غيرة أهل الزوج من زوجة الابن

بطوطه ممطوطه;6149713:
من حق كل انسان ان ياخذ حريته وراحته في بيته اذا كان يعطي كل ذي حق حقه والراحه والحريه ما تتحقق في بيت مشترك …المغاهيم تتغير من جيل إلي جيل فيه من يسهر الليل وكبار السن ما يحبون هالشي ووفيه الحموات اخوات الزوج اللي كل وحده منهن تناضر بعين الحسد والعناد والغيره وفيه زوجات الاخوان مواقد الغيره والتحقير والكلام اللي يجرح …
من المشقه ان الواحد يعيش على كيفه في بيت الحموله …لازم يحسب حساب لكل شي حتى ابوه وامه في طلعاته ودخلاته ونومته وقومته ….من المشقة ان تشهد صراع الأجيال في البيت المشترك على حساب الراحه والسعاده في عمر محدود خاصة اذا كان في البيت من هو سليط اللسان.
يعني باختصار ماتعيش في نفس بيت اهل الزوج
لان كثره الاحتكاك فيهم تسسب اليره والمشاكل خلك بعيد حبك يزيد والزوج يزور اهله باستمرار
تقبلي مروري

راي من رايك

بس الحياة صعبة والوحدة تتنازل تعيش بيت مشترك

واني حاليا عايشة مع اهل زوجي لكن احاول اني اكون لحالي قد ما اقدر عن المشاكل والحساسيات الي تصيرر

والحمد لله على كل حال

كيمو والله ان الموضوع حساس مرة والله لو اقولك عمتى لحد ايش الغيرة تستغربين لى رجعة كيمو
سلامى

فتحتي جرح بالقوة احاول اسده وانا لسه ما اتزوجت بس مخطوبة شوفي مواضيعي وبتنصدمي لم تعرفي ان اهل زوجي هم بيت عمتي وكانو رافعيني السما وانا قريبتهو وبس رت زوجة ولدهم معد عرفت نفسي من كثر ما حسيت اني غريبة والله لو تقري صدقيني حتدخلي عالم جدا غريب وتنسي الدنيا من كثر ما تشوفي

الغيره مالها حل الله يكفينا شرها

والله الوحده تدخل بيت اهل زوجها وهي على نياتها وبعد فتره (( قصيره)) تنصدم بواقع مررر

تكتشف انها انخدعت ايام الخطوبة فيهم ونغشت!!

ومن تعيش معاهم في بيت واحد تسقط الاقنعه !!
غيره وحسد و دسائس !!

الله المستعان !!

اللهم من اراد بي سوءا فأشغله في نفسه.. ورد كيده في نحره وأجعل تدبيره تدميرا له يارب العالمين ..

قولوا آآآآآآآآآآآآآمين

اكيد هيغاااااارون لانك اخذتي ولدهااا لاكن اذا حسستيهااا بغير كذا حتحبك

لفتني الموضوع مع انو صار لو فتره بس مو مشكلة فيني نار ابغى اطفيهآ



طبعا راح اجاوب ع قد السؤال <<< داخلها كلام كثير ههههـ
لماذا تحصل الغيرة من أهل الزوج لزوجة أبنهم ؟
دعونا من هذا المنبر نطرح الاسباب ونحاول حل المشكلة .
السبب ...
بالنسبة لام الزوج بتكون احد صفاتها {{ الغيره -- التسلط --}} تبدأ تراقب الزوجه وتبغى تمشيها ع كيفها
وتغار من اهتمام ابنها له مع ان هذا حق من حقوقهآ

بالنسبة لخوات الزوج مثل ماقالت احد العضوات انو بيكون قل اهتمامه فيه بعد الزواج او بالاساس ماكان يلبي احتياجاتهم
وتبدا المقارنه

ومرات اخرى تصير الغيره بسبب تصرفات تصدرها الزوجه كتسلط والتحكم الزايد بزوج ويصير {{ سكانه مرته }} او تصدر منها تصرفات
ماتعجبهم بس هي تربت عليها {{ اختلاف الطبايع }} او يكون لسانها طووويل او صريحه معهم بزيااده




وطبعا الحل بنضري انو تكون العلاقه طحية والزوجه تحاول ترضي ع قد الى تقدر عليه ,, وارفض انها تضغط على نفسها اذا
كانو اهل الزوج فيهم حاله نفسيه شششاذه ومايرضيهم شي
لأن الزوجه انسانه تزوجت مو اله تتبرمج ع الكيف
وبالنسبة لام الزوج والخوات يبتعدوووا عن المقارنات ويخلوا البنت في حالها لأنهم يعيشوا زيها زيهم متزوجه وهي حره مع زوجها
وهم كذالك ...

انا من رأي ان الغيره بينهم تتفاوت على حسب الزوج اذا اهتم اكثر بالاهل او بالزوجه فالطرف الثاني يغار

حسب ثقلفتهم وجهلهم كل ما كان كل الطرفين مثقف كل ما قلت الغيره

حسب المعااااااامله ثم المعااااامله وبحذر ليش اهل الزوج يضرون انسانه تحبهم وعادته مثل اهلها ومسويه خطوط عشان مهما اخذو على بعض ما يتجاوزونها الا اذا كان فيهم سبب من اللي قبل

سلام حبايبي 00
اذكانت اصابع اليد متساويه حيكون الناس زي بعض
موكل اهل زوج عندهم غيرها على الابن
اذكانت معاملة الزوجه مع اهل الزوج كويسه راح يعاملونها تمام
جايبي لها هدايا مثل ايام العيد قبل زوج احد من اولادها الـــــــــــــــــــــــــــــــــــخ

موضوع حلووووووووووو ....

فعلاً الآن أغلبية العوائل فيها مشاكل بين الزوجة وأهل الزوج مع أن الحياة اتغيرت مب مثل أول يعني كلهم يعيشون ببيت واحد

وكلهم يشتغلون في البيت الحمدلله الحين شغالات وطباخين وكل شي متوفر والمفروض المشاكل تخف بس ابدا ابدا كل وما

يلها وتزيد كل البيوت تقريبا تعاني من هالمشاكل ...


أنا بصراحة آشوف في الواقع ..... يا ( زوجة طيوبة وع نياتها وأهل زوج متسلطين ) أو ( زوجة خبيثة وأهل زوج على نياتهم)

وفي كلتا الحالتين بتصير مشاكل .....


أنا اتفق مع الي قالوا أسباب كره أهل الزوج لزوجة ولدهم هيا الغيرة ... لأني بالواقع مجربتها .. خصوصا ولدهم ليمن يكون قايم

فيهم وما مقصر معاهم فجاءة تدخل وحدة يديدة حياته وخو تعرفون بعد الشباب أول ما يخطب ويتزوج مستانس بحياته اليديدة

ووده يستانس مع خطيبته .... وهذا من حقه .. بعضهم يبالغ في اهتمامه بزوجته . بس تلاقين أهل الزوج يكرهون ذي الشي ويحسون أنه اهملهم ...... لدرجة أن

أخت خطيبي الكبيرة وهي مب متزوجة مرة عودة بال اربعينات تقول حق أخوها .... أنت توحشنا لا تروح حق خطيبتك ههههههههه بس عاد هذا عشم ابليس

بالجنة لأن الواحد ما صدق يخطب ويستانس ......

ولا من سوالف الغيرة يا بنات مرة نسيت تلفوني عند خطيبي وهو كان يايبنه هدية حقي ... شافته اخته ووسألته حق منو ويوم


عرفت هدية منه لي !! شنو سوت ؟؟؟.... قالت ابيه حقي .!!!!. المسكن راح اخذ لها واحد يديد وقالها ذي حق خطيبتي .. طبعا عبالكم تصرفات وحدة مراهقة لالالالالالا هذي مرة عودة

وماشاء الله متدينة بعد بس مب متزوجة الله يرزقها يارب ويعوضها


وتطول القصص مع أخوات وام خطيبي طولت عليكم صح هههه السموحة الغاليات