عطوني اسماء واماكن محلات لملابس المواليد بالرياض

على فكره انا في الرياض

هلا اختي ..

انا توني باديه بالتجهيز الله يسهل علي وعليك ..


طبعا بيبي شوب عندك احس حلو وسعره مناسب للبيبي الجديد ,,

فيخ محلات كثير .. مذكر كير وتلاقينه بأغلب

المراكز .. اوكسترا ,, وتويز ار اص للاغراض والكماليات عندهم اشياء حلوة ..


لكن انصحك في بيبي شوب ,,, روحي وشوفيه ...


اما اغراضنا نحنا الحلوات للحين مادورت الله يكون بالعون ,, وبخبرك عن اي شي بشوفه //


لي رجعه ,,,


وان شاء الله اكون افدتك ..

مشكوووووووووووره يا رغد اليوم ان شالله بروح اتسوق صرااااحه افدتيني كثير يا لبى قلبك

الله يسهل علينا وعليك يارب وعقبال البقيه

مرحبا اختي..
بالنسبه لمحلات ملابس المواليد..عندك افضل محلين اللي هم سيتي بلازا (او اسمه الجديد سنتربوينت) وعندك مذركير.. ملابسهم حلوه بس ماهي فخمه مره بستنفع لفترة النفاس لان البيبي اغلب الوقت بيصير ملفوف بمهاد..
سيتي بلازا طبعا له فروع كثيرة في خريص وعلى طريق الملك عبدالله وفي مخرج 9 وفي رمال سنتر وله فروع كثيرة.. كذلك مذركير له عدة فروع منها فرع الرئيسي الكبير على طريق خريص جمب ساكو, وفيه بغرناطة وبكثير مجمعات..
اما بالنسبه لملابس الوالدة تلاقين افضلها في مجمع الاندلس الدور الثاني بس برضوا حلوه بس ماهي مميزه مره وانا ابي اللي يعرف اطقم مميزه يدللني عيها..
والله يوفقنا وياك...

تسلمين يا حياة الله يعطيك الف عاااافيه اليوم خذيت بعض الاغراض من مذركير فيها وفيها لكن احس ان سعرها

مايستاهل وفيها اشياء حلوه وتستاهل ومثل ماقلتي ماتصلح للمناسبات

الخميس ان شالله بروح لـ ستي بلازا

ملاحظه/
اتمنى اللي تتسوق تراجع الفواتير لأنهم يغلطون احيانا ويزودون في السعر وهذا اللي صار في مذركير

الله يسهل عليكم ياااااااارب

جزاكي الله خير يا عسل