فينكوا يابنات يامصريات - الجزء الجزء الخامس

Mannoun;6357350:
اهلا بيكي ميسز غموضة
قريت ردك ده و ما فهمتش تقصدي ايه و لما رجعت صفحات للخلف وجدت اقتباس رد فراولاية في رد كوفي روز وما كنتش قريت رد فراولاية لانك كنتي حذفتيه



و فهمت ان الرد ده كان موجه ليا انا ... و اسمحي لي ارد على فراولاية علشان ابين لها وجهة نظري
حبيبتي فراولاية انا ردي الي رديته على موضوع المواد المسرطنة و كدة مش موجه لكاتبة الموضوع لكن موجه للموضوع نفسه يعني مش انتي المقصودة ابدا ... ده انتي كتر خيرك انك بتنبهي لحاجة زي كدة و جزاكي الله خيرا ... لكن انا حبيت ابين ان فعلا في حرب تجار و منافسة و الله اعلم الصح فين و ده شيء ما يزعلش
ارجو تكوني فهمتي وجهة نظري لانه لا يمكن ان توصل ابدا اني امسح بحد البلط و لا السيراميك و البورسلين على رأي كوفي روز
ده انا كدة الي ازعل انك فهمتيني من وجهة النظر دي ... ياللا صالحيني بئة و هاتي فراولة

طب خدوا بئة الافتكاسة بتاعتي دي

جبت اول امبارح بالليل نص خيارة مبشورة و عليها وش علية الذبادي(يعني القشطة الي فوق الوش دي مع حتة من الذبادي نفسه طبع) على ملعقة عسل و لخط على بعضه و فتحت الكاتيل و هي بتغلي و حطيت وشي فوق البخار شوية كدة و بعدين حطين اللبخة دي على وشي و اعدت في السرير ريلاكس و النور مطفي علشان اهدي اعصابي خالص و بعد نص ساعة غسلته كويس و بعدين عملت ماسك مغربي لمده خمس دقايق و شيلته و مسحت وشي بماء ورد و كان حلو اوي و مشدود و ابيض و فاتح و ناعم
صحيت الصبح بئة كان فايض شوية من اللبخة قومت زودت عليها شوية بودرة تلك و حطيتها على وشي و شوية كدة و قلت اجرب تاني هاهاها اصلي بحب الافتكاسات
لو عندك اي افتكاسات خايفين تجربوها قولولي وانا تحت امركم تحت الطلب انا هاهاهاها

ياام الافتكاسات والله انا خايفه عليكي من افتكاسه من افتكاساتك تخليكي زي بهلونات السيرك :tongue:

إينا;6357186:
طيب بكام بتجيبيه اليوفى بلوك يا قمر و هل عامل حماية 80 ده ينفع للمصايف و مش يخلينى اسمر لانى عاوزة اجيب صن بلوك اخده معايا فى شهر العسل ان شاء الله

بصي ياقمر انا كنت بستعمل صن بلوك عامل حمايه 80 كان حلو اوي كان الدكتور الجلدي كاتبه ليه اسمه v v block بس دلوقتي بستعمل لوشن واقي الشمس من ماي واي حلو اوي معايا بحطه كمان علي ايدي وقدمي من امام مشط الرجل علشان كانوا بيسمروا في الشمس والحمد لله نتيجته حلوه اوي معايا :D

coffeerose;6353724:
وحشتيييييييييييييينيييي موووووووووووووت فينك ياجميل
ميرسي انك قولتيلنا على تجربتك



للاسف انا ما جربتهوش
مبروك عليكي ممكن الصورة

حماااااااااااااااااااتي حمااااااااااااااااااااااتي وحشتيني اكتر ووحشني عريسي وحبيب قلبي ياسر خلي بالك منه علشان خاطري وسوري مادخلتش الايام الي فاتت كنت مضايقه اوي لاني مش لقيه شغل ولسه بردوا مش لقيه شغل في الصيف بس فوضت امري لله وربنا المستعان :(

coffeerose;6359753:
هههههههههه
يعني انت تصالحي البت وتاكلي فراولة
وتتفرجي علينا واحنا وشنا بيفرقع
من الافتكاسة ..........ذنبنا ايه احنا هههههههههه

ممكن اعرف ياجميل بتجيبوا الماسك المغربي منين
وماتقوليش حراز باشا انا ماعنديش حرااااااااااااز
....................................

بصي يا قمر انا جبته من على الرف عند الكوافيرة الي بتعامل معاها قلت لها ده الماسك المغربي الي بيفتح البشرة الي بتعملوه فعلا قالت لي اه قلت لها ده للمحل و لا بتبيعوه قالت لي لا لو عايزة عادي اشتريه و خدته بـ12 جنيه ملعقة شاي او ملعقتين شاي بالكتير اوي على كام مقطة مية كدة بتكفي الوش كله ... بس بيني و بينك هو مش زي الماسك المغربي الي عملته يوم ما زفتي بلاش اقول يوم فرحي ... التاني فعلا اول ما غسلت وشي منه لئيت مش انا خالص واحدة شبهي بس بيضا ده بئة مش كدة لكن بيشد الوش اه
وماتخافيش مش حراز ده اسخم من حراز ده جايباه من حلوان هاهاهاهااابس يعني ده اكيد من الاصلي خالص

ولا يهمك يا كوفى

منى جربتيه وحلو بقا

ايوة امال انتي فين من زماااان يا مورو
جربته طبعا
بقالي فترة باستخدمه و مش عايز يخلص هاهاهاها
هو نتيجته زي ما قلت مش بتبيض ... لكن الي جربته عند الكوافيرة بتاعة مدينة نصر كان فظيع بياض فوري فظييييع لكن ده يادوب بس بشد البشرة و بينشف الحبوب الصغيرة اهه مش وحش مصلحة برده

مممممممممممم يعنى بلاش منه

طيب استخدمتى كريم حمام العروسه للجسم

صوت العيون;6349982:
بصى هو بيتباع فى الفا ماركت شفته هناك ب 28 او 35 حاجه كدا

بس اصلى كنت جيباه من بورسعيد

لكن شفته فى الفا ماركت قريب

بس ممكن سؤال

صبغتى شعرك فى البيت ولو فى البيت ازاى ولو بره بكام ولونه حلو ولا

صبغته في البيت وطلع حلو زى كا كنت عايزة انا اساسا بصبغه على طول في البيت

والحمد لله بعرف اطلع اللون كويس على شعرى بس انا المرة دى عاملاه نبيتى من فوق

واحمر من تحت بس الحمد لله طلع شكله حلو

ازاى بقي دى حسب لون شعرك انتى واذا كنتى ضبغاه قبل كده ولا لئ

radwa elkholy;6364844:
هاى يا بنات انا رضوى من القاهرة
بعمل ميك اب ولفات طرح للعرائس والمناسبات وبأسعار معقولة جدا
وده اللينك اللى عليه شغلى واللىمن خلاله تقدروا تتواصلوا معايا
http://go.3roos.com/CLr3lb9VpDU

مش عارفه ازاى دى صور شغلك اصلى شفت الصور دى على النت كتير
وال انتى تقصدى بتعملى زيها بس لفات الطرح حلوة ما شاء الله
هو انتى عندك محل يعنى

حكاية روح عاشقة;6365692:
صبغته في البيت وطلع حلو زى كا كنت عايزة انا اساسا بصبغه على طول في البيت

والحمد لله بعرف اطلع اللون كويس على شعرى بس انا المرة دى عاملاه نبيتى من فوق

واحمر من تحت بس الحمد لله طلع شكله حلو

ازاى بقي دى حسب لون شعرك انتى واذا كنتى ضبغاه قبل كده ولا لئ

طيب علمينى ازاى بتصبغى ونوع الصبغه واللون وكدا

صوت العيون;6367172:
مش عارفه ازاى دى صور شغلك اصلى شفت الصور دى على النت كتير
وال انتى تقصدى بتعملى زيها بس لفات الطرح حلوة ما شاء الله
هو انتى عندك محل يعنى




طيب علمينى ازاى بتصبغى ونوع الصبغه واللون وكدا

انتى شعرك لونه ايه ؟؟ وصبغتيه قبل كده ولا لئ ؟؟ علشان اقدر اقولك تعملى ايه

شعرى كستنائى وصبغته اه بس رجع للونه الاصلى
الى هو كستنائى
ونفسى اعمله بنى محمر
او بنى فاتح

coffeerose;6371078:
ياسلام ان شاء الله احجز اول قطر حلوان اجي اجيب الماسك واروح
علبال بس الطيارة الخاصة بتاعتي ما تيجي من المصنع
انتوا مافيش حاجة ممكن الاقيها في اسكندرية لازم اهاجر
هههههههههههههههههههه

منون انت قصدك اللي الكوافيرة بتحطه للعروسة قبل المكياج
اصل انا برضه يوم فرحي حطتلي ماسك وقعدت بيع شوية
وبعدين غسلته ومش حقولك على البياض على رايك واحدة تانية
بس يوم الفرح ماكنتش فايقة لحاجة فا مسالتش الكوافيرة
طب عقولك ايه ماتساليلنا عليه وتجيبيلنا الاخبار
:15::15::15::15:

بقولك ايه ياصوت لو انت شاطرة في استخدام الايلاينر ممكن تعلميني ارسمه ازاي انا اصلي بزبط بس مع الكحل بس لسة برضه مش بعرف ازبط ايدير فيه اوي بعيد عنك خايبة وايدي زجزاج
وكمان الديب لاينر ممكن استخدمه ازاي؟؟؟؟
:15::15::15::15:




طب ياجميل انا كمان عايزة اعرف انا عمري ماعملت حاجة في شعري
عشان الصبغة بتنشف الشعر
انا شعري اسود بانتظارك
:15::15::15::15:

بصى لو مش بتعرفى ترسمى بالايلينر العادى الريشه

هاتى ديب لينر هتتحكمى اكتر لانه زى القلم الرصاص ترسمى وفى موضوع هجيبلك الرابط فيه طرق كتير بالصور لرسم الايلينر

بصى الرسم بالكحل صعب لانه بيبقا ناشف مش سائل زى الايلينر اتعملى فى الديب لينر لان دى وظيفته يعلمك وبعدين هاتى ايلينر

الرابط يا جميله

http://www.3roos.com/forums/t315489.html

صوت العيون;6371179:
بصى الرسم بالكحل صعب لانه بيبقا ناشف مش سائل زى الايلينر اتعملى فى الديب لينر لان دى وظيفته يعلمك وبعدين هاتى ايلينر

اية الحاجات الحلوة دية؟؟؟ وحشتونى يا بنات موووووووووووووووووت:87457::87457:
بس انا معرفش لية الايلاينر بيظبط معايا اكتر من الديب لاينر بكتيير :poster_vt:
حلو اوى الرابط دة انا اول مرة اشوفة:z_clap::z_clap::z_clap:

radwa elkholy;6364844:
هاى يا بنات انا رضوى من القاهرة
بعمل ميك اب ولفات طرح للعرائس والمناسبات وبأسعار معقولة جدا
وده اللينك اللى عليه شغلى واللىمن خلاله تقدروا تتواصلوا معايا
http://go.3roos.com/CLr3lb9VpDU

طب ياريت تقولي لينا اسعار العروسه والفورمه وصبغه الشعر وكده وهل انتي بتيجي البيت ولا عندك محل

coffeerose;6371253:
تسلم ايدك ربنا يخليكي

تسلمى يا جميله

سمر يويو;6372191:
اية الحاجات الحلوة دية؟؟؟ وحشتونى يا بنات موووووووووووووووووت:87457::87457:
بس انا معرفش لية الايلاينر بيظبط معايا اكتر من الديب لاينر بكتيير :poster_vt:
حلو اوى الرابط دة انا اول مرة اشوفة:z_clap::z_clap::z_clap:

ازيك انتى

كويس برافو عليكى اكيد استعملتى الايلينر الاول فى بدايه استخدامك
واكيد انتى خريجه فنون جميله هههههههههههههههههه

والرابط حلو اوى اه

crazy ananas;6328286:
http://go.3roos.com/RDwU47jQhJD

انواع جيليت كلها اللى بتتباع واحده بس لوحدها

:) اى خدمه

ميرسى ياقمر على الرابط

**فراولاية**;6328316:
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

بموت فيكي يا مراميرو.....انتى مجرمة

عارفة فاضلي 7 ساعات على آخر امتحان ان شاء الله

كل ما اطهق م المذاكرة بآجى ابص عليكو...لازم الاقي مرمورتي سايبة بصمتها..هههههههههههههههه

ما شاء الله عليكي...روحى يا غالية ربنا ما يقصر لك طابور:D

بصو كنت عاوزة اقولكو على موضوع وكل شوية انسى

منتجات جونسون يا بنات...اكتشفوا انها بتعمل سرطان والعياذ بالله

شوفوا الرابط ده

http://www.3roos.com/forums/t326973.html

انا كنت باستخدم لوشن قبل النوم باللافندر..وبعدين اما قريت الموضوع خفت خالص..وقلت اوقفه واجيب لوشن من اوريفليم اضمن...كويس انه ببلاش...:tongue:

الموضوع طبعا اصعب بالنسبة للبيبيهات عشان الناس كلها بتستخدم جونسون

بس انا واختى قعدنا ف كارفور ندور على ماركات تانية تكون مستوردة...بس فيه نوع مصرى بائس اسمه نونو...الحقيقة انا مش قادرة اقول عليه وحش او حلو...انا قلت اجيب المستورد اضمن

شركة سيكم بتاعة الاعشاب منزلة برده بيبي شامبو وبيبي اويل...سعرة معقول..اغلى من الاخ نونو ده..

احنا جبنا الشامبو وقلنا نجرب...وربنا يحمينا بقى

خلي بالكو يا بنات بلاش جونسون بقى هه؟؟

ميرسى يافراولاية ياحبيبى على التنبية بس بصراحة انا بقيت بحس ان كل حاجة بنحبها يقولولنا دى مسرطنة ربنا يستر يارب

Mannoun;6328776:
يا جماعة حكاية مسرطنة و مش مسرطنه دي بئة حكاية بايتة اوي
كل شوية المنتج ده فيه مواد مسرطنة ارجع يا جدع لف و ارجع تاني يا سلام يا سلام يا سلام ايه الي انا شايفه ده و تجري الناس زي المعيز على المنتج المنافس و هوب موضوع مفرقع المنتج التاني مسطن و الاولاني اثبتوا انه سليم سيب وواد ديل الجلابية خليني اعرف اجري و هووووب اهجم و ارجع للمنتج الاولاني

ومعلش بئة كدة هو فيه ايه في مصر مش مسرطن ده الهوا و المية و الاكل كلهم بلاوي ده كفاية المسمار المصدي الي لئيته انا بنفسي و طلعته من بقي بين طبقات الويفر بتاع بسكو مصر ده انا حاتة كنت شايلة المسمار للذكرى بس ضاع في العزال
و اساسا اساسا اي مواد كيميائية غريبة على الجسم مع زيادتها و كترتها مش كويسة خدوا عندكم بئة معجون الاسنان و الكريمات و مستحضرات التجميل ... اذا كان الادوية نفسها بتعالج حاجة و تبوظ 10 حاجات

هي دنيا هتعيشوها بالطول او هتعيشوها بالعرض كل واحد له عمره و له الموته الي هيمشي بيها و ربنا يسترها علينا كلنا و يبعد عننا المرض

معلش طولت عليكم

انا كمان بحس بكدة

egyptiangirl;6343519:
حبيبتى فى كذا كريم شمس انا جربته سبكترا بان 55 - UV Block 80
وفى كمان فوتوديرم كانت اميرة بتشكر فيه بس لسه ما جربتوش الحقيقة بس UV Block ده لونه زى كريم الأساس فبيدى لون حلو للبشرة

كمان فوتوديرم فى منه كريم بيدى لون زى كريم الاساس بس احلى من uv block


بنات معلش انا مش كنت موجودة عشان النت عندى واقع خالص ادعولى ييجى بقى

بت يافراولاية بلاش حساسية زايدة منون تقصد خير وانتى بقى هاتعمليلى رقيقة انتى يابت مش فاكرة الملاية اللى فرشتيهالى هههههههههههههههههههه

والله بموت فيكى وربنا معاكى فى امتحاناتك

Mannoun;6357350:
اهلا بيكي ميسز غموضة
قريت ردك ده و ما فهمتش تقصدي ايه و لما رجعت صفحات للخلف وجدت اقتباس رد فراولاية في رد كوفي روز وما كنتش قريت رد فراولاية لانك كنتي حذفتيه

و فهمت ان الرد ده كان موجه ليا انا ... و اسمحي لي ارد على فراولاية علشان ابين لها وجهة نظري
حبيبتي فراولاية انا ردي الي رديته على موضوع المواد المسرطنة و كدة مش موجه لكاتبة الموضوع لكن موجه للموضوع نفسه يعني مش انتي المقصودة ابدا ... ده انتي كتر خيرك انك بتنبهي لحاجة زي كدة و جزاكي الله خيرا ... لكن انا حبيت ابين ان فعلا في حرب تجار و منافسة و الله اعلم الصح فين و ده شيء ما يزعلش
ارجو تكوني فهمتي وجهة نظري لانه لا يمكن ان توصل ابدا اني امسح بحد البلط و لا السيراميك و البورسلين على رأي كوفي روز
ده انا كدة الي ازعل انك فهمتيني من وجهة النظر دي ... ياللا صالحيني بئة و هاتي فراولة

منونتي يا قمرة

انا ماقدرشي ازعل منكو..انتو اخواتي

بس معلش استحملوني بأه اصلي حسيسة شوية...بس والله قلبي ابيض و10 دقايق وانسى الموضوع كله

خدى الهدية ديه



ها..مصلحاني؟؟؟(f)

مسزز غموضة;6351667:
هلا خواتي

شخباركم عساكم بالف خير

خواتي في رجاء

الانتبهاء من حيث اداب العامة واتمنى من الاخت فراولة انها ما تزعل من اي رد
او راي هذا في النهاية وجهة نظر والسموحة بس اضطريت احذف الرد

الاراء حرية شخصية وعلينا تقبلها بروح رياضية

نورتي الموضوع مسز غموضة

معلش انا أسفة..اصلي حساسة شوية..:o

بس هو يعني لازم حد يزعل عشان نشوفك ف الموضوع؟؟

نورتينا(f)

coffeerose;6344366:
بت يا فراولاية
انت حساسة اوي كدة ليه ......مسحت بيكي البلاط ايه
انت لسة عايشة على البلاط مش بقى سيراميك وبورسلين دلوقتي
احنا في 2008
يا بنتي عادي خالص
احنا عارفين انك بتفيدينا ومنون
بترد رد طبيعي وردها كله هزار وتريقة
طب بزمتك انت مش حاسة انهم زودوها اوي في موضوع الحاجات المسرطنة
وعلى فكرة بنات كتير غيرك كانوا بينزلوا مواضيع كدة وفي بنات تانية بترد عليهم بكلام منون وما زعلوش
يابت بطلي الحساسية دي معانا
احنا اخوات وعمرنا ما بنفكر نكلم بعض بطريقة مش لذيذة او نجرح بعض
والا انت خلصتي امتحانات وبتدلعي علينا بقى
محدش يقدر يزعل فراولاية حبيبتنا

عارفة يا كوفي...انا حاعترفلك باللى كنت مخبياه ف قلبي سنييييين

انا.....

..................

انا....................

بحبك موووووووووووووووووووووووووووووووووووووووووووووووووووووووت:8875:

وبجد روشي بيحب ستروبري؟؟

طب خدى دول منى ليه...







الباقي بأه حابعتهولك ع الخاص يا قمرايتي(f)

coffeerose;6371078:


منون انت قصدك اللي الكوافيرة بتحطه للعروسة قبل المكياج
اصل انا برضه يوم فرحي حطتلي ماسك وقعدت بيع شوية
وبعدين غسلته ومش حقولك على البياض على رايك واحدة تانية
بس يوم الفرح ماكنتش فايقة لحاجة فا مسالتش الكوافيرة
طب عقولك ايه ماتساليلنا عليه وتجيبيلنا الاخبار
:15::15::15::15:

قوليلي يا قمر فين الكوافيرة اللى رحتيلها ف الفرح..وشاطرة ولا مقلب؟؟

سمر يويو;6372191:
اية الحاجات الحلوة دية؟؟؟ وحشتونى يا بنات موووووووووووووووووت:87457::87457:
بس انا معرفش لية الايلاينر بيظبط معايا اكتر من الديب لاينر بكتيير :poster_vt:
حلو اوى الرابط دة انا اول مرة اشوفة:z_clap::z_clap::z_clap:

وحشتينى يا سمورة كنتي غطسانة فييييين؟؟

.* اميرة *.;6374768:


ميرسى يافراولاية ياحبيبى على التنبية بس بصراحة انا بقيت بحس ان كل حاجة بنحبها يقولولنا دى مسرطنة ربنا يستر يارب


بت يافراولاية بلاش حساسية زايدة منون تقصد خير وانتى بقى هاتعمليلى رقيقة انتى يابت مش فاكرة الملاية اللى فرشتيهالى هههههههههههههههههههه

والله بموت فيكى وربنا معاكى فى امتحاناتك

:sm179::sm179:

يادي الفضايح...يعنى لازم تحكي للناس ع الملايات والكوفرتات بتاعتنا..:21_209:

بس انا رقيقة غصب عنك :UP202::UP202:...شوفتى الرقة؟؟:bleh:

السلام عليكم ورحمه الله وبركاته

بنات فى طريقه نثبت بيها كريم الاساس المظغوط البودرة المائيه يعنى فى هذا الجو او كريم الاساسى العادى بس دا بيروح بسرعه من العرق

ازيكم يا عروسات يا حلوين وحشتونى اوى ووحشتنى اللمه الحلوه معلش انا انشغلت عنكم الفتره اللى فاتت وشكلى هكمل انشغالى عقبال لما اولد واشد حيلى خلى بالكم من نفسكم ودعواتكم ليا ان ربنا يهون الوقت اللى باقى ويدينى ساعه سهله ويدبرها من عنده سبحانه وتعالى وااقوم بخير ويرزقنى بمولوده معافاه وجميله الخلق والخلقه اتباهى بيها هى واختها يوم القيامه

اميييييين يا رب العالمين

مساء الخير على بنات مصر الحلوين

دى اول مشاركه ليا معاكم من ساعة ما دخلت الموضوع و انا عماله اقرا و بس
يدوبك على بال ما لحقت اقرا

بس للاسف عامله زى الاطرش فى الزفه لانى للاسف مش ليا خبرة خالص فى المكياج
و نفسى استفيد منكم

انا عندى سؤال
هو الحقيقه كذا سؤال مش سؤال واحد بس
معلش هتعبكم معايا

المهم انا فرحى ان شاء الله هيبقى فى شهر 10 الجاى بامر الله
عاوزة حد يقولى على كوافير كويس و يكون اسعارة كويسه بس عندى شرط ان يكون فيه ركن محجبات لانى هنتقب ان شاء الله بعد الجواز

تانى حاجة عاوزاكم تساعدونى فى المكياج اللى هجيبه و تقولولى رايكم و لو حد يعرف مكان كويس يقولى عليه
بصوا انا بشرتى دهنيه و مش بحب المكياج الكتير و التقيل يعنى هجيب حاجات خفيفه لان جوزى كمان مش بيحب المكياج
فبما انكم خبرة فى المكياج قولولى رايكم ممكن اجيب ايه ( انا كان كبيرى اوى كحل و روج ) :D
و ايه احسن اماركات و ممكن اجيبها منين

ثالث حاجة بقى عاوزة اعرف ازاى اعمل عضويه فى اوريفلام او ايفون يا ريت حد يرد عليا ضرورى

معلش صدعتكم و دوشتكم معايا