من خلال تجربتى الخاصة .....و بامانه

السلام عليكم ورحمة الله و بركاته

حبيت اقولكم على تجربتى مع شعرى و بامانه يمكن تستفيدوا منها
انا بقالى تقريبا 6 شهور باستخدم خلطات و زيوت لشعرى

انا شعرى الحقيقه غريب جدا هو عادى يعنى لا هو دهنى و لا هو جاف و طويل لاخر ظهرى بس الاول كان اطرافه مقصفه شوى
و فيه تمويجات كتير هو طرى مش خشن اوى لكن الجزء اللى فوق اللى هو معرض للجو مموج اكتر بكتير من الجزء اللى تحت
اذا شفتوا نص شعرى اللى تحت ما تتصوروا ان اللى فوق تبعه ابدا

المهم انا جربت وصفات كتير و اللى طلعت بيه من كل الوصفات حاجات اساسيه اذا دامتى عليها هتلاقى النتيجه اللى انا لقيتها ان شاء الله ( شعرى تحسن كتير التمويجات اتفردت عن الاول كتير و الشعر نفسه بقى طرى و التقصف راح و بقيت بقدر اعمله ذيل حصان :wavetowel2: الاول مكنتش اقدر اسيبه كده يهيش و يبقى غوريلا)

1- زيت الزيتون
2- زيت الخروع
3- زيت دابر املا الذهبى
4- زيت السمسم
اذا ضفتى الزيوت دى لاى حمام كريم عندك مرة واحده بس فى الاسبوع و خليه على شعرك ساعتين او 3
مع الاستمرار هتلاقى تغير ملحوظ

4- الجرجير ( رائع فعلا )

5- الموز

اذا اضفتهم بتلاقى نتيجه اروع

بس اهم حاجة الصبر محدش يستعجل النتيجه لان الشعر بيحتاج وقت كبير علشان نشوف نتيجه كويسه
و فيه ملحوظه كمان على بعض الموضوعات و الخلطات اللى اصحابها بيقولوا مثلا خلطه تطول الشعر فى اسبوع او خلطه تطول شعرك 10 سم فى كام يوم
و حاجات غريبه كده
طبعا ده غير صحيح و متفبرك لان الشعر الصحى بيطول بمعدل 1سم او 1سم و نص فى الشهر

فيا ريت كمان متجربوش اى شئ الا لما تتاكدوا منه بلاش تخلوا شعركم حقل تجارب للخلطات

معلش طولت عليكم بسس حبيت ادردش معاكم شويه
:15::15::15::15::15: