الكشف المهبلي أثناء الحمل .. إستشارة بلييز

لا عادي اختي،، لانه ساعات كيس الحمل ما يبين بالسونار العادي اللي يكون من فوق البطن ويبين بالسونار الداخلي،، وبعد ساعات ما يبين اذا الحمل تووه بادي

لا اتوقع انه يضر
وليش تسوي لك وانت زي ماتقولى في الايام الاولى...

انا حامل للمرة الثانية بعد ولادة في الشهر السادس
ولا سوي لي كذا
اذا كانت تبغى تتأكد اذا فية كيس جنين اولا؟؟

تقول لك تعالى بعد اسبوعين ونشوف اذا فية اولا او على الاكثر ثلاث اسابيع

انا انصحك ماتسوي

والله يتمم حمل كل حامل ويرزق كل محرومه يااااااااااااااااااااااارب

مشكورين خواتي على الرد

بس الحين حيرتوني وحدة تقول عادي ووحدة تقول خطير

طيب ممكن احد بعد يرد عشان نعرف؟ انا خايفة.

اختي مايضر ولا شي ... انتي فاي شهر الحين
لانه انا فحملي الاول كنت شهرين ومابين النبض وكشفت من تحت بالسونار وتاكدت انه مافي نبض ..
هو سونار فيه على البطن وفيه داخلي ..بس اذا كانت المشيمه نازله يضر لانه ممكن يسبب نزيف

انا توي حبيبتي الطاوله المستديره

تقريبا اسبوعين وكم يوم .... حتى بعدي ماطلبت شريط حمل :)
قلت اتطمن أول ... أدعوا لي بنات الله يخليكم


اهي قالت لي بتشوفني الأربعاء وبتسوي لي سونار اتوقع تقصد الي من داخل وانا خايفة.
ادعوا لي تكفون الله يثتب حملي يارب

اختي اذا خايفه انتضري لين ماتخلصين الشهر وسوي سونار من فوق واصلا نبض الجنين مايبين اقل من شهر

أهو مو عشان النبض الظاهر عشان تشوف الجنين في كيس الحمل

مادري والله مو فاهمة حق ايش السونار هذا

اختي انا سويت التراساوند داخلي بحملي الثاني لان الجنين كان ما يبين من فوق وكانت الدكتورة حابة تتأكد ان الحمل مو خارج الرحم .. والحمدلله يوم سوت التراساوند داخلي بين الجنين وكان عمره وقتها 4 اسابيع ويومين يعني وايد صغييييير والحمدلله ما صار شي ولا تأذيت ولا صادتني اي مشكلة بعدين :)


الله يتمم حملج وتقومين بالسلامة ان شاء الله .. بشرينا بعدين :wink:

هو عادي
لكن الافضل انج ما تسوينه

ليش
لانه يوسع عنق الرحم

و عنق الرحم لما يتوسع يسبب سقوط الجنين
او ولادة مبكرة لا سمح الله
ف عشان جذه اللي عندهم توسع ف عنق الرحم يسوولهم ربط

ف اذا سبق لج الولادة كذا مرة او تعرظتي للاجهاض في يوم من الايام ف ما انصحج تسوينه

انتظري شوي و ان شاء الله يبين الجنين بالتلفزيون ان شاء الله
و ما عليج شر ان شاء الله

اختي ما في ضرر و لا شي

دكتوره اللي تسويه مو دايه !!!

كلنا سويناه ما فيه ضرر بإذن الله

اختى انا سويت اول شى تحت لان قالت مايبين بس بعدين بان من تحت والحمدالله وبعدين سوتلى فى بطنى ولله يطنش يارب

انا ماصلحت الاسونار عادي فالشهرالاول
وماكان باين الجنين
وصلحت التاني
بالرابع
والحمدلله بخير

شوفي يالغالية

اذا كان قالت لك سونار وماحددت اكيد قصدها سونار البطن..

اما اذا كان قالت لك سونار من تحت علشان تشوف فيه كيس ماااااااااااااا انصحك تسوي وانتى باقي في البداية
لانه راح يبين الكيس بعد شهر انا سوت لى سونار بعد 6اسابيع من الحمل وقالت فيه كيس لله الحمد

وزي ماقالت الاخت العزيزة: دلوعة محمداني يسبب توسع في الرحم السونار من تحت وكشف الدكتورة

انت عاااااد وبراحتك سوي اللى يريحك,,

بس اذا خايفة صلى الاستخارة وان شاء الله راح ربي يطمنك بإذن الله

واتمنى ان يتم حملك ياااااااارب

عزيزني نصيحة الك ولغيرك قبل ما تروحي للدكتورة لازم تكوني واثقة من امكاناتها ومن سمعتها ... وأظن هالشي سهل من خلال علاقاتنا ... انا بحملي الأول كنت حامل باسبوعين بس والدكتورة سوتلي سونار داخلي وتألمت كثير لكن صدقيني لو ما كانت عارفة مدى خطورة هالشي ما كانت عملت هالشي ما في حد يحب يضر نفسه ... اما اذا كنتي خايفة ومش مرتاحة وما عندك ثقة انا رأي تأجلي زيارة الدكتورة لاسبوعين كمان طالما متاكدة من وجود الحمل واظن هالشي سهل عن طريق الفحص المنزلي ...بالتوفيق انشالله

انا مانصحج

انتظري تكملين 5 وله 6 اسابيع وعقب سوي على البطن عشان اتطمنين

منعاً لأي مشكله لا سمح الله


وان شاء الله يكون حملج سليم والله يثبته لج

ويتمم لج على خير يارب

لا انصحك بعمل سونار مهبلى وانتى فى اول الحمل

فسونار البطن افضل ويبين كل شى الجنين والنبض

وكل شى

ولكن يحتاج لدكتوره ماهره فى السونار

ويكون كميه البول عندك كبيره جدا

ارجو ان تكونى فهمتى قصدى

لان هذا بيسهل عمليه الرؤيه فى سونار البطن