للي عندها اكثر من طفل واحد .. حياج

السلام عليكم :)




بنات انا عندي اولاد اثنين الله يخليهم .. والاحظ شي مادري اذا هذا كان احساس كل ام ولا انا حالة نادرة ههههههههههههه


المهم :: مادري ليش دايما احس ان ولدي الثاني بعده صغنووووون ، مع ان اخوه يوم كان في عمره كنت كل احسه كبير .. يعني لما اقارن في العمر ، ولدي الكبير يوم كان في عمر اخوه الحين كنت اتجرأ واسوي له اشياء او حركات كثيرة لكن ولدي الصغير الحين كل اقول بعده صغير على هالشي واقول بعد مادري شلون كنت احس بحسون في هالعمر كان اكبر (a) مع ان ما في فرق كبير في الحجم واذا بقارن بيطلع ولدي الصغير جسمه احسن من اخوه شوي ..

وهذا الكلام ينطبق على جميع المراحل العمرية من ولدت ولدي الثاني الى الحين ،، يعني مثلا انا كنت اخلي حسين يلعب وياخذونه اليهال ويحملونه ويلعبون معاه من عمر مبكر جدا يمكن حتى قبل ما يكمل سنة ،، بس حمود الى الحين احسه صغييير على انه اليهال يحملونه ويلعبونه معاه ومن ياهل يحمله مباشرة اقوم اخذه من عنده واذا بيلعبون معاه دايما عيوني عليه واخاف يأذونه ولا شي على عكس يوم بحسون كنت اثق واستانس يوم ياخذونه يلعب معاهم وعادي عندي يحملونه اليهال .. وخوفي على حمود خلى بعض الاهل يقولون لي انتي تفضلين حمود على حسون لان حمود وايد تخافين عليه على عكس حسون كنتي عادي ..

مع اني والله العظيم ما افضل واحد على الثاني هذولا عيالي وروحي وعمري وحياتي اثنينهم نفس المستوى وحتى بالعكس انا بعد ما ولدت بحمود صرت ادلع حسين اكثر علشان ما يحس بالغيرة من اخوه ولا يصير تفرقة بينهم بس فعلا ما ادري ليش يوم بحسون كنت احسه كبير والحين حمود كل احسه بعده ياهل وصغيرون على اشياء كثيرة :)


هل انا نوع فريد ونادر ولا كل الامهات مثلي !!!!!!!! (a)


مادري اذا كان اسلوبي واضح والكلام مفهوم او لا ،، اتمنى ان توصل الفكرة :wink: