صوت العيون;6464826:
بصى اولا بالنسبه للخطوط واليواد مع بعض
هتجيبى كونسيلر وتحطى طيب هتقوليلى الخطوط برده باينه هقلك سيبك من الكونسيلر هاتى بودرة مضغوطه يعنى بودره مائيه اوكى وحيطى منها تمام
طيب لو برده هيبا يبقا الحل الاكيد بقا وعن تجربه تحطى ايشادو تحت عينك غامق يعنى مثلا طبعا يتوافق مع اللبس تحطى بنى او كحلى كدا فهمتينى لو مش فهمتينى قوليلى
طيب ووصفه عشان الخطوط تروح عندك زيت جنين القمح ادهنى منه قبل النوم كل يوم
ووشك مسمر اقلك
جيبى عصير ليمون بس وحطيه على وشك هيلسعك اه بس هتشوفى النتيه ان شاء الله لانى كنت زيك ودا بتجربتى وتسيبيه لحد ما ينشف
وبعدين اصلا اول خمس دقايق لسع كدا وبعدين خلاص عادى
وياسلام لو خلطى معاه خميرة فوريه بس استحملى الريحه اعععععععععععععععععع
وبعدها بقا
لو هتعملى ماسك بصى تغسلى وشك كويس بالمايه بس مش صابون ولا حاجه مايه بس وبعدين تدلكى بشرتك خمس دقايق بلبن بس
وبعدين تشيليه بمنديل وتحطى الماسك الجميل دا ما شاء الله
بصى اى ماسك فى ترمس يبقا حلو لان الترمس بينظف جامد وهتشوفى الى هينزل من وشك المهم
تخلطى ترمس مع قشطه او وش زبادى بلدى مع زيت جلسرين ونقطتين تلاته مايه وبرده الزيت نقطتين تلاته
وحطيه لحد ما ينشف وبعدين شوفى هينزل ايه من وشك والنتيجه وهتدعيلى ان شاء الله
وعاوزة ريحه ايديكى تبقا حلوة حطى علي ظهرها فازلين وبعدين رشى برفان الطريقه دى بتثبت العطر بس لو عاوزة طريقه عاديه بس العطر مش هيثبت كتير حطى اى كريم مرطب مالوش ريحه وحطى عليه اى بودر معطر زى بتاعه اورليفريم سيرين وبس
اهلا بيكى معانا منورانا وربنا يتمملك بخير ان شاء الله
مكياجات هاتى مفرت على كل الوان لبسك وخصوصا الى بيليق عليكى فهمانى يعنى لو ندك اصفر والاصفر مش بيليق عليكى هاتى اخضر كدا يعنى دا الايشادو ولو بتحطى ايلينر هاتى ايلينر ليدى او نانسى دول احلا نوعين
والايشادو هاتى نوع اكس اكس ال دا النوع الى عالى بالى دلوقى وعنده بقا احمر الخدود هاتى الكريمى وبرده اكس اكس ال او لو عاوزاه عادى هاتى اماندا
وماسكرا هاتى نيفيا او اى ماسكرا شعرها قريب من بعضه ومش فيها شعيرات وتكون كريمى بس مش اوى وتشمى ريحتها وانتى بتجربيها اصلا بشم كل المكياج وانا بشتريه ههههههههههه الحمد لله
الروج هاتى اى الوان بتحبيها وهاتى ملمع روج مش ببرونز هاتيه مط عادى
وفى روج طالع بيقعد مده ناحيه روج سايل وناحيه ملمع حلو دا مجرباه
والبودره هاتى مظغوطه مائيه يعنى وهاتى كريم اساس وبودر عادى تخليى السايل للبيت والشتا وكدا والمضغوطه للخروجات عشان بتثبت اكتر
دا الى فى بالى من المكياج غير اقلام الكحل هاتى اسود للعين والالوان ترسمى بيها تحت العين يعنى اخضر او ازرق كدا
الكريمات
هاتى كريم مرطب وافضلهم دوف لانه خفيف ولو عاوزة كريم تقيل يبقا جليسوليد
وهاتى صنفره دوف الدهبى
ووهاتى مقشر بالمشمش مش فاكره اسمه هبقا اشفهولك
فى مقشر للبشره وفى للوش شوفى هتحتاجى الاتنين هاتى
وممكن تستغنى عن الصنفره فى الاول لانها بتتعمل تقريبا فى الشهر مره
وهاتى بودره بريحه للجسم تحطيه بعد الحمام مثلا تدهنى جسمك زيت اطفال وبعدين تحطيها هتخلى ريحه جسمك حلوة ان شاء الله عن تجربه وهاتى مناديل او كريم ازاله الميك اب عشان لما تكونى شايله الميك اب مش يبقا سايب اثر فى وشك وكدا خلينا حلوين على طول بأذن الله
ولو افتكرت حاجه تانى هقلك ان شاء الله
ميرسي اوي يا صوت ربنا يخليكي معلش تعبتك معايا
انا فعلا مجربه كريم الترطيب بتاع دوف و حلو اوى معايا كمان انتي اصدك على المقشر اللي بالمشمش اللي هو لونه كله اورنج كده انا شوفته قبل كده و شكله عاجبني هو ده اللي انتي تقصديه
معلش كمان سؤال بالنسبه للكريمات بتاعت الوش انا بصراحه عمري ما جبت كريم لوشي و نادرا لما كنت بستخدم كريمات انا على طول بستخدم غسول و صنفره لوشي لما بحس انه محتاج صنفره فعايزه اعرف ايه احسن انواع الكريمات كمان اجيبها لأي بشره انا بشرتي مختلطه
