بنات بغيتكم بكلمة راس

أصيــsaــلة 27-05-2008 26 رد 2,372 مشاهدة
أ
ملكة الأخلاق;6160423:
موضوع في غاية الاهمية ...

الله يسعدك ..

واكيييييد ماكو زعل

هو صحيح شئ يقهر بس تبي تشوف العضوة مستواها في الطرح

قبلوه او لا بس مهم بعد ان يكون في مصداقيه لمن تجين تكتبين موضوع ويهمك تقبل العالم عنه عشان تقول الوحده راسلني على الخاص ,,,,

حلو موضوعك واتمنى في احد يعي هالشئ

وشاكرة لك طرحك

تحياتي ومحبتي



الله يحلي أيامك بالطاعه اختي ملكه (f)

لكن .. بنظري اللي بتشوف مستواها تطرح مواضيع قيمه ،، مميزه و تشوف عدد الردود و الشكر من غير ما تطلب لأن هذا شي بديهي عجبنا الموضوع بنرد و نشجع بعد (i)

شاكره لك هالمرور (f)
أ
عروسة البحرين;6162326:
انا مرة قريت موضوع وكنت تعبانة بنام كان نص الليل قراته وكنت ناوية ارد بس ما كان لي خلق ...المهم طلعت من الموضوع الا تجيني رسالة خاصة من صاحبة الموضوع اللي كنت اقراه تقول لي ليش قراتين وطلعتين من غير رد؟؟؟؟؟؟؟؟؟؟ هو غصب يعني؟ كيفي!!!



احيانا ما نرد عشان ما نجرح شعورهم خصوصاً إذا كان الموضوع مررره مررره بايخ :ss:

إذا ما ردينا يزعلون و إذا ردينا رد صريح أو ما عجبهم بعد يزعلون و الله حاله :(

اشكر لك مرورك عروسه (f)
أ
حلى بنتين;6162333:
ايه والله صدقتي اختي اصيله.. بكلامك.. انا اضم صوتي لصوتك.. بس مايمنع ان

بعض البناات يكتبون يابناات ردو وهم يمزحون.. يعني مايقصدون شي.. يعني انا

مره كتبت في موضوع .. بنااات اللي ماترد ياويلها وياسوااد ليلها.. وكنت امزح حتى

بنهايه موضوعي كتبت يابناات انا ماكتبت هالموضوع عشان تردون علي انا كتبته لان

كان عندي استفسار عن شي وقلت اللي تعرف شي بخصوص استفساري ترد.. للافاده

لكن البناات اللي يكتبون وين الردود ... معقول كل هذه المشاهدات ومافي ردود.. يعني

يزنون .. هاذولا صراحه انا ماارتاح لهم.. واحسها بدون زعل حركه بايخه.. وانا عبرت عن

وجه نظري لااقل ولااكثر واتمنى ان اختلاف الراي لايفسد للود قضيه.. وتقبلي مروري اختي..



حياك الله يا حلى (f)

المزح يبين من أسلوب العضوه بالعكس هذا اعتبره تغيير جو إذا كان بعيد عن الدعاوي .. الله يا عل اللي ما ترد يصير شعرها ليفه أو تطلع بوجهها دمامل أو من هالقبيل <<<<<< ما تحب الدعوات اللي كذا :confused:

شاكره لك مرورك اختي (f)
أ
Bint -qatar 2008;6162917:
مرحبا بنات انا معاكم اميه في الاميه والله اني ماارد على المواضيع علشان التصويت ولا علشان التقييم

انا ارد على المواضيع اللي احس ان ابغي ارد عليها ولا اللي احس ان ممكن انا اساعد في الرد

بس انا اللي يقهرني مرات ان في مشاكل يدخلون بنات ويردون مثلا الحمد لله والشكر اي انا معاهم الحمد لله والشكر لله على كل شي بس البنت اللي طارحه الموضوع مب طارحته على شان يدخلون يتحمدون ربهم عليها ويطلعون

ومرات انقهر في قسم الطبخ مرات تلقين البنات منزلين مثلا المجبوس مليون مره وبطرق مختلفه تلقينها عيزانه تدور شوي وتروح تقول ممكن تعلموني المجبوس

بس بشكل عام انا احب المنتدى واحبكم كلهم اما عن اني ليش ماارد مب علشان شي والله بس انا ادخل من الشغل فصعب تفتح الصفحه وتاخذ وقت طويل علشان جذيه ادخل واتفرج واللي يشدني بزياده احاول ارد عليه

اصيله عليج بهم هاوشيهم



خخخخخخ يا حبي لك يا بنت قطر .. حسيت إنك مقهوره من قللللللب :wink:

حياك الله اختي و شاكره لك هالمرور و التعليق (f)
n
الصراحة اذا موضوع بايخ ومنقول مالها حق العضوة انها تتكلم وتقول وين الردود
اما اذا الموضوع حلو ومن تعب شخصي والمشاهدات ضربت على فوق ومافي ولارد لها حق انها تسال عن الردود ولها حق انها تزعل ولالا؟؟؟؟
أ
nora_1188;6165800:
الصراحة اذا موضوع بايخ ومنقول مالها حق العضوة انها تتكلم وتقول وين الردود
اما اذا الموضوع حلو ومن تعب شخصي والمشاهدات ضربت على فوق ومافي ولارد لها حق انها تسال عن الردود ولها حق انها تزعل ولالا؟؟؟؟



أنا معاك يحق للعضوه تزعل و نصف و ثلاثة ارباع إذا الموضوع يستاهل و على قولتك جهد شخصي و المشاهدات بالهبل و من غير ردود !!

و كلنا معاها لأن الحق حق و لا وحده فينا ترضى بهالشي لا لها و لا لغيرها (i)

بس متى نلاقي موضوع رائع بمعنى الكلمه و لا نلاقي ردود ؟!

بمعنى إن الظاهره اللي نتكلم عنها أولى - لذلك - خصصنا لها موضوع :)
أ
هلا فيكم جميعا ..


بالنسبة لمثل هذه المواضيع تم مؤخرا وضع حدا لها من قبل مشرفات الأركان ، إما بإغلاق الموضوع أو حذفه نهائيا .. وإذا حدث أن وجد مثل هذه المواضيع يرجى تبليغ المشرفات مباشرة عن طريق أيقونة التبليغ أسفل الصورة الرمزية ..

لذا إسمحي لي أختي أصيلة بإغلاق هذا الموضوع أيضا كي لا تطول المسائل فيه إلى ردود لا داعي لها ..
X