ويشوفو نجلس نصرخ على بعض
المشكله لحين الكل يتفادة يراددها عشان يتفاده طولت لسانه بكذا هي تحصل الي تريده وتتسلط على الصف اذا هي دلوعه عند اهلها لاتتدلع علينا محد فاضي يدلعها بصف
احس نفسي مقهوره وصديقاتي قترحو يجمعونا مع بعض وكل وحده تتكلم بس انا اعرف من طيبتي الزايده كلمتين منها بسامحها وبحط الوم علي وبسكر السالفه عشان كذا رفضت
مو حلوه على اخر السنه كل وحده تحقد على الثانيه وتاخذ بخاطرها
اسفه طولة عليكم:o