§¤*~ لإستفسارات الخلطات الشرقيه والبخور ~*¤§

انا آخذ عود معطر من اجمل وريحته روعة

وعندج الكمبودي من اجمل

ذولين ماتروح ريحتهم لان اصلي

وانا استخدم بخور الحرمين الكمبودي والعود للبيت وريحتهم روعة

اتلاقينهم في الحواج واماكن العطور

حطيه على الملابس الغامجه فقط اما الفاتحه استخدمي لها عطر بخاخ

وتقدرين تستخدمينه للعباية والشيلة

موفقه عنوني

وانا احيانا احط نقطه منه ويا البخور والريحه تفوح تلصق بالثياب

هلا اختي ليتني همك

مشكوره على الرد .. وانه استعمل عود معطر من اجمل اللي علبته حمرا بس موعاجبني وايد

وياليت الرصاصي عندنا بالبحرين :(

هلا اختي الخوافي

تسلمين حبيبتي على الرد .. والمخمريه انه ماقط جربتها ولا شريتها

بس بعمل بنصيحتج وباجربها .. والله يوفقج ان شاء الله

هلا اختي عود الكوثر

بخور الحرمين معروف حلوه ريحته للبيت وامي تستعمله على طول

تسلمين حبيبتي على الاطراء

ودمت بود

عندي استفسار خواتي بعد

استعمال العطور الفرنسيه والعربيه المركزه للشعر مايسبب ظهور الشيب اللي هو الشعر الابيض؟!!

صبحكم الله بالخير يا عروسات يا حلوات

أبي إتعلموني من تجاربكم إشلون نحط دهن العود الغامج على الملابس أو الملافع و العبي

لأن عندي دهن عود غالى و خنين بس صار لهم مدة مخشوشين مو عارفه أستعملهم و أخاف أحط على ملابسي يبقع الدهن مال الطيب ؟؟؟؟؟؟

يا ريت تفيدوني و الله يطيب فالكم :o

دهن العود ما ينحط على الملابس حطيه ورا اذنج واذا كان قوي الكل بيشمه لما يقرب منج

هلا أختي ... ممكن اتحطينه ورا اذنج وعلى اليد وعلى الرقبة ...

السلام عليكم سؤالي للاماراتيات خواتي ابقي اعرف طريقة عمل المخمرية الامارتيه الصفرة الي على ماء ورد و زعفران وتمنى الي اتعلمني تكون فعلا خبيرة فيها . ( حتى لو كان التعليم وسر الخلطة مقابل مبلغ لان احب التعلمها لكي اتاجر فيها وحصل على رزق حلال . حتى لوحبت الاتصال بها هاتفيا . افيدوني جزاكم الله خير

هلا بنات منتى عروس,,,خواتي الكريمات الرجاء منكن اي وحدة عندها خبرة بصناعة العود المعطر سواء من عضوات المنتدى او التاجرات حتى مايمنع انها تفيد غيرها تخبرني لاني خااااااااااااااااطري والله اسوي عود معطر بس يكون ذوق وحلو ,,, والي تعرف لها الاجر ان شاء الله ودعوة من القلب بس اب المقادير الصحيحة والطريقة ولها كل الشكر والعرفان مقدما,,:):):)

اللي اعرفه تحطين العود في العطر تقريبا شهر تخلين الغرشة مسكرة ويستوي عندج عود معطر

فيافي مشكووووووورة حبيبتي ,,على المرور بس انا ابي اعرف العطور الي اضيفها والكمية

السلام عليكم

انا قديمه عندكم بس مالي مشاركات :rolleyes:

بس انا من المتابعين حيل لعرووووس :15:

معروفين بنات الخليج بالبخور والخمريات والريحه اللي تسبقهم :wink:

ابي هالموضوع مرجع لبنات الخليج نتبدال فيه الخبرات في هالشيين (y)

كل وحده ذوق ومميزه بريحتها تدخل وتقول لنا

1)) افضل بخور خااااااص يعني تستخدمه لنفسها مو بخور للبيت فهمتوا علي اكيد:cool:

2)) وافضل خمرية شعر تفووووح من شعرها الريحه واااااااو :15:

3)) وتقول لنا هالريحتين على ايش ؟

مثل على ريحة عود وبخور

او ريحة ورد

او ريحه ناعمه بمسك او بودره

او ريحة فواكه للخمريه طبعا لان مافيه بخور بريحة فواكه :tongue:

وانا افضل بريحة الورد والمسك والبودره والفواكه (( للاستخدام اليومي)) اما ريحة العود والبخور تحطينها لمن تروحين مناسبه فخمه:cool:

اتمنى ماتخيبون ظني الحلووو فيكم والاقي تفاعل قوووووووووي والاستفاده تعم للكل

والله ياقلبي ماعندي لادهن عود ولا هالسوالف ابد يمكن لاني افضل العطور الفرنسيه بس :21_186:

وانا راح اجرب هالمره اشتري اذا في احد مدحلي شي مميز :B_wink:

وموضوعج رووعه :21_207:

عرووووووس تسلمين ياقلبي

وانتي الروووعه

ونستنى الحلوات يهلوووون هههههههه

عزيزاتي بنات صلالة شو احلى عطر محلي يباع في صلالة ويطلع حلو مع البخور ؟؟؟

صدى الام نحن امي الله يرحمها معلمتنى طريقه دوووم نسويها وبصراحه كل حد يشمني او يدخل المجلس لازم يسأل عن دخونا ماشالله ولا قوة الا بالله،، انا بخبرج عن الطريقه ويا رب تستفيدي منها
كانت امي الله يرحمها تشتري عود(خشب) نوعين ،، واحد متوسط الجوده والثاني ممتاز (نوعا ما يغني مب الغالي الغالي لا اصلي بي بالمعقول مثلا ابو التوله الف بالكثير)
وكانت اتسوي هالخلطه:(كميات الخلطه متساويه عدا الدهن عود فتكون كميته ظعف كمية الخلطه)
دهن عود
مسك ابيض
مسك اسود
دهن الورد الطائفي
ونقطه وحده بس.. دهن عربي قديم اسمه روح الروح(هذا يوم تشمينه بروحه بصراحه تحسي ريحته مب حلوه بالمره بس مع الخلطه يطلع روعه)
دهن عربي مخلط(عادي اي نوع والله يرحمها مانت اتنوع وتخلطهم بنفيها بس انتي تقدري تشترينهم جاهزين ع ذوقج وع قد ميزانيتج)
وبعدين كانت تمزج هالخلطه مع بعض وترجهم زييييين،، ثم تدخلهم الثلاجه لمدة 3 او 4 ايام تقريبا
وبعدها اطلعهم وادخلهم في مكان حار شوي ولمدة 3 او 4 ايام
بعدين اتييب العود وتكسرهم كسرات متوسطه عشان يشرب الدهن عدل وعشان ما يكون في اسراف وقت الاستخدام
تخلط العود الخشب مع الخلطه(طبعا كل نوع من العود بروحه الي ممتاز بروحه والي عادي بعد بروحه)
بعدما تخلطهم ترجهم زيييييييييييين زيييييييييييين (حتى اذكر كانت الله يرحمها ايدها اتعورها من كثر الرج وكنا نحن واخواني الصغار نساعدها(والله هالموضوع قلب عليه المواجع،،، الف رحمه عليها)
المهم .... ترجهم مع بعض ومن ثم ادخلهم في كيس نايلون وتربطهم زيييين عشان ما يدخل عليهم اي هوا وايا انها تحفرلهم في الحوش (او خليهم في بوكس مسكر ومظلم ودافي شوي)
وكل اسبوع ترجهم وترجهم وترجهم
وهكذا لمدة شهرين!!!
وبعدها تعالي شوفي!! العود الي خذنا مثلا التوله ب50 درهم والله البنات يتحسبونه ابو التوله 2000 واكثر
اما الغالي وكانت الله يرحمها اتسوي منه كسره صغيره لشعرها وجسمها بين فتره والثانيه فكانن ربيعاتي بعدما يسلمو عليها يحايلوني ادلهم على المكان الي اشترينا منه العود وكلهن يسألن بكم؟؟ على بالهم ابو ال

صدى الام نحن امي الله يرحمها معلمتنى طريقه دوووم نسويها وبصراحه كل حد يشمني او يدخل المجلس لازم يسأل عن دخونا ماشالله ولا قوة الا بالله،، انا بخبرج عن الطريقه ويا رب تستفيدي منها
كانت امي الله يرحمها تشتري عود(خشب) نوعين ،، واحد متوسط الجوده والثاني ممتاز (نوعا ما يغني مب الغالي الغالي لا اصلي بي بالمعقول مثلا ابو التوله الف بالكثير)
وكانت اتسوي هالخلطه:(كميات الخلطه متساويه عدا الدهن عود فتكون كميته ظعف كمية الخلطه)
دهن عود
مسك ابيض
مسك اسود
دهن الورد الطائفي
ونقطه وحده بس.. دهن عربي قديم اسمه روح الروح(هذا يوم تشمينه بروحه بصراحه تحسي ريحته مب حلوه بالمره بس مع الخلطه يطلع روعه)
دهن عربي مخلط(عادي اي نوع والله يرحمها مانت اتنوع وتخلطهم بنفيها بس انتي تقدري تشترينهم جاهزين ع ذوقج وع قد ميزانيتج)
وبعدين كانت تمزج هالخلطه مع بعض وترجهم زييييين،، ثم تدخلهم الثلاجه لمدة 3 او 4 ايام تقريبا
وبعدها اطلعهم وادخلهم في مكان حار شوي ولمدة 3 او 4 ايام
بعدين اتييب العود وتكسرهم كسرات متوسطه عشان يشرب الدهن عدل وعشان ما يكون في اسراف وقت الاستخدام
تخلط العود الخشب مع الخلطه(طبعا كل نوع من العود بروحه الي ممتاز بروحه والي عادي بعد بروحه)
بعدما تخلطهم ترجهم زيييييييييييين زيييييييييييين (حتى اذكر كانت الله يرحمها ايدها اتعورها من كثر الرج وكنا نحن واخواني الصغار نساعدها(والله هالموضوع قلب عليه المواجع،،، الف رحمه عليها)
المهم .... ترجهم مع بعض ومن ثم ادخلهم في كيس نايلون وتربطهم زيييين عشان ما يدخل عليهم اي هوا وايا انها تحفرلهم في الحوش (او خليهم في بوكس مسكر ومظلم ودافي شوي)
وكل اسبوع ترجهم وترجهم وترجهم
وهكذا لمدة شهرين!!!
وبعدها تعالي شوفي!! العود الي خذنا مثلا التوله ب50 درهم والله البنات يتحسبونه ابو التوله 2000 واكثر
اما الغالي وكانت الله يرحمها اتسوي منه كسره صغيره لشعرها وجسمها بين فتره والثانيه فكانن ربيعاتي بعدما يسلمو عليها يحايلوني ادلهم على المكان الي اشترينا منه العود وكلهن يسألن بكم؟؟ على بالهم ابو التوله 15 الف!!!!! والله كل حد يسألنا دوووم ويقولو لها بنشتري منج ما فيها وعاد امي الله يرحمها كانت تنحرج مسكينه وتهديهم وابوي يعصب لان فعلا فعلا وايد كانت تنحرج الله يجعله في ميزان حسناتها
واتمنى تكوني استفدتي انتي وباقي البنات
وع فكره نحن بعد عندنا طريقة خاصه نتبخر فيها عشان الريحه تعلق في ثيابنا وجسمنا وأي اسئله انا حاضره
وسوووووووووووووري طولت عليكم بسوالفي مع امي الله يرحمها ويغمد روحها الجنه اللهم آمييين [/COLOR]

مشكوووووووووووورة اختي المؤمنة وماقصرتي والله ,,,والوالدة الله يرحمها ويغفر لها يااااااااااااااارب