تهقـــــــــون انخطـــب في هالصيفيه

حبيبتي يارب يعطيج على قد نيتج ويرزقج بالزوج الصالح وماتنخطبين في الصيف لا تنخطبين

بكره ماتقومين الا بخبر حلو من الاهل


ثاني شي يبنات ليش تفكرون جذي .. يعني لازم تحظرون اعروس عشان تنخطبون والله انه مب

شرط اكثر الي يتزوجون يتزوجون من الاقارب او الاصدقاااء او المعارف الاعراس اخر شي يفكرون

يخطبون منه يعني والله ياما بنات مايطلعون حق النااس ابد بس سبحان الله تنخطب بالاسم

مع انه محد شافهاااا يعني بالعربي الزوواج نصيييب ياما بنات رززو اعمارهم في كل عرس ولاحد

خطبهم .

وبعدين بنات شالتفكير يعني الي ماتنخطب مب حلوه ؟؟؟؟ انتي شدراج يمكن فيه نيه يخطبونج

بس في شي منعهم او ولدهم يبي من عايله انتو لاتفكرون القصور من ناحيتكم القصور من الناس

الي يخطبون مايهم اخلاق البنت ولا جمالها اهم شي المصالح وممكن زوجات حب وممكن زواجات

ماديه كلن حسب تفكيره وفي بنات وايد قمه في الجمال والاخلاق ونصيبهم متاخر وبنات عاديات

تزوجو صغاااار الجماااال ابداااا مب سببب .

بقولج شي حبيبتي انا دايما اهلي يقولون انتي بتزوجين اول وحده واكيد بتاخذين واحد شخصيه

وسبحان الله كل اقااربي وصديقاتي تزوجو قبلي واول وحده تزجت فينا انسانه طيوبه وحبوبه

وجماله متوسط من جذي اقولج نصييييييب والله لو نصييييبج مايرررده اي شيي

واخر شي عشان طولت وايد يعني البنات الي يقولن ليش تهتمون بالزواج هاي طبيعة البشر لازم

تهتم الزواج يصون البنت غير جذي الامومه رغبه البنت من تنولد ليش في وحده ماشرت بيبي

يوم صغيره وحطت لها مصاصه ولبستها انا اجوفه طبيعي جدا وله اجر كبير من مايبي الاجر

والاهم من هاذى كله الرضى بالقسمه والنصيب والله يكبر حظنا جميعا