فينكوا يابنات يامصريات - الجزء الجزء الخامس

Mannoun;6303747:
وحشتوني اوي ... بئالي كتير ما طلتش عليكم
بجد معلش اصلي عندي كبسة جامدة اوي
عقبال عندكم فرح صاحبتي و my cousins جم من امريكا فبنعزمهم بئة و بنتعزم و الكورس برده و المذاكرة كل ده عمل عندي قفلة و النت مش مظبوطة وكدة
نفسي اقرا كل الي كتبتوه اليومين الي فاتوا و اشوف حد سأل عليا و لا نسيتوني بس لازم اقفل حالا و اقوم اتخمد و عارفة كلامكم حلو و لو قريته هتلخم في الرد و الاستفسار على الحاجات الحلوة الي بتكتبوها

بس انا ليا استفسار ... عايزة اعرف شروط العضوية المجانية بتاعة اوريفلام كان حد هنا قال عليها
و بالنسبة للنظام الشجري الي قلتوا عليه حرام و كدة اتاكدتوا من الحمانية ولا ايه علشان انا عايزة اشترك و انضف بأة هاهاها
باي باي

ربنا يقويكى على الحركات اللى عندك بقى عندكوا عزايم وتنسى اختك حبيبتك اخص عليكى:tongue::tongue:
العضوية بتكون مجانية لما تعملى 100 نقطة تاخدى التلاتين الجنية اللى دفعتيها فى الاول مش عارفة ايه حكاية الشجرة دى ليه حرام

coffeerose;6304307

:
يا سبحان الله وتاخدي الكلام على نفسك ليه
ههههههههههههه دايما شايطة كدة ههههههههه
النحس هو حظي مع النت :D:wink:


بصي ياجميل الصراحة انا بزهق من السويت زيك كدة
رغم انها ميزتها انها بتقعد مدة طويلة ماتطلعش
بس مملة جدا وعامة انا جربت مكنة جيليت لون الكيسة بتاعتها روز
وكمان هي نفسها لونها روز وعجبتني جدا ناعمة اوي وبتشيل كويس
بس اللي هي الامواس مش بتتغير لا بتستخدميها لحد ما تبقى مش نافعة وبعدين تستخدمي غيرها على ما اعتقد كانت ب17.5ج او ب19ج حاجة كدة من كارفور الكيسة باين فيها اربعة
خخخخخخخ الزهايمر اشتغل ونسيت

وكان في نوع انا كتبته قبل كدة اللي هي من ماركة بيك مكتوب عليها ليدي
في منها كيستها بمبي وازرق باين بس للاسف مش فاكرة السعر خالص

اتمنى اني افدت حضرتك يا عسل:wink:

طيب بصى انتى بتستعملى معاهافوم؟ والشفرات بتاعتها اللى فيها جل منها فيها
طب بتنعم تماما زى السويت ولالا وكمان الشعر يبتدى يطلع بعد قد ايه معبش اسئلة كتير اصلى تعبانة جدا من امبارح بسبب السويت ومتغاظة اوى

السلام عليكم
ازيكم يا قمرات ممكن اشترك معاكم
انا من مصر
بس كنت عايزه اعرف منكم
انا عايزه اشترك فى اورفيليم بس مش عارفه اعمل ايه
كمان معلش ليا استفسار
انا بشرتى دهنيه بس بيطلع فيها حبوب مش الى هيا حب
الشباب الصغير لا حبوب الى بيبقى شكلها اكبر وكمان لما بلمسها بتوجعنى من جوه
بس مش عارفه اضيعها ازاى كنت رحت لدكتوره
جلديه واخدت مضاد حيويى وبرضه لسه بيطلع
ياريت تفدونى وكمان اعمل ايه عشان بشرتى الدهنيه
معلش عارفه انى طولت عليكم
جزاكم الله خيرا

الهدايه;6306894:
السلام عليكم
ازيكم يا قمرات ممكن اشترك معاكم
انا من مصر
بس كنت عايزه اعرف منكم
انا عايزه اشترك فى اورفيليم بس مش عارفه اعمل ايه
كمان معلش ليا استفسار
انا بشرتى دهنيه بس بيطلع فيها حبوب مش الى هيا حب
الشباب الصغير لا حبوب الى بيبقى شكلها اكبر وكمان لما بلمسها بتوجعنى من جوه
بس مش عارفه اضيعها ازاى كنت رحت لدكتوره
جلديه واخدت مضاد حيويى وبرضه لسه بيطلع
ياريت تفدونى وكمان اعمل ايه عشان بشرتى الدهنيه
معلش عارفه انى طولت عليكم
جزاكم الله خيرا

اهلا بيكى ياقمر معانا مفيدة ومستفيدة ان شاء الله(f)(f)

بالنسبة لاوريفلام انتى بتروحى لاقرب فرع ليكى ومعاكى البطاقة ووصل النور وتدفعى 30 جنية ولما تعملى 100 نقطة يعنى تشترى ب225 جنية حاجات ليكى ولاصحابك تاخدى ال30جنية تانى وبكدة يبقى الاشتراك مجانا هم عاملين الحكاية دى الشهر دة عرض بس خلى بالك السعر اللى بتشترى بيه بيكون اقل من سعر الكتالوج عشان انتى عضوة تقريبا خصم 23 فى المية

بالنسبة للحبوب كانت عندى والدكتور كتبلى مير كلير معقول مش وحش بس انصحك اسالى دكتور احسن لانى ياما اتلعب فى وشى كتييييييييييييير

.* اميرة *.;6307901:
اهلا بيكى ياقمر معانا مفيدة ومستفيدة ان شاء الله(f)(f)

بالنسبة لاوريفلام انتى بتروحى لاقرب فرع ليكى ومعاكى البطاقة ووصل النور وتدفعى 30 جنية ولما تعملى 100 نقطة يعنى تشترى ب225 جنية حاجات ليكى ولاصحابك تاخدى ال30جنية تانى وبكدة يبقى الاشتراك مجانا هم عاملين الحكاية دى الشهر دة عرض بس خلى بالك السعر اللى بتشترى بيه بيكون اقل من سعر الكتالوج عشان انتى عضوة تقريبا خصم 23 فى المية

بالنسبة للحبوب كانت عندى والدكتور كتبلى مير كلير معقول مش وحش بس انصحك اسالى دكتور احسن لانى ياما اتلعب فى وشى كتييييييييييييير

شكرا ليكى حببتى ان شاء الله اشترك فيها
انا والله رحت قبل كده لدكتوره بس برضه لسه بتطلع الحبوب
والمشكله انها بتسيب اثر

.* اميرة *.;6294139:
هههههههههههههههههه بوسة بذمة انا قلقانة منك يابنت

بصى معلش الحاجات التانية دى مش جربتها يمكن حد من البنات جربها انا داخل دماغى اللى كاتبين عليه بيحسن لون الشفايف بس غالى 39 جنية لو عرفتى حد جربه ابقى قوليلى ينوبك ثواب فيا

مراميرو..امرمر....امورتي...وحشتيني يا انتى:bigsmile:

خدى ديه يا مرمر



مش عاجباكي البوسة اللى بذمة؟؟:think:...يعنى اللى بالمستيكة كانت حلوة؟؟...طب الحق علي...خير ان تعمل..قلق ان تلقى:sa36:

بصي يا ميرو..انا ماعنديش ملمع حلو...ونظرا لظروف اقتصادية بحتة..مضرة اجيب ملمع فيجنز الشهر ده..بتاع صفحة 33....جربتيه؟؟طب انهو احسن لون...ولا هو موش حلو اصلا؟؟

بتاع تحسين لون الشفايف ده محدش قال ايه الابداع اللى فيه...حتى هما مش كاتبين عليه كتير

بقوا غامضين اوى بتوع اوريفلام دول..عشان كدة انا قررت اخترق صفوفهم واشترك وانطلهم كل يوم..واعرف لكو اسرارهم ونوياهم الشريرة

خدى ديه ع الطاير :gum:

:sa32:

coffeerose;6294207:
معلش ياجماعة انا اسفة بحاول ارد عليكو
بس النتت بطيء ومش بينزل الرد ومش بيفتح اصلا
بصي ياعسل اللوز بودر حطي حبة منها في الغطا بتاعها
وبعدين بالفرشة بتاعة البودر او الاسفنجة بتاعتها خدي منه وابداي وزعي على وشك
انا بعمل كدة والطريقة دي شفتها على النت وفي التلفزيون

محدد العين الشهر الجاي في 7 حتلاقيهم منزلين منه الوان كمان مش عارفة ليه كاتبين اخر ظهور الشهر ده

الماسكرا مش عارفة والله بس ممكن تكون حلوة:15:


صحيح طمنينا بقى على اختك
والبيبي بتاعها هو ده اول بيبي ؟؟؟؟
حتولد امتى تقريبا كده؟؟؟

كوفي جارتي حبيبتي وحشتينيييييييي

خدى ديه



ميرسي يا قمر على ردك..بصراحة لغز اللوس باودر ده كان شاغلني جدا

شوفتي النونو؟؟:D

ده اول بيبي وحاتولد ان شاء الله 10/7...او 9 ممكن قبلها او بعدها...انا عارفة حركات البيبيهات القرعة اللى بيعملوها فينا...

بجد انا حاموت م الفرحة..انا باعشق الاطفال بجنووووووووووووووووووووووون..

عشان كدة انا حاجى العب برشرش..وياسورة لحد ما اختي تفقس...:D

دعواتك(f)

نسيت اسألك يا قمر

جربتي البدي كريم بتاع جيورداني؟؟

قوليلي رأيك فيه عشان عاوزة اجيبه الشهر ده

**فراولاية**;6314239:
مراميرو..امرمر....امورتي...وحشتيني يا انتى:bigsmile:

خدى ديه يا مرمر



مش عاجباكي البوسة اللى بذمة؟؟:think:...يعنى اللى بالمستيكة كانت حلوة؟؟...طب الحق علي...خير ان تعمل..قلق ان تلقى:sa36:

بصي يا ميرو..انا ماعنديش ملمع حلو...ونظرا لظروف اقتصادية بحتة..مضرة اجيب ملمع فيجنز الشهر ده..بتاع صفحة 33....جربتيه؟؟طب انهو احسن لون...ولا هو موش حلو اصلا؟؟

بتاع تحسين لون الشفايف ده محدش قال ايه الابداع اللى فيه...حتى هما مش كاتبين عليه كتير

بقوا غامضين اوى بتوع اوريفلام دول..عشان كدة انا قررت اخترق صفوفهم واشترك وانطلهم كل يوم..واعرف لكو اسرارهم ونوياهم الشريرة

خدى ديه ع الطاير :gum:

:sa32:

ميدو مداميدو انا قلبى اليك ميال ومفيش غيرك عالبال انت وبس الى حبيبى اشقطى دى



انتى يابت والله العظيم بموت فيكى معرفش ليه :21_201::21_201:

بصى بقى موضوع الملمع ده انسيه وحش مووووووووووووووووووووووووووووووووت

انا مرة اتخبطت فى نافوخى ورحت جيبته دخلت الحمام اجربه عاديكى يابنتى بالظبط كأنى قاتله حد وواكلاه اللى هو النبيتى وحش وحش
رجعت للبنت قولتلها عايزة اغيره وفعلا غيرته ده كان ب17 جنية والله اجيب 10 من اللى ب2.5 برقبته
وبينى وبينك بقى هم يقعدوا يكتبوا حاجات قد كدة وفى الاخر تطلع اى كلام فمابالك بقى باللى غامض اساسا ههههههههههههههههه
اشتركى واخترقى وانا معاكى
بقولك انتى ماوقفتيش فى الصف ليه وماقولتيليش بتزيلى السيكو سيكو ازاى هو انا مش قولت السؤال اجبارى:angry::angry::angry::angry:

**فراولاية**;6314239:
مراميرو..امرمر....امورتي...وحشتيني يا انتى:bigsmile:

خدى ديه يا مرمر



مش عاجباكي البوسة اللى بذمة؟؟:think:...يعنى اللى بالمستيكة كانت حلوة؟؟...طب الحق علي...خير ان تعمل..قلق ان تلقى:sa36:

بصي يا ميرو..انا ماعنديش ملمع حلو...ونظرا لظروف اقتصادية بحتة..مضرة اجيب ملمع فيجنز الشهر ده..بتاع صفحة 33....جربتيه؟؟طب انهو احسن لون...ولا هو موش حلو اصلا؟؟

بتاع تحسين لون الشفايف ده محدش قال ايه الابداع اللى فيه...حتى هما مش كاتبين عليه كتير

بقوا غامضين اوى بتوع اوريفلام دول..عشان كدة انا قررت اخترق صفوفهم واشترك وانطلهم كل يوم..واعرف لكو اسرارهم ونوياهم الشريرة

خدى ديه ع الطاير :gum:

:sa32:

انا كنت جربت ملمع فيجنز قبل كده هو فعلا حلو بيقعد فتره على الشفايف جربي منه الالوان الفاتحه لان الالوان الغامقه منه اوفر اويي الا اذا كنتي هتستعمليها للبيت

كوفييييييييييييييييييييي انا شايفاكي

نيمتي البطابيط وجيتي تتسحبي....على مين ثواني وحاتسمعي سيمفونية الجوع او الحر او التغيير او الغلاسة او ......:D

بس كنت عاوزة امسي عليكي...

اما اروح بقى ارد ع البت مراميرو احسن تاكولني:D

.* اميرة *.;6315011:
ميدو مداميدو انا قلبى اليك ميال ومفيش غيرك عالبال انت وبس الى حبيبى اشقطى دى



انتى يابت والله العظيم بموت فيكى معرفش ليه :21_201::21_201:

بصى بقى موضوع الملمع ده انسيه وحش مووووووووووووووووووووووووووووووووت

انا مرة اتخبطت فى نافوخى ورحت جيبته دخلت الحمام اجربه عاديكى يابنتى بالظبط كأنى قاتله حد وواكلاه اللى هو النبيتى وحش وحش
رجعت للبنت قولتلها عايزة اغيره وفعلا غيرته ده كان ب17 جنية والله اجيب 10 من اللى ب2.5 برقبته
وبينى وبينك بقى هم يقعدوا يكتبوا حاجات قد كدة وفى الاخر تطلع اى كلام فمابالك بقى باللى غامض اساسا ههههههههههههههههه
اشتركى واخترقى وانا معاكى
بقولك انتى ماوقفتيش فى الصف ليه وماقولتيليش بتزيلى السيكو سيكو ازاى هو انا مش قولت السؤال اجبارى:angry::angry::angry::angry:

مين ميدو ده يا هانم؟؟

من اولها حاتغلطي ف اسمي...:angry:

بس حلوة البوسة ديه يا بت جبتيها منين؟؟انا سيفتها يمكن ربنا يكرمني واحتاجها ف يوم م الايام:21_207:

بجد الملمع وحش؟؟

طب والله احسن..اصل الميزانية مخرمة الشهر ده موش عارفة ليه..

بالنسبة للسيكو سيكو..انا برده باستخدم جيليت الحريمي..shaving

بس كنت بافكر اغير واستخدم براون للمناطق الحساسة..عشان الشافينج مش بيقعد اكتر من يوم او يومين بالكتير وتلاقي الجنينة زرعت تاني:o

قلت شوية وجع يا بت وحايعدى وخلاص يعنى حاتموتي؟؟

بس نفسي اجرب السويت..بس انا فاشلة فيه جدا...بلزق ف بعضى واحتاس والحر بيسيح المواضيع وبابا طلع معاش وقاعد طول النهار فموش عاوزة ابقى مريبة واقفل الباب ساعتين واطلع ابتسم زى الهبلة....وبابا حبيبي بيسألني...كنتي بتعملي ايه؟؟:whistling:

pascotta;6316188:
انا كنت جربت ملمع فيجنز قبل كده هو فعلا حلو بيقعد فتره على الشفايف جربي منه الالوان الفاتحه لان الالوان الغامقه منه اوفر اويي الا اذا كنتي هتستعمليها للبيت

امممممممممم.....

انتى حاتخليني ارجع ف كلامي..وانا كلمتي ماتنزلشي الارض ابدا..

بس ممكن تنزل المرة دي..:tongue:

بس قوليلي بجد بيثبت؟؟والالوان الفاتحة اللى هى الشفاف والروز ولا الروز برده اوفر؟؟

ميرسي يا بسكوتي(f)

coffeerose;6317944:
يا رغااااااااااااااااااااااااااية انا مش ملاحقة على ردودك
ههههههههههههه
وبعدين ثواني ايه يا ماما ياسر باشا على ايدي وانا بكتب بالايد التانية
يعني السيمفونيات معايا ما بعدتش ولا حاجة:confused::confused::confused:

بصي كريم جيورداني للجسم روووووووووووووووووووووووووووووووووعة
انا بموووووووت فيه المجموعة كلها تجنننننننننننننننننننن
على ضمانتي خديه بجد

هههههههههههههه
بتموتي في البيبيهات ياسلام ابعتلك اللي عندي فورا وانت قريبة مني بس ايه
حبعتهم واعزل انا في حتة ماحدش يعرفلي طريق جرة

ربنا يقومها بالسلامة يارب
ويطمنكوا عليها ده اول بيبي ده حياخد كمية دلع منكم مالهاش حل:wink:

يادى الكسوف يا ولاد....ايه الرغى بتاعي ده؟؟:o

بس انتى اللى حطتيهم ورا بعض كدة..والله كان فيه فارق زمني بينهم...شوفتى فارق زمنى ديه؟؟:tongue:

والله فرحتيني..انا كنت حيرانة بين البدى كريم بتاع جيورداني واللوشن بتاع ميلك اند هنى

اصل البنات بيقولوا اللوشن بيمتص اسرع من الكريم

بيقولوا الكريم بيحتاج تدليك اكتر عشان يمتص..ولا مش للدرجة دى؟؟

ياللا قولي رأيك ف ملمع فيجنز...انتى الفاصل دلوقتى..معايا صوتين وانتى الحكم:D

هاتي يا ختى العيال كلهم وسافري تايلاند كمان..ماتتصوريش انا باموووووووووت ف البيبيهات ازاى..

عندى بيبي مانيا:D

coffeerose;6317976:
هههههههههههههههههههه
ياتحفة حلوة تطلعي تبتسمي زي الهبلة
وبابا يسالك ههههههههههه

بصي بالنسبة للقلوس اللي من فيجنز انا اختي جابت الدرجة الروز وعجبها جدا
جابته لصاحبتها هدية في عيد ميلادها والبنت جربته ورجعت كلمتني وطلبت منه تاني
عجبهم جدا ......

ياربي قبل ما اطلب منك الحاجة تكونى قايلاها كدة...ما شاء الله عليكي

القلوب عند بعضيها بقى(f)

معلش يا مرمورتي...اتنين برده قالوا الفاتح حلو..بس انتي جربتي الغامق..ماتيجى اجر رجلك واخليكي تجيبي الفاتح زيي؟؟

بالحجاب احلى;6294267:
ازيكوا يا احلى عرايس انا عضوة جديدة واتمنى تقبلونى اخت ليكم وبجد الموقع جنان وجزء الاستفسارات ده هايل انا حبيت اقولكم انى بعمل ميك أب وبلف طرح حلوة اوى وكنت بعمل ميك أب لاصحابى وقرايبى وبعدين قررت انى اعرض خدماتى لاى واحدة تحب انى اعملها بس تكون من دمياط وتكون محجبة بس لانى انا من دمياط ومش بعمل الا للمحجبات ومرة تانية ياريت تقبلونى اخت ليكم:o

يا حلاوة يا ولاد ... با اهلا وسهلا بالناس المحترمة وسعوا يا عيال لاجدع ناس ... اتفضلي حبيبتي برجلك اليمين ما تخافيش كلنا حريم فكي كدة و اتبحبحي ... تشربي ايه ...؟

coffeerose;6294905:
طبعا انت معانا واخت لينا
ومنورة الموضوع
استنى بس منون تيجي تعملك الزفة المحترمة اللي بنستقبل بيها
اي حد جديد معانا

اهه قلتش انا حاجة ... هاهاهاهااا

.* اميرة *.;6302563:
بكام دى اللى ليها شفرات بتتغير؟؟؟؟؟ وبتطلع الشعر بعد قد ايه وفي الشفرة فيتامين eولا مش بتطلع حاجة معلش انا مصدقت حد بيستعملها

الماكينة بتاعة الشفرات يا اميرة فيه كيس كدة فيه 6 ب14 جنيه شوفتها في اولاد رجب و بتاعة الرجالة في كيس ازرق و بتاعتنا في كيس بمبي

طب صحيح الا ايه الفرق بين الرجالي و الحريمي في مكن الحلاقة ده يا اختي ... الفرق في الحته الي فوق الموس نوع الجل يعني الي في الماكينة ولا ايه؟

.* اميرة *.;6306097:
ربنا يقويكى على الحركات اللى عندك بقى عندكوا عزايم وتنسى اختك حبيبتك اخص عليكى:tongue::tongue:
العضوية بتكون مجانية لما تعملى 100 نقطة تاخدى التلاتين الجنية اللى دفعتيها فى الاول مش عارفة ايه حكاية الشجرة دى ليه حرام



طيب بصى انتى بتستعملى معاهافوم؟ والشفرات بتاعتها اللى فيها جل منها فيها
طب بتنعم تماما زى السويت ولالا وكمان الشعر يبتدى يطلع بعد قد ايه معبش اسئلة كتير اصلى تعبانة جدا من امبارح بسبب السويت ومتغاظة اوى

قال يعني لو قلت لك اتفضلي هتتفضلي ... طب اتفضلي انتي و انا اعمل لك اكل مخصوص ... اما اشوف هتيجي ولا لئة
اه الماكينة ام جل منها فيها بتنعم جدا ... انا ما جربتهاش البمب دي بس لا مؤاخذة جربت الزرقة علشان كنت مزنوقة و مش لائقية البمبي:o

معلش هو انتم بتستعملوها للايد و الرجل و الباط عادي و لا للي بالي بالكم بس؟

خلاص انا حامشي والله..

بس اسألكو على آخر حاجة..كوفى ومنون..بتعملوا الاقتباس المتعدد ده ازاى؟؟:D

**فراولاية**;6318236:
خلاص انا حامشي والله..

بس اسألكو على آخر حاجة..كوفى ومنون..بتعملوا الاقتباس المتعدد ده ازاى؟؟:D

بصي يا قمر هقول لك
عندك جنب تلت زراير تحت كل مشاركة
اقتباس
اقتباس نتعدد
الرد السريع على هذه المشاركة
انا و انا بقرا الي فاتني و لئيت رسالة عايزة اعلق عليها بس اخلص كل القرايا و ارد مرة واحدة بدوس مرة واحدة على زرار الوسطاني الي هو الاقتباس النتعدد ده
و اكمل قراية و كل ما الائي حاجة عايزاها بدوس اقتباس متعدد بتاعها
وفي الاخر خاااالص بدوس على اقتباس حتى لو مش عايزة ارد عليها بس علشان تفتح لي صفحة الرد و هلائي فيها اقتباس لكل المشاركات الي عايزة ارد عليهم
ارد عليهم كلهم و امسح اخر واحدة انا مش عايزاها لو فعلا كنت مش عايزاها

يارب اكون وضحت
انا عارفة اني لخفنتك ... بس معلش يارب اكون وضحت اصلي باكتب بسرعة علشان الحقك قبل ما تقومي تنامي
تصبحب على خير يا احلى فراولاية

بنات
كنت سألكم عن افضل غسول للبشره ومحدش رد عليا
فجبت واحد اسمها الوفيرا بالصبار حد جربه ده وايه اخباره
وايه احسن حاجه تعتبر
انا كنت الاول بغسل بصابونه طبيه لكن كانت بتجفف وشى اوى وتعمل قشور من الجفاف وخلاص قررت استخدم منظف ياريت تفيدونى

كذانوفا انا باستعمل غسول دوف
ناعم و رقيق و لا بينشف و لا بيدهنن
و بيخلي وشي نضيف و ناااااعم بس اشطفيه بمية بارده مش من السخان